Êsai 41:8 - Nau Brah Ndu Ngơi 2023

⁸ Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Êsai 41:8 ပူးပေါင်းရင်းမြစ်များ

I Nau Rêh Jêng 16:13

Hơi phung noi deh Y-Israel jêng oh mon păng! Hơi phung kon sau Y-Yakôb jêng phung Păng săch jêh!

II Nau Rêh Jêng 20:7

Ơ Brah Ndu hên! Mâu di hĕ May mprơh jêh phung gŭ tâm n'gor aơ luh bơh phung ƀon lan Israel, jêh ri ăn ma n'gor aơ ma noi deh Y-Abraham, mĭt jiăng May, gay ƀư drăp ndơn n'ho ro ƀơh?

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Mprơ Ơm 136:21

Păng ăn n'gor neh khân păng jêng drăp ndơn, Yor nuih n'hâm ueh Păng hôm tât n'ho ro;

Nau Mprơ Ơm 136:22

Jêng drăp ndơn ma phung Israel jêng oh mon Păng, Yor nuih n'hâm ueh Păng hôm tât n'ho ro.

Nau Mprơ Ơm 33:12

Moh bri dak geh Brah Yêhôva ƀư Brah Ndu khân păng, Moh ntil mpôl bunuyh Păng dơi săch ƀư jêng drăp ndơn păng, Geh nau ueh maak n'ho ro!

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 29:22

Yor nây, Brah Yêhôva jêng Nơm tâm chuai jêh Y-Abraham hŏ lah jêh ma ngih Yakôb pô aơ: “Aƀaơ aơ, Yakôb mâu mra hôm bêk ôh, Jêh ri muh măt khân păng mra mâu hôm pal.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 42:19

Mbu nơm chieh măt, tơlah mâu di jêng oh mon Gâp? Mbu nơm tê̆k tâm ban ma nơm mbơh Gâp hŏ njuăl hăn? Mbu nơm chieh măt tâm ban ma nơm prăp ăn jêh Gâp, Mâu lah chieh măt tâm ban ma oh mon Brah Yêhôva?

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Êsai 44:21

Ơ phung Yakôb, ăn khân may kah gĭt hom ma nau aơ! Ơ phung Israel, yorlah may jêng phung oh mon Gâp. Gâp njêng jêh may, may jêng oh mon Gâp; Ơ phung Israel, Gâp mâu mra chuêl may ôh.

Êsai 45:4

Yorlah Yakôb, oh mon Gâp, Jêh ri Israel, nơm Gâp hŏ săch jêh, Yor ri Gâp hŏ kuăl amoh may, Gâp hŏ ăn ma may du ntil ndơ bu gĭt năl, nđâp lah may mâu năl Gâp ôh.

Êsai 48:12

Ơ Yakôb jêng phung Israel, phung Gâp kuăl jêh, Iăt hom Gâp! Gâp yơh jêng Nơm nây; Gâp jêng lor lơn jêh ri nglĕ dŭt.

Êsai 49:3

Păng lah ma gâp: “Ơ Israel, may jêng oh mon Gâp, Gâp mra geh nau tâm rnê tă bơh may.”

Êsai 51:2

Ăn khân may uănh hom chô yau khân may jêng Y-Abraham Jêh ri ma H'Sara, jêng nơm deh ma khân may; Gâp kuăl jêh Y-Abraham nôk păng gŭ knŏng du huê, Ƀiălah Gâp hŏ ăn nau ueh uĭn ma păng, Jêh ri ƀư ma păng plơ̆ jêng âk râk.

Êsai 63:16

Nanê̆, May jêng Mbơ̆ hên; Nđâp tơlah Y-Abraham mâu gĭt năl ôh hên, Jêh ri Y-Israel mâu lĕ dơn hên; Ơ Brah Yêhôva, May yơh jêng Mbơ̆ hên, Bơh rnôk n'ho ro May jêng Nơm Tâm Chuai hên.

Yêrêmi 33:24

“May mâu treng uănh hĕ moh nau phung ƀon lan aơ ngơi? Khân păng lah: ‘Brah Yêhôva hŏ chalơi bar ndŭl mpôl Păng hŏ săch jêh.’ Pônây, khân păng mưch phung ƀon lan Gâp, Pônây, mâu uănh phung ƀon lan aơ jêng du phung ƀon lan đŏng ôh!

Kan Lêvi 25:42

Yorlah khân păng jêng phung oh mon Gâp, phung Gâp hŏ ngluh jêh bơh bri Êjipt, bu mâu dơi tăch khân păng tâm ban ma tăch dĭk ôh.

Malachi 1:2

Brah Yêhôva lah: “Gâp rŏng jêh ma khân may,” ƀiălah khân may lah pô aơ: “Hŏ geh Kôranh Brah rŏng ma hên?” Brah Yêhôva lah: “Mâu di Y-Êsau jêng nâu Y-Yakôb?

Mathay 3:9

jêh ri lơi mĭn êng pô aơ: ‘Y-Abraham jêng chô yau hên’; yorlah gâp mbơh ma khân ay may gĭt pô aơ Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.

Galati 3:19

Pôri, mâm ƀư geh nau vay? Bu ntop jêh nau vay yor lĕ nau ƀư tih, jêh ri hôm e tât ma nar bunuyh noi deh tât, nâm bu ntĭt Nơm geh nau ton bơh lor. Nau vay nây mbơh ma bu bơh phung tông mpăr jêh ri bơh bâr mbung du huê nơm tâm nklang.

Nau Vay Nkah Tay 10:15

Ƀiălah Brah Yêhôva mpơl nuih n'hâm rŏng Păng ma phung chô yau khân may jêh ri tâm lĕ rngôch phung ƀon lan Păng hŏ săch khân may jêng phung noi deh khân păng, nâm bu khân may saơ nar aơ.

Nau Vay Nkah Tay 14:2

yorlah khân may jêng du phung ƀon lan kloh ueh ma Yêhôva Brah Ndu khân may. Brah Yêhôva hŏ săch jêh khân may tă bơh ta nklang phung ƀon lan klơ neh gay khân may dơi jêng du phung ƀon lan jêng ndơ ma Păng.

Yakơ 2:23

Pôri, nau ngơi tâm Nau Brah Ndu Ngơi hŏ geh tât di ngăn: “Abraham chroh ma Brah Ndu, jêh ri tă bơh nĕ păng dơi kơp jêng sŏng srăng” jêh ri Brah Ndu kuăl păng jêng mĭt jiăng ma Păng.