Êsai 41:11 - Nau Brah Ndu Ngơi 2023

¹¹ Aơ, lĕ rngôch phung ji nuih đah may Mra geh nau bêk prêng jêh ri bu mưch. Phung tâm rdâng đah may Mra jêng dơm dam jêh ri rai yot.

Êsai 41:11 ပူးပေါင်းရင်းမြစ်များ

Nau Ngluh Êjipt 11:8

Aƀaơ, phung oh mon hađăch mra trŭnh văch ta gâp, păn mbah tanăp gâp jêh ri lah: ‘May jêh ri lĕ rngôch phung ƀon lan tĭng may hăn hom!’ Jêh nây gâp mra hăn.” Lôch ngơi, Y-Môis luh bơh Pharaôn ma nau ji nuih.

Nau Ngluh Êjipt 12:29

Ta klong măng, Brah Yêhôva ƀư nau nđêh nji lĕ rngôch phung kon bôk rah tâm n'gor Êjipt, ntơm bơh kon bôk rah Pharaôn nơm dôl chiă uănh kŏ tât kon bôk rah lĕ rngôch phung bu nă dôl krŭng tâm ndrung, nđâp ma lĕ rngôch kon dak bôk mpô mpa rong.

Nau Ngluh Êjipt 23:22

Ƀiălah tơlah may iăt nau tông bâr păng jêh ri ƀư tĭng lĕ nau Gâp ntĭnh ntăm, pôri Gâp mra jêng phung rlăng đah phung rlăng kon, jêh ri nơm rdâng đah phung tâm rdâng đah kon.

Êsai 17:13

Ngăn, phung mpôl băl bunuyh lŭng nter tâm ban ma âk n'hong dak nkhŭt djhu djhut, Ƀiălah nôk Kôranh Brah nduyh, khân păng nchuăt du ngai, Jêh ri bu nsot khân păng tâm ban ma sial khôm njŏk nja ta klơ yôk, Tâm ban ma ndruyh neh tâm phŭt chuănh.

Êsai 29:5

Ƀiălah âk ngăn phung rlăng đah may mra jêng tâm ban ma ndruyh neh muy. Phung ƀai mra jêng tâm ban ma lâk sial khôm. Nau nây mra tât ndal, knŏng tâm ƀât lât.

Êsai 29:7

Phung tahan lĕ bri dak hăn lơh Ariêl, Lĕ rngôch phung hăn lơh, ƀư rai pôih, jêh ri rêt păng Mra roh rai tâm ban ma nau mbơi, tâm ban ma mbơi kêng măng.

Êsai 29:8

Tâm ban ma bunuyh ji ngot mbơi saơ păng nơm dơi sa, Ƀiălah tơlah păng kah rngăl ndŭl ăt ji ngot; Tâm ban ma bunuyh ji hir mbơi saơ păng nơm dơi nhêt dak, Ƀiălah tơlah păng kah rngăl saơ păng nơm rgănh suan jêh ri ăt ji hir; Phung tahan lĕ bri dak hăn lơh yôk Siôn, Mra tâm ban pônây lĕ.

Êsai 34:12

Phung bu yơk mâu hôm; Ta bri nây bu mâu hôm rnha ƀon bri hađăch ôh, Lĕ rngôch phung kôranh păng jêng dơm dam.

Êsai 40:17

Tanăp măt Păng, lĕ rngôch bri dak jêng tâm ban ma dơm dam, Păng uănh khân păng jêng hŏng dơm jêh ri dơm dam.

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Êsai 41:24

Aơ, khân may jêng dơm dam, Nau kan khân may ƀư jêh ăt jêng mâu khlay ôh; Nơm săch khân may dŭt ƀơ̆ ƀơch ngăn!

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 54:15

Tơlah geh nơm rduh lơh may, Nau nây mâu tât tă bơh Gâp ôh. Mbu nơm rduh lơh đah may, Mra rlâm tŭp yor may.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Yêrêmi 12:17

Ƀiălah tơlah moh ndŭl mpôl mâu iăt, Gâp mra rôk lơi ndŭl mpôl nây, jêh ri ƀư rai păng.” Brah Yêhôva lah pônây.

Yêrêmi 2:3

Israel jêng phung ƀon lan prăp êng kloh ueh ăn ma Brah Yêhôva, Jêng play dak bôk bơh kan Păng. Ma mbu nơm sa rvăn phung nây mra geh tih, Nau mhĭk mra nkhŭt tât ta klơ khân păng.’ ” Brah Yêhôva lah pônây.

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Sakari 12:3

Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”

Kôranh Oh Mon 16:39

Pôri, khân păng hăn dăn dôih, jêh nây leo bar hê khân păng luh jêh ri đă du tă ƀon nây.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.