Êsai 40:31 - Nau Brah Ndu Ngơi 2023

³¹ Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Êsai 40:31 ပူးပေါင်းရင်းမြစ်များ

Ndrom Samƀŭt bơh Yôp 17:9

Ƀiălah bunuyh sŏng srăng djôt nâp trong khân păng hăn, Bunuyh geh bar đah ti kloh rsang lơ nar lơ hâu dăng lơn.

Nau Mprơ Ơm 103:5

Păng ƀư ăn ma may geh nau maak đah lĕ ntil nau ueh Gay nau mom ndăm may dơi plơ̆ sĭt tay nâm bu klang ƀŭng.

Nau Mprơ Ơm 123:2

Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nau Mprơ Ơm 138:3

Tâm nar gâp kuăl mbơh sơm ma May, May hŏ plơ̆ lah jêh ma gâp, Ăn gâp geh nau nănh jêh ri dăng ktang.

Nau Mprơ Ơm 20:9

Ơ Brah Yêhôva jêng Hađăch, dăn kơl an! Ăn May dơn mplơ̆ lah ma hên tâm nar hên kuăl!

Nau Mprơ Ơm 25:21

Ăn nau kloh ueh jêh ri nau sŏng king n'gang gâp, Yorlah gâp kâp gân Kôranh Brah.

Nau Mprơ Ơm 25:3

Ngăn yơh mâu geh du huê nơm rnơm nsing ma May geh nau bêk prêng; Knŏng phung gŭ nau tâm rlăng.

Nau Mprơ Ơm 25:5

Dăn leo gâp tâm nau ngăn May jêh ri ntĭm nti gâp, Yorlah May jêng Brah Ndu, Nơm rklaih gâp; Ăp nar gâp kâp gân May.

Nau Mprơ Ơm 37:34

Kâp gân hom ma Brah Yêhôva djôt prăp tĭng trong Păng Pôri Păng mra n'hao may gay dơn neh. Jêh ri may mra saơ phung mhĭk rai lôch.

Nau Mprơ Ơm 40:1

Gâp srôih kâp gân Brah Yêhôva, Păng rkêng tôr iăt bâr gâp kuăl dăn.

Nau Mprơ Ơm 84:7

Khân păng hăn tât, nau ktang lơ hâu hao, Kŏ tât khân păng mpơl măt tanăp Brah Ndu ta Siôn.

Nau Mprơ Ơm 84:8

Ơ Yêhôva Brah Ndu ma phung tahan, dăn iăt nau gâp mbơh sơm; Ơ Brah Ndu Yakôb, dăn May rkêng tôr iăt. (Sêla)

Nau Mprơ Ơm 92:1

Ơ Nơm Dŭt Prêh, ueh dŭt n'hâm ngăn tơlah mprơ tâm rnê Brah Yêhôva Jêh ri tâm rnê ma amoh May;

Nau Mprơ Ơm 92:13

Phung bu dơi tăm tâm ngih Brah Yêhôva Mra luh kao tâm nkual nhuang Brah Ndu hên.

Nau Ngluh Êjipt 19:4

‘Khân may hŏ saơ jêh nau Gâp ƀư ma phung Êjipt, Gâp hŏ rdeng khân may ma năr klang ƀŭng, jêh ri mâm nau Gâp njŭn leo jêh khân may ma Gâp nơm.

Nau Hôr 30:19

Trong klang mpăr klơ trôk, Trong bêh hung ta klơ lŭ, Trong Kumpăn nchuăt ta nklang dak mƀŭt, Jêh ri trong nau rŏng ta nklang bu klâu bu ur.

Nau Mprơ Ueh 8:5

Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 30:15

Kôranh Brah jêng Brah Yêhôva, Nơm Kloh Ueh Israel lah: “Yor nau khân may plơ̆ sĭt jêh ri mpăn rlu, khân may mra rklaih; Yor nau gŭ rklăk jêh ri king n'gang, khân may mra geh nau ktang. Ƀiălah khân may mâu ŭch pônây ôh!

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 41:1

Ơ lĕ rngôch gôl dak mƀŭt, gŭ rklăk hom tanăp Gâp! Ăn hom lĕ ntil mpôl bunuyh sŏk dơn nau ktang mhe; Ăn khân păng văch dăch jêh ri ăn khân păng ngơi! Ăn he hăn dăch ndrel n'grŭp gay ma phat dôih!

