Êsai 40:9 - Nau Brah Ndu Ngơi 2023

⁹ Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 40:9 ပူးပေါင်းရင်းမြစ်များ

II Nau Rêh Jêng 13:4

Y-Abija dâk ta klơ yôk Sêmaraim tâm nkual yôk Êphraim jêh ri lah: “Hơi Y-Jêrôbôam jêh ri lĕ rngôch phung Israel, iăt hom!

Êsai 1:1

Tâm rnôk Y-Usia, Y-Jôtham, Y-Ahas jêh ri Y-Hêsêkia jêng phung hađăch Yuđa, Y-Êsai, kon bu klâu Y-Amôt, dơn nau tâm saơ ma bri dak Yuđa jêh ri ma ƀon Yêrusalem.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 35:2

Păng mra geh kao âk jêh ri hâk maak, Răm maak ma nau mprơ. Bu mra ăn ma păng nau chrêk rmah bri Liban, Nđâp ma nau ueh yôk Karmel jêh ri bri Sarôn. Khân păng mra saơ nau chrêk rmah Brah Yêhôva Jêh ri nau chrêk rmah Brah Ndu he.

Êsai 41:27

Gâp jêng Nơm tal lor lơn mbơh jêh nau nây ma Siôn: “Aơ, khân păng!” Jêh ri Gâp mra njuăl nơm mbơh nau mhe mhan ueh tât ta Yêrusalem.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Êsai 52:6

Pôri, phung ƀon lan Gâp mra gĭt năl amoh Gâp. Nanê̆, tâm nar nây, khân păng mra gĭt Gâp jêng Nơm ngơi pô aơ: ‘Gâp yơh nĕ!’ ”

Êsai 58:4

Nanê̆ yơh, khân may ât sông sa gay ma tâm djrel jêh ri tâm rlăch, Dŏng ti nau ƀai tâm lơh ndrăng nơm. Khân may lơi ât sông sa tâm ban ma hŏ ƀư nar aơ, Gay ma bu tăng bâr khân may tât ta ntŭk prêh.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 22:20

Hao hom nâm Liban jêh ri lŭng nter, Sŏk hom bâr nter vơl ta klơ bri Basan; Kuăl nter klơ yôk ntŭk Abarim! Yorlah lĕ rngôch phung may rŏng lĕ rai lôch da dê.

Yêrêmi 29:11

Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Luka 24:47

bu sŏk amoh Păng gay mbơh nkoch ma lĕ rngôch bri dak ma nau rmal tih gay dơi nau yô̆ an ma nau tih, ntơm bơh ƀon Yêrusalem.

Kôranh Oh Mon 2:14

Ƀiălah Y-Pêtrôs dâk ndrel ma jât ma nguay kôranh oh mon, Păng ngơi huy ma phung ƀon lan: “Hơi phung oh nâu jêng phung Yuđa jêh ri lĕ rngôch bunuyh gŭ ta ƀon Yêrusalem! Ăn khân may gĭt rah vah nau aơ jêh ri rkêng tôr iăt nau gâp ngơi:

Kôranh Oh Mon 4:13

Lah khân păng saơ nau janh Y-Pêtrôs jêh ri Y-Yôhan, gĭt rah vah bar hê khân păng jêng phung ƀon lan dơm, mâu mâp nti ôh, khân păng hih rhâl da dê jêh ri gĭt năl jêh bar hê khân păng nây hŏ tă gŭ ndrel ma Brah Yêsu.

Kôranh Oh Mon 4:29

Aƀaơ aơ, dăn Kôranh Brah sek uănh nau khân păng thăm rmat jêh ri ăn ma phung oh mon May mbơh nau May ngơi ma nau janh.

Samƀŭt Pôl Njuăl Ăn Ma Phung Nsing Ta Ƀon Rôm 10:18

Ƀiălah gâp ôp: Bu mâu hŏ mâp tăng hĕ? Ngăn khân păng lĕ tăng jêh, yorlah: “Bâr phung mbơh hŏ huy lam neh ntu, Jêh ri nau khân păng hŏ mbơh jêh tât ta dŭt bri dŭt neh.”

Êphêsô 6:19

Dăn mbơh sơm đŏng ma gâp, gay tơlah gâp hă mbung, Brah Ndu ăn ma gâp geh nau nti lah, jêh ri gâp nănh mbơh nau khlay ndâp bơh Nau Mhe Mhan Ueh;

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

I Pêtrôs 3:14

Ƀiălah tơlah khân may dơn nau rêh ni yor nau sŏng srăng, khân may geh ueh lăng ngăn. Lơi klach ma nau khân păng klach, mâu đŏng rdja nuih n'hâm;

Phung Kôranh Phat Dôih 9:7

Dôl gĭt nau nây, Y-Jôtham hăn gŭ ta klơ n'gơn yôk Gêrisim, păng nter huy pô aơ: “Hơi phung Sichem, iăt hom ma gâp gay Brah Ndu dơi iăt khân may: