Êsai 41:13 - Nau Brah Ndu Ngơi 2023

¹³ Yorlah Gâp jêng Yêhôva Brah Ndu may, Nơm kuăn ti ma may Jêh ri lah ma may pô aơ: “Lơi klach ôh, Gâp yơh mra kơl may.”

Êsai 41:13 ပူးပေါင်းရင်းမြစ်များ

Nau Mprơ Ơm 109:31

Yorlah May gŭ râng mpeh pa ma nơm pưt kƀah, Gay tâm rklaih nau rêh khân păng, bơh phung tâm rmal.

Nau Mprơ Ơm 118:7

Brah Yêhôva koh dŏng gâp; Păng jêng Nơm kơl gâp. Gâp mra saơ nau roh rai ma phung tâm rmot ma gâp.

Nau Mprơ Ơm 63:8

Huêng gâp kuăn nâp tâm May; Ti ma May kuăn rdâng gâp.

Nau Mprơ Ơm 73:23

Ƀiălah gâp hôm gŭ ndrel ma May ƀaƀơ; May kuăn ti ma gâp.

Nau Ngluh Êjipt 14:13

Y-Môis lah ma phung ƀon lan: “Lơi klach ôh, iăt ma gŭ nâp jêh ri mra saơ nau tâm rklaih bơh Brah Yêhôva mra ƀư ăn ma khân may nar aơ. Lĕ phung Êjipt khân may saơ nar aơ mâu hôm ôh mra saơ.

Nau Ngluh Êjipt 20:20

Y-Môis lah ma phung ƀon lan: “Lơi klach ôh, yorlah Brah Ndu jŭr gay rlong uănh nuih n'hâm khân may, gay ma khân may klach yơk ma Păng ƀaƀơ, pônây khân may mâu ƀư tih ôh.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 42:6

“Gâp jêng Brah Yêhôva, Gâp hŏ kuăl jêh may tâm nau sŏng srăng, Gâp mra kuăn ta ti may jêh ri mât mray may. Gâp mra ndâk ăn may jêng du nau tâm rnglăp ma phung ƀon lan, Ƀư nau ang ma lĕ bri dak,

Êsai 43:6

Gâp mra lah ma mpeh pa lơ pô aơ: ‘Ăn mƀơk hom!’ Jêh ri lah ma mpeh pa dâng pô aơ: ‘Lơi kuăn prăp ôh!’ Djôt leo hom phung kon bu klâu Gâp plơ̆ sĭt tă bơh ngai, Djôt leo phung kon bu ur Gâp plơ̆ sĭt tă bơh bôl dŭt bri neh;

Êsai 45:1

Brah Yêhôva lah ma Y-Sirus, nơm Păng tŏ jêh dak ƀâu kah, tâm ban pônây: Gâp hŏ kuăn jêh ti ma may, Gay ma may tŭn mpet lĕ bri dak tanăp măt may; Gâp mra doh lơi rse bŭt phung hađăch, Pơk lĕ mpông bloh ƀon toyh tanăp may, Jêh ri pơk lĕ mpông pêr mâu ntĭl ndâp đŏng.

Êsai 51:18

Tâm phung kon bu klâu Yêrusalem deh jêh, Mâu geh du huê têk păng ôh; Tâm lĕ rngôch phung kon bu klâu păng rong, Mâu geh ôh du huê tât kuăn ti păng.

Yêrêmi 30:10

Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Yêrêmi 46:27

“Ơ phung oh mon Gâp jêng Yakôb, lơi klach ôh! Ơ phung Israel, lơi ta klach krit ôh! Yor aơ, Gâp mra rklaih may bơh ntŭk ngai ngăn, Jêh ri noi deh may tă bơh jêng bu nă. Phung Yakôb mra plơ̆ sĭt tay jêh ri gŭ ueh đăp mpăn, Mâu hôm klach krit bu ôh.”

Ndrom Samƀŭt bơh Agê 2:5

‘Tĭng nau Gâp hŏ ton jêh tâm nau tâm rnglăp njêng đah khân may dôl khân may du luh tă bơh n'gor bri Êjipt, jêh ri Brah Huêng ueh Gâp hôm gŭ ta nklang khân may, yor nây lơi khân may klach ôh.’

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.