Êsai 41:20 - Nau Brah Ndu Ngơi 2023

²⁰ Gay ma phung bunuyh dơi saơ jêh ri gĭt, Dơi mĭn rvê ndrel jêh ri gĭt rbăng Ti Brah Yêhôva ƀư jêh nau aơ, Nơm Kloh Ueh Israel rhăk njêng khân păng.

Êsai 41:20 ပူးပေါင်းရင်းမြစ်များ

Ndrom Samƀŭt bơh Yôp 12:9

Tâm lĕ ntil mpa aơ, moh ntil mpa mâu gĭt Ma ti Brah Yêhôva hŏ njêng jêh lĕ nau nây?

Nau Mprơ Ơm 109:27

Gay ma khân păng gĭt aơ jêng ti Brah Yêhôva; May yơh hŏ ƀư nau nây.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Nau Ngluh Êjipt 9:16

Ƀiălah mâm ƀư Gâp ăn may rêh gay ma ăn may saơ nau brah Gâp, jêh ri bu mbơh nkoch lam bri neh ntu.

Êsai 28:29

Nau nây tât đŏng tă bơh Brah Yêhôva ma phung tahan, Nau Păng dăp ƀư khlay ngăn, Nau blau mĭn Păng dŭt ueh ngăn ngên!

Êsai 29:24

Phung geh nau mĭn vĭ nhhơt mra geh nau gĭt rbăng, Jêh ri phung vay ngơi ƀrôk mra dơn nau ntĭm nti.”

Êsai 40:5

Aƀaơ, nau chrêk rmah Brah Yêhôva mra tâm mpơl, Jêh ri lĕ rngôch bunuyh mra saơ da dê nau nây, Yorlah Brah Yêhôva hŏ ngơi jêh nau nây.”

Êsai 41:4

Mbu nơm hŏ ƀư jêh ri ƀư lôch jêh nau nây? Mbu nơm hŏ kuăl jêh lĕ rngôch rô̆ bơh ntơm saơm? Gâp yơh ƀư, Brah Yêhôva, Nơm Lor Lơn jêh ri Nơm Nglĕ Dŭt.

Êsai 43:15

Gâp jêng Brah Yêhôva, Nơm Kloh Ueh khân may, Nơm rhăk phung Israel, jêng hađăch khân may.”

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Êsai 66:18

“Bi Gâp, Gâp gĭt năl nau kan jêh ri nau mĭn khân păng. Tât năng, Gâp mra văch tâm rƀŭn lĕ rngôch bri dak jêh ri lĕ rngôch nau ngơi; khân păng mra văch jêh ri saơ nau chrêk rmah Gâp.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Nau Kơp Bunuyh 23:23

Mâu geh nau ngơi n'hŭm-chrâng ôh dơi tâm rdâng đah phung Yakôb, Mâu đŏng geh n'hŭm pol dơi tâm rdâng đah phung Israel; Yorlah tât dôl bu mra nkoch ma Yakôb jêh ri Israel pô aơ: ‘Brah Ndu ƀư jêh lĕ nau kan khlay ngăn ngên!’

II Têsalônik 1:10

tơlah Păng plơ̆ văch tâm nar nây, gay geh nau tâm rnê ta nklang phung kloh ueh Păng jêh ri lĕ rngôch phung chroh geh nau n'gơr uănh, tâm nây geh khân may, yor ma khân may chroh jêh ma nau hên mbơh tanăp măt khân may.