Êsai 41:27 - Nau Brah Ndu Ngơi 2023

²⁷ Gâp jêng Nơm tal lor lơn mbơh jêh nau nây ma Siôn: “Aơ, khân păng!” Jêh ri Gâp mra njuăl nơm mbơh nau mhe mhan ueh tât ta Yêrusalem.

Êsai 41:27 ပူးပေါင်းရင်းမြစ်များ

Êsai 40:9

Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 41:4

Mbu nơm hŏ ƀư jêh ri ƀư lôch jêh nau nây? Mbu nơm hŏ kuăl jêh lĕ rngôch rô̆ bơh ntơm saơm? Gâp yơh ƀư, Brah Yêhôva, Nơm Lor Lơn jêh ri Nơm Nglĕ Dŭt.

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 46:9

Ăn khân may kah gĭt tay lĕ nau kan panăp, ntơm bơh rnôk kăl e; Yorlah Gâp jêng Brah Ndu, mâu geh Nơm êng ôh. Gâp jêng Brah Ndu jêh ri mâu geh nơm tâm ban ma Gâp ôh.

Êsai 48:12

Ơ Yakôb jêng phung Israel, phung Gâp kuăl jêh, Iăt hom Gâp! Gâp yơh jêng Nơm nây; Gâp jêng lor lơn jêh ri nglĕ dŭt.

Êsai 48:3

“Gâp hŏ mbơh lor jêh bơh rnôk kăl e lĕ nau hŏ găn jêh; Lĕ nau nây luh bơh bâr mbung Gâp, jêh ri Gâp hŏ mbơh ăn khân may gĭt; Ƀât lât dơm, Gâp ƀư nau nây, Jêh ri lĕ nây mra tât ngăn.

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Samƀŭt Pôl Njuăl Ăn Ma Phung Nsing Ta Ƀon Rôm 10:15

Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”

Nau Tâm Mpơl 2:8

“Nchih hom ma phung tông mpăr Phung Ngih Brah Ndu ta ƀon Smirna pô aơ: Aơ jêng nau ngơi Nơm Lor Lơn jêh ri Nglĕ Dŭt, Nơm hŏ khĭt jêh, jêh ri dâk rêh tay: