Êsai 40:28 - Nau Brah Ndu Ngơi 2023

²⁸ May mâu gĭt hĕ? May mâu tăng hĕ? Brah Yêhôva jêng Brah Ndu gŭ n'ho ro, Nơm hŏ rhăk njêng jêh lĕ rngôch bri neh, Mâu hŏt rgănh ôh, mâu lĕ rdja; Bu mâu dơi sek uănh ôh lĕ nau Păng gĭt rbăng.

Êsai 40:28 ပူးပေါင်းရင်းမြစ်များ

Nau Ntơm 21:33

Y-Abraham tăm du tơm mĭl ta Bêr-Sêba, jêh ri ta nây păng kuăl mbơh sơm ma amoh Brah Yêhôva, jêng Brah Ndu gŭ rêh n'ho ro.

Ndrom Samƀŭt bơh Yôp 38:18

May lĕ gĭt vât đŏng nau dĭ huy rplay neh? Lah may gĭt lĕ nau nây, nkoch hom.

Nau Mprơ Ơm 138:8

Brah Yêhôva mra ƀư lôch jêh lĕ rngôch nau kan gâp. Ơ Brah Yêhôva, nuih n'hâm ueh May hôm tât ƀaƀơ n'ho ro; Lơi chalơi ôh nau kan ti May nơm ƀư jêh!

Nau Mprơ Ơm 139:6

Nau gĭt rbăng tâm ban pônây jêng khlay ngăn ma gâp, Prêh ir ngăn kŏ tât gâp mâu dơi gĭt rbăng ôh!

Nau Mprơ Ơm 145:3

Brah Yêhôva jêng dŭt toyh jêh ri khư ma nau tâm rnê; Nau dŭt toyh Păng mâu dơi veh ôh.

Nau Mprơ Ơm 147:5

Kôranh Brah hên jêng dŭt toyh, geh nau brah mâu blau dŭt; Nau gĭt rbăng Păng dŭt toyh mâu blau lôch ôh.

Nau Mprơ Ơm 90:2

Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

Êsai 37:26

Di lĕ may mâu mâp tăng pô aơ Gâp hŏ nal jêh nau aơ bơh jŏ jêh? Lĕ nau Gâp hŏ ndrăp ơm bơh kăl e, Aơ ri Gâp ƀư ăn tât nau nây; Gay ma may ƀư lĕ ƀon nâp, Jêng lĕ mbŭch rlâm rai nchah rngot njăp jêh.

Êsai 40:21

Khân may mâm mâu gĭt? Khân may mâm mâu mâp tăng? Bu mâu hŏ mâp nti hĕ ma khân may nau nây ntơm bơh saơm? Khân may mâu mâp gĭt rbăng hĕ bơh rnôk rdâk mbon rplay neh?

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 59:1

Aơ, ti Brah Yêhôva mâu jêng gleh ôh dĭng Păng mâu dơi tâm rklaih; Tôr Păng mâu lĕ tê̆k dĭng Păng mâu dơi tăng.

Êsai 66:9

Brah Yêhôva lah: “Gâp nơm yơh pơk rnăn ăn bu ur me dơi deh, Mâm ƀư lŏ mâu ăn deh? Mâu lah Gâp jêng Nơm ăn bu dơi deh king đŏng nau deh?” Brah Ndu khân may lah pônây.

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Markôs 16:14

Jêh nây, Păng tâm mpơl ma jât ma nguay oh mon dôl khân păng gŭ sông sa. Păng nduyh ma khân păng nau khân păng mâu chroh jêh ri dăng nuih n'hâm, yor khân păng mâu chroh ma phung lĕ saơ jêh Păng dâk rêh tay.

Markôs 9:19

Brah Yêsu plơ̆ lah: “Hơi ndŭl mpôl mâu chroh ri, ndah jŏ Gâp mra gŭ ndrel đah khân may? Ndah jŏ Gâp mra nsrôih dơn đah khân may? Njŭn leo hom kon se nây ma Gâp.”

Luka 24:25

Nôk nây Brah Yêsu lah ma khân păng: “Nanê̆ ngăn khân may rluk mâl jêh ri geh nuih n'hâm băt chroh lĕ nau phung nơm mbơh lor hŏ lah!

Yôhan 14:9

Brah Yêsu lah: “Hơi Y-Philip, Gâp gŭ ndrel ma khân may hŏ jŏ jêh, ƀiălah khân may mâu gĭt năl Gâp! Mbu nơm hŏ saơ Gâp jêng saơ jêh Mbơ̆. Mâm ƀư may lah: ‘Ntĭm Mbơ̆ ma hên ƀă’?

Yôhan 5:17

Ƀiălah Brah Yêsu lah đŏng ma khân păng: “Mbơ̆ Gâp hôm ƀư kan ma tât nar aơ, Gâp kan kơt nây lĕ.”

Kôranh Oh Mon 13:47

Yorlah Kôranh Brah ntĭnh ntăm jêh ma hên: ‘Gâp njêng jêh may jêng nau ang ma phung mpôl băl bunuyh, gay ma njŭn leo nau tâm rklaih tât ta nglĕ dŭt rplay neh.’ ”

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

I Kôrintô 2:16

“Yorlah mbu nơm gĭt năl jêh nau mĭn Kôranh Brah, Gay ma sâm ntĭm an Păng?” Ƀiălah hên geh nau mĭn Brah Krist.

I Kôrintô 6:16

Khân may mâu gĭt hĕ, mbu nơm tâm rnglăp đah bu ur văng tĭr mra plơ̆ jêng du nglay săk jêh đah păng? Yorlah geh nau nchih: “Bar hê khân păng mra plơ̆ jêng du nglay săk”.

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

Nau Vay Nkah Tay 33:27

Brah Ndu gŭ rêh n'ho ro jêng ntŭk du krap, Ti n'ho ro bơh Păng kơl an he. Păng mra nsot phung rlăng du luh bơh măt khân may Jêh ri lah: ‘Ƀư rai hom khân păng!’

Philip 1:6

Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”