Êsai 41:17 - Nau Brah Ndu Ngơi 2023

¹⁷ Phung o ach jêh ri phung pưt kƀah joi dak nhêt Ƀiălah mâu geh ôh, Mpiăt khân păng sơh yor ji hir. Ƀiălah Gâp jêng Brah Yêhôva mra dơn nau khân păng; Gâp jêng Brah Ndu Israel mâu mra chalơi khân păng ôh.

Êsai 41:17 ပူးပေါင်းရင်းမြစ်များ

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

I Phung Hađăch 17:8

Nôk nây, geh nau Brah Yêhôva ngơi ma Y-Êli:

II Nau Rêh Jêng 6:17

Yor nây, Ơ Yêhôva Brah Ndu phung Israel! Ăn nau May hŏ ngơi jêh ma Y-Đavit, oh mon May dơi tât di ngăn.

Nau Mprơ Ơm 22:15

N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Nau Mprơ Ơm 34:6

Phung rêh ni aơ nter kuăl jêh ri Brah Yêhôva dơn nau, Păng sâm rklaih an păng bơh lĕ rngôch nau rêh ni.

Nau Mprơ Ơm 37:25

Kăl e gâp hôm ndăm, aƀaơ hŏ ranh jêh, Gâp mâu mâp saơ ôh bunuyh sŏng srăng bu chalơi. Mâu lah noi deh nơm nây ƀư dan.

Nau Mprơ Ơm 42:2

Huêng gâp ji hir ma Brah Ndu, Jêng Brah Ndu gŭ rêh mro mrăng. Ndah jŏ gâp mra văch Jêh ri dơi mâp tanăp Brah Ndu?

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 74:21

Ăn nơm bu tŭn jot mâu plơ̆ sĭt tâm nau bêk prêng ôh; Ăn phung o ach jêh ri nơm pưt kƀah mprơ tâm rnê ma amoh May.

Nau Mprơ Ơm 94:14

Yorlah Brah Yêhôva mâu mra chalơi ôh phung ƀon lan Păng, Mâu lĕ Păng chalơi drăp ndơn Păng.

Nau Ngluh Êjipt 17:3

Ƀiălah ta nây phung ƀon lan ji hir dak jêh ri khân păng nduyh ma Y-Môis: “Mâm ƀư may ngluh hên bơh n'gor Êjipt jêh ri gay ăn ma hên, phung kon hên jêh ri mpôl mpô mpa hên rong khĭt ma nau ji hir dak?”

Nau Ngluh Êjipt 17:6

Aơ, Gâp mra gŭ tanăp may, ta klơ lŭ tâm yôk Hôrep ri. Ăn may dong lŭ jêh ri dak mra hoch luh bơh lŭ nây, gay ma ăn phung ƀon lan nhêt.” Y-Môis ƀư kơt nây tanăp măt phung bu ranh Israel.

Êsai 30:19

Ơ phung ƀon lan Siôn, jêng phung gŭ ta ƀon Yêrusalem! May mâu mra hôm nhĭm ôh. Nôk may kuăl dăn Păng, nanê̆ Păng mra ăn nau ueh uĭn; lah mhe tăng bâr may kuăl dăn, Păng dơn nau ro ma may.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 43:20

Lĕ rngôch mpa bri janh, so bri jêh ri sĭm ôtrus, Mra tâm rnê Gâp, Yorlah Gâp ăn lĕ n'hong dak hoch tâm bri rdah, Jêh ri ăn lĕ dak krong hoch tâm ntŭk neh sơh, Gay ăn ma phung ƀon lan Gâp săch jêh geh dak nhêt.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 48:21

Lah Păng njŭn khân păng găn bri rdah, khân păng mâu ji hir ôh; Yorlah Păng hŏ ăn dak hoch luh ma khân păng bơh lŭ toyh, Păng rlah lŭ toyh, jêh ri dak hoch luh du padih.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Êsai 58:11

Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Êsai 65:13

Yor nây, Kôranh Brah Yêhôva lah: “Aơ, phung oh mon Gâp mra sông sa, Bi khân may mra ji ngot; Aơ, phung oh mon Gâp mra nhêt, Bi khân may mra ji hir; Aơ, phung oh mon Gâp mra maak, Bi khân may mra geh nau bêk;

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Nau Nhĭm Vơl 4:4

Mpiăt phung kon se jê̆ hôm pu Krêp đah rmlông dơ̆ yor ji hir; Kon se jê̆ dăn piăng let Ƀiălah bu mâu ăn ôh.

Êsêkiêl 47:8

Păng lah ma gâp: “N'hong dak aơ hoch tât mpeh luh nar jŭr ntŭk neh lâng jêh ri hoch rlet dak mƀŭt, jêh ri tơlah hŏ hoch jêh rlet ma dak mƀŭt pôri dak mƀŭt ri rgâl jêng rsang.

Mathay 5:3

“Ueh maak ngăn ma phung o ach tâm huêng nuih n'hâm, Yorlah ƀon bri hađăch klơ trôk prăp ăn ma khân păng!

Mathay 5:6

Ueh maak ngăn ma phung ji ngot ji hir nau sŏng srăng, Yorlah mra dơi hơm tŏng!

Luka 16:24

Păng kuăl huy: ‘Hơi chô yau Y-Abraham, yô̆ nđach an gâp ƀă, njuăl Y-Lasar mbŭk nglau ti tâm dak gay nđik ta mpiăt gâp, yorlah gâp rêh ni dŭt hâu ngăn tâm mpiăt ŭnh aơ.’

II Kôrintô 12:9

Ƀiălah Kôranh Brah lah: “Nau yô̆ Gâp bêng tŏng ma may, yorlah nau ktang Gâp plơ̆ jêng nŭm rĭng tâm nau rdja.” Pôri, gâp răm maak rnê êng âk ngăn ma lĕ nau rdja gâp, gay ma nau ktang Brah Krist gŭ tâm gâp.

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.