Êsai 41:22 - Nau Brah Ndu Ngơi 2023

²² Ăn khân păng hăn dăch jêh ri mbơh ăn hên gĭt Moh nau mra tât! Nkoch bri hom ma hên moh lĕ nau hŏ geh bơh kăl e, Gay ma hên dơi sek uănh khân păng Jêh ri gĭt rbăng nau nglĕ dŭt khân păng; Mâu lah mbơh ăn hên gĭt moh nau mra tât.

Êsai 41:22 ပူးပေါင်းရင်းမြစ်များ

Êsai 41:26

Mbu nơm mbơh jêh nau nây bơh ntơm saơm gay ma he dơi gĭt? Mbu nơm mbơh bơh rnôk lor gay ma he dơi lah: “Păng jêng di lĕ”? Ƀiălah mâu geh nơm mbơh, mâu geh nơm tâm mpơl ôh, Mâu lĕ geh nơm tăng nau khân may ngơi ôh.

Êsai 42:9

Aơ, lĕ nau ta lor tât ngăn jêh, Aƀaơ aơ Gâp lŏ mbơh tay lĕ nau mhe ma khân may; Gâp ăn khân may gĭt Êlor nau nây tât.”

Êsai 44:7

Mbu nơm jêng tâm ban ma Gâp? Ăn păng mbơh nau nây, Nkoch mbơh jêh ri mpơl nau nây ma Gâp Moh nau tât ntơm bơh rnôk Gâp ndâk phung ƀon lan ơm aơ. Ăn khân păng mbơh moh nau mra tât Jêh ri lĕ nau dăch tât ma khân păng.

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 46:10

Ntơm bơh saơm, Gâp hŏ mbơh lor nau tât kêng dŭt, Jêh ri hŏ mbơh bơh rnôk kăl e nau ê hŏ tât. Gâp hŏ lah: ‘Nau Gâp nchră mra jêng, Jêh ri Gâp mra ƀư lĕ nau Gâp ŭch.’

Êsai 48:14

Lĕ rngôch khân may tâm rgum hom jêh ri iăt hom! Mbu nơm tâm phung khân păng mbơh jêh lĕ nau aơ? Nơm Brah Yêhôva rŏng Mra ƀư maak nuih n'hâm Păng tâm nau tâm rdâng ma ƀon Babilôn, Nting tur păng mra tâm rdâng đah phung Kaldê.

Êsai 48:3

“Gâp hŏ mbơh lor jêh bơh rnôk kăl e lĕ nau hŏ găn jêh; Lĕ nau nây luh bơh bâr mbung Gâp, jêh ri Gâp hŏ mbơh ăn khân may gĭt; Ƀât lât dơm, Gâp ƀư nau nây, Jêh ri lĕ nây mra tât ngăn.

Yôhan 13:19

Aƀaơ aơ, Gâp mbơh nau nây ma khân may êlor ma tât, gay ma nôk nau nây tât ngăn, khân may chroh ma Gâp jêng Nơm N'ho Ro.

Yôhan 16:14

Păng mra tâm rnê Gâp, yorlah Păng mra sŏk lĕ nau Gâp ngơi gay mbơh ma khân may.