Êsai 40:27 - Nau Brah Ndu Ngơi 2023

²⁷ Pôri ơ Yakôb, mâm ƀư khân may lah; Ơ Israel, mâm ƀư khân may lŭng nter “Trong gâp hŏ dơi pôn ndâp jêh đah Brah Yêhôva, Brah Ndu gâp mâu hôm mĭn rvê ôh nau gâp geh”?

Êsai 40:27 ပူးပေါင်းရင်းမြစ်များ

Ndrom Samƀŭt bơh Yôp 23:14

Păng mra ƀư lôch ntil nau Păng hŏ tâm nal ma gâp: Jêh ri âk ntil ƀoi nau nĕ Păng hŏ mĭn jêh tâm nuih n'hâm.

Ndrom Samƀŭt bơh Yôp 27:2

“Tâm amoh Brah Ndu gŭ rêh mro mrăng, Nơm hŏ sŏk jêh nau di gâp, Jêh ri Nơm Geh Lĕ Nau Brah, Nơm ƀư ma huêng gâp rngot ngăn ngên, Gâp sơm ton pô aơ:

Ndrom Samƀŭt bơh Yôp 34:5

Yorlah Y-Yôp hŏ lah n'hêl nanê̆: ‘Gâp jêng bunuyh sŏng srăng, Ƀiălah Brah Ndu hŏ sŏk rdu lơi jêh nau di bơh gâp.

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 44:21

Ơ phung Yakôb, ăn khân may kah gĭt hom ma nau aơ! Ơ phung Israel, yorlah may jêng phung oh mon Gâp. Gâp njêng jêh may, may jêng oh mon Gâp; Ơ phung Israel, Gâp mâu mra chuêl may ôh.

Êsai 49:14

Ƀiălah ƀon Siôn hŏ ăp lah pô aơ: “Brah Yêhôva hŏ dun jêh gâp; Kôranh Brah gâp chuêl jêh gâp.”

Êsai 49:4

Bi gâp, gâp lah: “Gâp hŏ pah kan jêh dơm dam, Gâp hŏ dŏng nau n'hâm suan ma nau dơm dam jêh ri mâu dơi jêng ôh.” Ƀiălah Brah Yêhôva mra phat dôih sŏng ma gâp, Kôranh Bah mra ăn nau nkhôm ma gâp.

Êsai 54:8

Tâm nau ji nuih dŭt n'hâm, Gâp n'gĭl jêh muh măt Gâp ma ay ƀât lât, Ƀiălah ma nau ueh mâu blau dŭt, Gâp mra yô̆ nđach ma ay,” Nơm Tâm Chuai ay jêng Brah Yêhôva lah kơt nĕ.

I Samuel 27:1

Y-Đavit mĭn êng tâm nuih n'hâm pô aơ: “Nanê̆ du nar kăndơ̆, gâp mra khĭt ma ti Y-Sôl. Ueh lơn gâp du tâm n'gor Philistin gay Y-Sôl mâu hôm joi nhŭp gâp tâm lam n'gor Israel. Tâm ban pônây, gâp mra klaih bơh ti hađăch.”