Êsai 42:1 - Nau Brah Ndu Ngơi 2023

¹ Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 42:1 ပူးပေါင်းရင်းမြစ်များ

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Nau Mprơ Ơm 72:4

Hađăch mra phat dôih phung o ach tâm ƀon lan, Tâm rklaih phung pưt kƀah Jêh ri hađăch mra jot hăch phung tŭn jot.

Nau Mprơ Ơm 89:4

‘Gâp mra njêng noi deh may mro mrăng, Jêh ri ndâk sưng hađăch nâp n'ho ro.’” (Sêla)

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Êsai 32:16

Rnôk nây, nau di mra gŭ tâm bri rdah, Jêh ri nau sŏng srăng gŭ tâm đang tơm sa play.

Êsai 41:8

Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Êsai 41:9

Gâp hŏ kuăn jêh may bơh bôl bri neh, Kuăl jêh may tă bơh bri ngai Jêh ri lah ma may pô aơ: “May jêng oh mon Gâp, Gâp hŏ săch jêh may, mâu chalơi may ôh.”

Êsai 42:2

Păng mâu mra nter huy ôh, mâu lĕ hao ngơi, Mâu lĕ ăn bu tăng bâr păng tâm trong sâng.

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 52:13

Aơ, oh mon Gâp mra pah kan ma nau blau mĭn, Mra bu yơk, dơi tâm rnê, dơi geh nau mât ton, Jêh ri n'hao dŭt prêh.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Êsai 63:1

Nơm bơh ƀon Bôsra bri Êđôm văch, Nsoh bok ao chăng rhưch, ndơ nsoh chrêk rmah, Nhuat hăn rnam ma nau ktang dŭt toyh, Mbu moh Nơm aơ? “Gâp yơh, Nơm mbơh nau sŏng srăng, Nơm brah dơi tâm rklaih!”

Ndrom Samƀŭt bơh Agê 2:23

Brah Yêhôva ma phung tahan lah: “Hơi Y-Sôrôƀaƀel, kon bu klâu Y-Sêaltiêl, tâm nar nây, Gâp mra săch may ƀư oh mon Gâp!” Brah Yêhôva lah: “Gâp mra dơm may nâm bu ndơ tâp pŏng, yorlah Gâp hŏ săch jêh may.” Brah Yêhôva ma phung tahan lah pônây.

Sakari 3:8

Hơi Y-Yôsuê, kôranh ƀư brah toyh lơn, may jêh ri nđâp phung mĭt jiăng gŭ panăp măt may, iăt hom! Yorlah lĕ phung aơ jêng nau ntĭt ma nau mra tât pô aơ Gâp mra ăn ma phung oh mon Gâp jêng Nkeh Nse văch mpơl.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Luka 3:22

jêh ri Brah Huêng Ueh jŭr tâm rup tâm ban ma sĭm plŭk drâm klơ Păng; jêh ri geh bâr ngơi tă bơh trôk lah: “Kon jêng Kon Gâp rŏng ngăn ngên, Gâp geh nau maak ngăn.”

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Luka 4:19

Păng njuăl Gâp gay ma mbơh phung bu krŭng dơi luh du, Phung chieh măt dơi saơ ang, Phung bu tŭn jot dơi jêng kon me; Jêh ri mbơh năm nau yô̆ Kôranh Brah.”

Luka 9:35

Jêh nây geh bâr ngơi tâm ndâr tŭk ngơi lah pô aơ: “Aơ jêng Kon Gâp, Bunuyh Gâp hŏ săch jêh, iăt hom nau Bunuyh.”

Yôhan 16:32

Aơ mông tât jêh, nôk khân may mra nchah rai pru pra, ăp nơm tĭng păng nơm ŭch, chalơi Gâp gŭ êng. Ƀiălah Gâp mâu gŭ êng ôh, yorlah Mbơ̆ gŭ ndrel ma Gâp.

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 11:18

Nôk khân păng tăng lĕ nau ngơi nây, mâu nduyh đŏng. Khân păng tâm rnê Brah Ndu pô aơ: “Pôri, Brah Ndu hŏ ăn tâm ban đŏng nau rmal nau tih ma phung bu năch gay ma khân păng dơi geh nau rêh!”

Kôranh Oh Mon 28:28

Pôri, ăn khân may gĭt nau Brah Ndu tâm rklaih hŏ mbơh nkoch jêh ma phung bu năch jêh ri khân păng mra gŭ iăt.”

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Êphêsô 1:4

Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Philip 2:7

Păng hŏ chalơi Păng nơm, Djôt rup oh mon, Jêh ri plơ̆ jêng tâm ban ma kon bunuyh.

Kôlôh 1:13

Păng rklaih jêh he bơh nau dơi tâm nau ngo, jêh ri djôt leo he lăp tâm ƀon bri hađăch Kon Păng rŏng ngăn ngên;

I Pêtrôs 2:4

Văch dăch hom ta Păng jêng lŭ rêh, kon bunuyh mƀăr lơi jêh, ƀiălah Brah Ndu săch jêh ri jêng geh nau khlay ngăn.

I Pêtrôs 2:6

Yorlah Nau Brah Ndu Ngơi nchih: “Aơ, Gâp dơm ta Siôn du mlâm lŭ, Lŭ njônh ngih Gâp săch jêh ri khlay ngăn; Mbu nơm chroh lŭ nây mâu đit prêng ôh.”