Êsai 40:24 - Nau Brah Ndu Ngơi 2023

²⁴ Khân păng mhe bu tăm, mhe bu srih, Tơm si mhe chăt reh tâm neh, Brah Yêhôva khôm n'hâm ta khân păng, jêh ri khân păng kro klêu ro; Aơ, trôm sial vănh blông khôm rdu khân păng tâm ban ma rhe.

Êsai 40:24 ပူးပေါင်းရင်းမြစ်များ

II Samuel 22:16

Yor tă bơh nau Brah Yêhôva nduyh Jêh ri yor n'hâm nsôr luh tă bơh trôm muh Păng, Blat dak mƀŭt mpơl jêh, Mbon neh ntu lĕ mpơl đŏng.

II Phung Hađăch 10:11

Pônây, Y-Jêhu nkhĭt lĕ rngôch phung hôm e tâm ngih Y-Ahap ta Jesrêel, lĕ rngôch bunuyh lư n'găr, phung mĭt jiăng jêh ri phung kôranh ƀư brah păng, kŏ tât mâu hôm geh du huê hôm klen.

Ndrom Samƀŭt bơh Yôp 21:18

Ndah jŏ khân păng mra jêng nâm bu rhe panăp sial, Nâm bu lâk ăn phŭt chuănh rdu?

Ndrom Samƀŭt bơh Yôp 4:9

Yor n'hâm nsôr bơh Brah Ndu, khân păng geh nau khĭt roh; Yor nau Păng ji nuih, khân păng geh nau rai lôch.

Ndrom Samƀŭt bơh Yôp 8:17

Reh păng ƀăr jŭm mbŭch lŭ Sŏr jru tâm nklang nđa lŭ.

Nau Mprơ Ơm 58:9

Tâm ban bu su lok tâm ŭnh năk kơt nây lĕ Jêh ri Păng mra ăn sial phŭt khôm lơi khân păng, nđâp lah khân păng hôm ndrêh mâu lah lĕ ŭnh sa.

Nau Mprơ Ơm 83:13

Ơ Brah Ndu gâp! Ƀư ma khân păng jêng nâm bu phŭt chuănh đô̆, Nâm bu njŏk rhe tanăp vănh blông.

Nau Hôr 1:27

Lah nau krit klach toyh tât ndal nâm bu phŭt chuănh, Nau mhĭk tât nâm bu phŭt sial ktang, Jêh ri nau o ach, nau uh ah tât ma khân may.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 17:11

Ta nar may tăm, may saơ păng văch ma toyh, Tâm kêng ôi, găr ntil chăt nse jêh ri dang kao; Ƀiălah tâm nar geh nau rngot ji ngăn Pôri yan kăch roih roh lĕ!

Êsai 17:13

Ngăn, phung mpôl băl bunuyh lŭng nter tâm ban ma âk n'hong dak nkhŭt djhu djhut, Ƀiălah nôk Kôranh Brah nduyh, khân păng nchuăt du ngai, Jêh ri bu nsot khân păng tâm ban ma sial khôm njŏk nja ta klơ yôk, Tâm ban ma ndruyh neh tâm phŭt chuănh.

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Êsai 37:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng nơm.’ ”

Êsai 40:7

Gơ̆ kro, kao rŭng, Yorlah n'hâm Brah Yêhôva khôm ta klơ păng. Nanê̆, kon bunuyh knŏng jêng gơ̆:

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 41:2

Mbu nơm ƀư jêh du huê bunuyh luh tă bơh mpeh luh nar, Sŏk nau sŏng srăng kuăl bunuyh hăn tât jâng păng nơm? Păng jao lĕ bri dak tanăp păng, Ƀư ăn păng tŭn jot lĕ phung hađăch; Păng jao khân păng mpiăt đao păng tâm ban ma ndruyh neh, Jêh ri jao khân păng ma na păng tâm ban ma rhe sial khôm.

Yêrêmi 22:30

Brah Yêhôva lah pô aơ: “Nchih dơn hom bunuyh aơ jêng nâm bu nơm mâu geh kon, Du huê bunuyh lĕ nau rêh mâu geh nau jêng; Yorlah noi deh păng mâu geh du huê geh nau jêng, Dơi gŭ ta sưng hađăch Đavit Jêh ri chiă uănh tâm n'gor Yuđa đŏng ôh!”

Yêrêmi 23:19

Aơ, nau phŭt sial Brah Yêhôva Nây jêng nau Păng ji nuih hŏ hao ntoh, Nau phŭt sial vănh blông, Vănh trŭnh ta bôk phung ƀai.

Ndrom Samƀŭt bơh Ôsê 13:15

Nđâp tơlah Êphraim geh bĭk rơ̆ ta nklang oh nâu păng Pôri du chiông sial tă nhâp nar mra khôm tât, Nây jêng sial Brah Yêhôva khôm tă bơh bri rdah, Ƀư suăt lĕ tu dak jêh ri ƀư sơh lĕ n'hor dak. Chiông sial nây mra sŏk ntŭng jay bun drăp prăp ăp ndơ khlay.

Ndrom Samƀŭt bơh Ôsê 13:3

Yor nây, khân păng mra jêng nâm bu ndâr tŭk ơm ôi, Nâm bu dak ngom ang ôi gơnh sơh, Nâm bu njŏk nja sial đô̆ bơh ta nkual mprah ba, Nâm bu nhhŭk ŭnh luh tă bơh mpông bloh!

Nahum 1:14

Brah Yêhôva hŏ ăn nau ntăm jêh ma Ninive: “May mâu mra geh bunuyh thoi noi deh ndray amoh đŏng ôh. Gâp mra ƀư rai rup trah jêh ri rup tŏ chiăr Tă bơh jây rhŏ brah phung brah may. Gâp mra ƀư môch ăn ma may, Yorlah may rvưt rvâng.”

Ndrom Samƀŭt bơh Agê 1:9

‘Khân may gŭ kâp mĭn geh âk ƀiălah geh djê̆; moh ndơ khân may djôt lăp ta ngih pôri Gâp hŏ khôm jêh leo klơ. Mâm ƀư nau nây?’ Brah Yêhôva ma phung tahan lah: ‘Nây jêng yor ngih Gâp hôm e rlâm rai, ƀiălah ăp nơm khân may pah kan rvê mĭn ŭch ndâk ngih êng ma khân may nơm.

Sakari 7:14

Gâp ƀư ăn pru pra khân păng nâm bu sial vănh blông ta nklang lĕ rngôch ntil mpôl bunuyh khân păng mâu mâp gĭt năl ôh. Pôri bri neh pakơi khân păng kŏ tât jêng rngol mâu hôm geh ôh bunuyh brô̆ nsong. Khân păng hŏ ƀư ăn bri dak ueh maak jêng rngot.’”

Sakari 9:14

Nôk nây, Brah Yêhôva mra mpơl ăn phung ƀon lan păng saơ, Hăr Păng luh du nâm bu lơp nglaih; Brah Yêhôva mra uh nŭng, Păng hăn ndrel ma sial vănh blông mpeh pa dâng.