Êsai 40:22 - Nau Brah Ndu Ngơi 2023

²² Păng yơh jêng Nơm gŭ ta klơ đôr nkŭm rplay neh, Jêh ri phung gŭ tâm neh ntu jêng tâm ban ma krah ndrach. Păng jêng Nơm pơk lĕ ndâr trôk tâm ban ma du bok nching Jêh ri nthăng khân păng tâm ban ma ngih bok gay gŭ.

Êsai 40:22 ပူးပေါင်းရင်းမြစ်များ

Nau Ntơm 1:6

Brah Ndu lah: “Ăn geh du ntŭk đôr ta nklang n'gul dak gay ma tâm nkhah dak đah dak.”

Ndrom Samƀŭt bơh Yôp 22:14

Ndâr tŭk mbâl nkŭm Păng yor ri dĭng Păng mâu dơi saơ; Păng chuat hăn ta klơ lĕ ndâr trôk.’

Ndrom Samƀŭt bơh Yôp 26:7

Kôranh Brah lăk bri mpeh pa lơ tâm nkual ntŭk nsoih, Yông rplay neh ta ntŭk hŏng tâm trôk.

Ndrom Samƀŭt bơh Yôp 36:29

Mbu nơm dơi gĭt vât ndâr tŭk ling nthăng, Mâu lah nteh nglaih huy ngăn tă bơh ngih bok Păng gŭ?

Ndrom Samƀŭt bơh Yôp 37:18

May dơi lĕ n'hanh Brah Ndu ling trôk, Ƀư ăn păng dăng nâp nâm bu du mlâm rchŏk bu tŏ lĕ?

Ndrom Samƀŭt bơh Yôp 9:8

Knŏng êng Păng ling dĭ lĕ ndâr trôk, Jot klơ rbuh dak mƀŭt.

Nau Mprơ Ơm 104:2

Păng nkŭm păng nơm ma nau ang nâm bu du blah ao, Ling lĕ ndâr trôk nâm bu ngih bok.

Nau Mprơ Ơm 18:11

Păng sŏk nau ngo ƀư bok nching nkŭm, Sŏk ndâr tŭk krăk mbâl dak ƀư king gŭ jŭm.

Nau Mprơ Ơm 19:4

Ƀiălah bâr khân păng huy lam neh ntu Jêh ri nau khân păng hŏ mbơh jêh tât ta dŭt bri dŭt neh. Ta klơ trôk, Păng hŏ ndâk jêh ngih bok ma nar.

Nau Mprơ Ơm 2:4

Nơm gŭ tâm trôk mra gơm, Kôranh Brah mra mưch khân păng.

Nau Mprơ Ơm 29:10

Brah Yêhôva gŭ ta klơ dak lip; Di yơh, Brah Yêhôva gŭ ta klơ sưng hađăch tât n'ho ro.

Nau Mprơ Ơm 68:33

Păng jêng Nơm ncho ta klơ ma lĕ ndâr trôk ntơm bơh saơm, Iăt hom bâr Păng nter huy.

Nau Hôr 8:27

Dôl Păng rhăk njêng lĕ ndâr trôk Jêh ri dơm đôr ta klơ brŏng jru, gâp hŏ gŭ ta nây.

Êsai 19:1

Nau mbơh lor ma Êjipt: “Aơ, Brah Yêhôva ncho ta klơ ndâr tŭk, Ngăch tât ta Êjipt. Phung rup brah bri Êjipt râm sâr da dê tanăp Păng, Nuih n'hâm phung Êjipt klach krit.

Êsai 37:16

“Ơ Brah Yêhôva ma phung tahan, Brah Ndu Israel, jêng Nơm gŭ ta klơ phung chêrubim, knŏng êng du huê May yơh jêng Brah Ndu ma lĕ rngôch ƀon bri hađăch ta neh ntu; May yơh hŏ rhăk njêng jêh trôk jêh ri neh ntu.

Êsai 40:15

Aơ, lĕ bri dak jêng tâm ban ma du ntruh dak tâm thŭng, Tâm ban ma ndruyh neh ta klơ njing; Aơ, Păng mpư lĕ gôl dak mƀŭt hao tâm ban mpư du ndơ jê̆.

Êsai 40:17

Tanăp măt Păng, lĕ rngôch bri dak jêng tâm ban ma dơm dam, Păng uănh khân păng jêng hŏng dơm jêh ri dơm dam.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Sakari 12:1

Nau ngơi Brah Yêhôva mbơh lor ma phung Israel. Brah Yêhôva jêng Nơm pơk rvang lĕ ndâr trôk, ƀư mbon neh ntu, jêh ri njêng huêng tâm trôm săk bunuyh, Nơm nây lah pô aơ:

Nau Kơp Bunuyh 13:33

Hên saơ phung juat toyh nây, jêng phung kon sau Y-Anak, jêng phung ƀon lan toyh juat gŭ ta nây. Hên saơ hên nơm nâm bu krah ndrach jêh ri khân păng saơ hên kơt nây đŏng.”