Êsai 41:15 - Nau Brah Ndu Ngơi 2023

¹⁵ Aơ, Gâp mra ăn may jêng ndơ mprah ba Ƀă mhe ƀă hơr ngăn jêh ri geh âk sêk. May mra jot plên jêh ri ƀư nchah rai lĕ yôk, Ƀư ma phung yôk jêng tâm ban ma rhe.

Êsai 41:15 ပူးပေါင်းရင်းမြစ်များ

Nau Mprơ Ơm 18:42

Gâp ƀư lêk khân păng nâm bu neh muy mpăr tâm sial, Nkhŭt khân păng nâm bu neh bŏk rŏ trong.

Êsai 17:13

Ngăn, phung mpôl băl bunuyh lŭng nter tâm ban ma âk n'hong dak nkhŭt djhu djhut, Ƀiălah nôk Kôranh Brah nduyh, khân păng nchuăt du ngai, Jêh ri bu nsot khân păng tâm ban ma sial khôm njŏk nja ta klơ yôk, Tâm ban ma ndruyh neh tâm phŭt chuănh.

Êsai 21:10

Ơ phung bu mbang tâm ban ma ba ta ntŭk mprah ba gâp! Nau gâp hŏ tăng jêh bơh Brah Yêhôva ma phung tahan, Jêng Brah Ndu phung Israel, Gâp hŏ mbơh jêh nau nây ma oh nâu gâp gĭt.

Êsai 28:27

Yorlah bu mâu dong kumin jê̆ ma nôp, Mâu đŏng ăn jâng ndeh seh rlă ta kumin toyh; Ƀiălah bu dong kumin jê̆ ma mâng jê̆, Bu dong kumin toyh ma mâng jra.

Êsai 29:5

Ƀiălah âk ngăn phung rlăng đah may mra jêng tâm ban ma ndruyh neh muy. Phung ƀai mra jêng tâm ban ma lâk sial khôm. Nau nây mra tât ndal, knŏng tâm ƀât lât.

Êsai 42:15

Gâp mra ƀư rai yôk jêh ri gôl, Gâp mra ƀư nhop kro lĕ rngôch gơ̆ ndrêh; Gâp mra tâm rgâl dak krong jêng gôl dak mƀŭt, Ƀư ma lĕ dak nglao suăt kro da dê.

Êsai 64:1

Ơ! Ueh lơn ma May hêk lĕ ndâr trôk jêh ri jŭr văch, Ƀư ma yôk n'gơ n'găr tanăp May;

Yêrêmi 51:20

May jêng me nôp, jêng ndơ tâm lơh ăn ma Gâp; Gâp mra dŏng may dong nchah lĕ rngôch phung mpôl bunuyh Jêh ri ƀư rai lĕ rngôch ƀon bri hađăch.

Yêrêmi 51:33

Ma yorlah Brah Yêhôva ma phung tahan, Brah Ndu Israel lah: “Kon bu ur ƀon Babilôn tâm ban ma ntŭk mprah ba Ta yan mprah ba; Mâu hôm jŏ đŏng ôh Yan rek păng mra tât.”

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Êsêkiêl 33:28

Gâp mra ƀư bri aơ jêng rngol, rngot njăp, nau dăng ktang păng ƀư sưr rlau mra rai lôch; lĕ yôk Israel mra jêng rngol kŏ tât mâu geh du huê nuyh prot rgăn ta nây đŏng ôh.

Daniel 2:35

Rnôk nây loih, neh uk, kông, prăk jêh ri mah nchah hăch da dê, tâm ban ma lâk ta ntŭk mprah ba yan vai, jêh ri sial khôm rdu mâu hôm saơ têl ôh. Ƀiălah glo lŭ hŏ dong ta rup jêng du rplay yôk toyh, bêng lam neh ntu.

Mika 4:13

Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Habakuk 3:12

Tâm nau ji nuih, Kôranh Brah nsong ta klơ neh ntu, Tâm nau ji nuih, May jot plên phung ƀon lan.

Sakari 4:7

Hơi yôk toyh ri, mbu moh may jêng? Tanăp măt Y-Sôrôƀaƀel may mra jêng neh lâng. Păng mra djôt leo lŭ mbon ma bâr bu nter lah: ‘Ueh maak ngăn! Ueh maak ngăn!’”

Yôsuê 17:18

ƀiălah bri klơ dor yôk mra jêng ndơ ma khân may, nđâp lah bri krŏng, khân may mra muyh păng, jêh ri n'har păng mra jêng ndơ ma khân may; yorlah khân may dơi mprơh phung Kanaan, nđâp lah khân păng geh ndeh seh loih jêh ri dăng ktang.”

Phung Kôranh Phat Dôih 6:16

Brah Yêhôva lah: “Gâp mra gŭ ndrel ma may, jêh ri may mra dơi lơh phung Madian nâm bu lơh du huê bunuyh.”