Êsai 64:4

Bơh rnôk ơm, bu mâu mâp tăng ôh, Tôr mâu mâp tăng, măt mâu mâp saơ, Rlau ma May, Mâu geh Brah Ndu êng ôh, Nơm hŏ pah kan kơl kơt nĕ ma phung gŭ kâp Păng.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Yêrêmi 48:15

Bu ƀư rai Môap, pit in lĕ rngôch ƀon toyh, Phung bu klâu ndăm blau ueh ngăn lĕ bu nkhĭt,” Hađăch, amoh Păng jêng Brah Yêhôva ma phung tahan, lah pônây.

Sakari 10:12

Gâp mra ƀư ăn dăng khân păng tâm Brah Yêhôva Jêh ri khân păng mra chuat hăn tâm amoh Păng.” Brah Yêhôva lah pônây.

Luka 18:1

Brah Yêsu nkoch bri du nau hôr ma phung oh mon gay ăn khân păng mbơh sơm ƀaƀơ, lơi rdja nuih n'hâm ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:25

Ƀiălah tơlah he n'gân nau kâp gân tâm nau he mâu dơi saơ, he ăt srôih gŭ kâp ma nau nây.

II Kôrintô 4:1

Pôri, tă bơh nau yô̆ nđach Brah Ndu, hên dơn nau pah kan aơ, pôri hên nuih n'hâm mâu dĭl ôh.

II Kôrintô 4:16

Yor ri, nuih n'hâm hên mâu dĭl ôh, nđâp tơlah săk jăn ntơm rai grĕ grĕ, ƀiălah tâm dâng hên lơ nar lơ rgâl mhe lơn.

Galati 6:9

Lơi rgănh dôl ƀư kan ueh, yorlah tơlah he mâu rdja nuih n'hâm ôh, he mra rek tât ta yan rek.

Nau Vay Nkah Tay 32:11

Tâm ban ma klang ƀŭng mpât tâm rsuăn păng nơm, Mpăr jŭm phung kon păng Ling dĭ năr păng gay sŏk nchuăn khân păng Jêh nây chông khân păng tâm bar đah ntĭng năr păng.

Nau Vay Nkah Tay 33:25

Lĕ mâng nđăng mpông ƀư ma loih jêh ri kông, N'hâm suan dăng tâm du bông nau rêh.”

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

ហេឞ្រើ 12:1

Pôri, yorlah he geh âk phung mbơh gŭ jŭm nâm bu ndâr tŭk toyh ngăn, ăn he mƀăr lơi lĕ ndơ ƀư jâk jêh ri nau tih kât nơih pơih, ƀiălah srôih nchuăt tâm nau tâm rlong bu pơk jêh ma he.

ហេឞ្រើ 12:3

Pôri, khân may mĭn hom ma Nơm dơn jêh nau tâm rdâng bơh phung tih ƀư ma Păng, gay ma khân may mâu dĭl mâu lah rdja nuih n'hâm ôh.

Yôsuê 14:11

Nar aơ gâp hôm e ngăch dăng tâm ban nâm nar Y-Môis prơh gâp hăn; gâp ăt hôm suan tâm ban nar kăle gay hăn tâm lơh, mâu lah hăn luh lăp.

Nau Tâm Mpơl 12:14

Ƀiălah bu ăn ma bu ur nây bar mlâm nting năr klang ƀŭng gay ma păng mpăr tât ta ntŭk păng nơm tâm bri rdah, ta ntŭk bu mât siăm păng dôl du rnôk, lĕ rnôk, jêh ri n'gul rnôk, der ngai bơh bêh nhŭk nhăk.

Nau Tâm Mpơl 2:3

May srôih, nsrôih dơn yor amoh Gâp mâu geh nau rgănh ôh.

Nau Tâm Mpơl 4:7

Mpa rêh rơh nguay nâm bu yau mŭr, mpa rêh rơh bar nâm bu du mlâm ndrôk nkuăng, mpa rêh rơh pe geh muh măt nâm bu măt bunuyh, jêh ri mpa rêh rơh puăn nâm bu du mlâm klang ƀŭng dôl mpăr.

Phung Kôranh Phat Dôih 16:28

Rnôk nây, Y-Samsôn nter dăn Brah Yêhôva pô aơ: “Hơi Kôranh Brah Yêhôva! Dăn Kôranh Brah kah gĭt tay ma gâp. Hơi Brah Ndu! Dăn ăn nau ktang ma gâp knŏng du tơ̆ aơ đŏng, gay gâp plơng har ma phung ƀon lan Philistin yor bar đah găr măt gâp.”