Êsai 40:29 - Nau Brah Ndu Ngơi 2023

²⁹ Păng ăn nau ktang ma phung huăr rgănh, Ntop nau dăng ktang ma nơm mâu geh nau dăng ktang.

Êsai 40:29 ပူးပေါင်းရင်းမြစ်များ

Nau Ntơm 49:24

Ƀiălah rnơm bơh ti Nơm Geh Nau Brah bơh Y-Yakôb, Ƀiălah na păng hôm e dăng; Rnơm tă bơh Nơm Rmăk Biăp, jêng Lŭ Toyh ma phung Israel Bar đah ti păng hôm ngăch ngăn.

Nêhêmi 6:9

Khân păng ŭch nhhu hên gây lĕ rngôch klach krit da dê, yorlah khân păng ntôn pô aơ: “Ti khân păng mra rgănh, mâu hôm pah kan đŏng ôh.” Pôri aƀaơ, “hơi Brah Ndu, ƀư hom ti gâp ktang.”

Nau Mprơ Ơm 29:11

Dăn Brah Yêhôva ăn nau ktang ma phung ƀon lan Păng! Dăn Brah Yêhôva ăn nau ueh lăng đăp mpăn ma phung ƀon lan Păng.

Nau Mprơ Ơm 68:10

Ơ Brah Ndu, phung ƀon lan May joi dơi saơ du ntŭk gŭ ta nây, Yor nau ueh, May ăn lĕ nau ŭch phung pưt kƀah.

Nau Mprơ Ơm 68:35

Ơ Brah Ndu, May khư ma nau klach tâm ntŭk kloh ueh May; Brah Ndu phung Israel Ăn nau ktang jêh ri nau brah ma phung ƀon lan Păng. Mât ton ma Brah Ndu!

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Sakari 10:12

Gâp mra ƀư ăn dăng khân păng tâm Brah Yêhôva Jêh ri khân păng mra chuat hăn tâm amoh Păng.” Brah Yêhôva lah pônây.

II Kôrintô 4:16

Yor ri, nuih n'hâm hên mâu dĭl ôh, nđâp tơlah săk jăn ntơm rai grĕ grĕ, ƀiălah tâm dâng hên lơ nar lơ rgâl mhe lơn.

Nau Vay Nkah Tay 33:25

Lĕ mâng nđăng mpông ƀư ma loih jêh ri kông, N'hâm suan dăng tâm du bông nau rêh.”

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,

ហេឞ្រើ 11:34

nhhât lơi jêh ŭnh hit, klaih bơh mpiăt đao, dơi đah nau ji, jêng janh ktang tâm nau tâm lơh, ƀư ăn phung tahan rlăng nchuăt du.

Phung Kôranh Phat Dôih 15:19

Brah Ndu rlah lŭ ta Lêhi gay dak brul luh. Nôk Y-Samsôn nhêt dak, huêng păng plơ̆ sĭt jêh ri geh suan tay. Yor ri, bu tâm amoh dak n'hor aơ jêng Ên-Hakôr kŏ tât ta nar aơ.

I Samuel 2:4

Na phung tahan janh ktang lĕ đoh jêh, Ƀiălah phung ra-ai vân nau ktang.