Êsai 41:12 - Nau Brah Ndu Ngơi 2023

¹² May mra joi phung tâm rdâng đah may, Ƀiălah mâu saơ khân păng ôh; Phung tâm lơh đah may Bu mra nkhĭt lĕ jêh ri mâu hôm geh ôh.

Êsai 41:12 ပူးပေါင်းရင်းမြစ်များ

Êsai 17:14

Ta kêng măng, aơ, geh nau klach krit, Êlor ma tât ƀring ang ôi, mâu hôm saơ khân păng ôh. Nĕ jêng ndơ phung sŏk ntŭng, Jêng mrô nal prăp ma phung ntŭng ndơ he.

Êsai 29:8

Tâm ban ma bunuyh ji ngot mbơi saơ păng nơm dơi sa, Ƀiălah tơlah păng kah rngăl ndŭl ăt ji ngot; Tâm ban ma bunuyh ji hir mbơi saơ păng nơm dơi nhêt dak, Ƀiălah tơlah păng kah rngăl saơ păng nơm rgănh suan jêh ri ăt ji hir; Phung tahan lĕ bri dak hăn lơh yôk Siôn, Mra tâm ban pônây lĕ.

Êsai 34:12

Phung bu yơk mâu hôm; Ta bri nây bu mâu hôm rnha ƀon bri hađăch ôh, Lĕ rngôch phung kôranh păng jêng dơm dam.

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Sôphôni 3:19

Aơ, tâm nôk nây, Gâp mra tâm rdâng đah lĕ rngôch phung tŭn jot may; Gâp mra tâm rklaih ƀư bah phung kuet rvĕn, Kuăl rgum phung tă bu mprơh du, Gâp mra ƀư ma khân păng geh nau tâm rnê jêh ri nau lư n'găr Tâm ăp ntŭk bu hŏ ƀư bêk prêng jêh khân păng.