Êsai 40:21 - Nau Brah Ndu Ngơi 2023

²¹ Khân may mâm mâu gĭt? Khân may mâm mâu mâp tăng? Bu mâu hŏ mâp nti hĕ ma khân may nau nây ntơm bơh saơm? Khân may mâu mâp gĭt rbăng hĕ bơh rnôk rdâk mbon rplay neh?

Êsai 40:21 ပူးပေါင်းရင်းမြစ်များ

Nau Ntơm 1:1

Ntơm saơm, Brah Ndu rhăk njêng trôk jêh ri neh.

Ndrom Samƀŭt bơh Yôp 26:7

Kôranh Brah lăk bri mpeh pa lơ tâm nkual ntŭk nsoih, Yông rplay neh ta ntŭk hŏng tâm trôk.

Nau Mprơ Ơm 115:8

Mbu nơm ƀư rup brah jêh ri rnơm ma păng Jêng tâm ban khân păng.

Nau Mprơ Ơm 50:6

Lĕ ndâr trôk mra mbơh nau sŏng srăng Păng. Yorlah Brah Ndu yơh jêng kôranh phat dôih. (Sêla)

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 37:26

Di lĕ may mâu mâp tăng pô aơ Gâp hŏ nal jêh nau aơ bơh jŏ jêh? Lĕ nau Gâp hŏ ndrăp ơm bơh kăl e, Aơ ri Gâp ƀư ăn tât nau nây; Gay ma may ƀư lĕ ƀon nâp, Jêng lĕ mbŭch rlâm rai nchah rngot njăp jêh.

Êsai 40:28

May mâu gĭt hĕ? May mâu tăng hĕ? Brah Yêhôva jêng Brah Ndu gŭ n'ho ro, Nơm hŏ rhăk njêng jêh lĕ rngôch bri neh, Mâu hŏt rgănh ôh, mâu lĕ rdja; Bu mâu dơi sek uănh ôh lĕ nau Păng gĭt rbăng.

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 46:8

“Ăn khân may kah gĭt nau aơ jêh ri sek mĭn; Ơ phung ƀư tih, ăn khân mĭn tay!

Êsai 48:13

Ti Gâp nơm dơm jêh mbon rplay neh, Ti ma Gâp ling jêh lĕ ndâr trôk; Lah Gâp kuăl, Trôk jêh ri neh ntu dâk da dê.

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.