Êsai 40:11 - Nau Brah Ndu Ngơi 2023

¹¹ Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 40:11 ပူးပေါင်းရင်းမြစ်များ

Nau Ntơm 33:13

Y-Yakôb lah: “Nâm bu kôranh gĭt jêh, phung kon se jêng ra ai ngăn, ƀiălah gâp mât đŏng phung biăp me jêh ri ndrôk me hôm e kon pu toh. Tơlah ntrŭt ndal khân păng hăn gơnh, nđâp lah knŏng du nar dơm, lĕ rngôch mpô mpa nây mra khĭt.

Nau Ntơm 49:24

Ƀiălah rnơm bơh ti Nơm Geh Nau Brah bơh Y-Yakôb, Ƀiălah na păng hôm e dăng; Rnơm tă bơh Nơm Rmăk Biăp, jêng Lŭ Toyh ma phung Israel Bar đah ti păng hôm ngăch ngăn.

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Mprơ Ơm 27:10

Tơlah me mbơ̆ chalơi gâp Pôri Brah Yêhôva mra rom gâp.

Nau Mprơ Ơm 28:9

Dăn Kôranh Brah rklaih ƀon lan May jêh ri ăn nau ueh lăng ma drăp ndơn May; Dăn mât chiă jêh ri kuăn rdâng khân păng ƀaƀơ n'ho ro.

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Êsai 42:3

Păng mâu mra nkê̆ch lơi ôh tơm rpho hŏ nchah jêh, Jêh ri mâu khôm ôh brai ŭnh kađen dăch nhhât jêh. Păng mra sŏk nau răp jăp mpơl nau di.

Êsai 63:11

Nôk nây, phung ƀon lan Păng kah gĭt Ma Y-Môis rnôk kăl e jêh ri ôp: “Mbah ntŭk Nơm hŏ njŭn leo rmăk biăp Jêh ri phung biăp luh hao bơh dak mƀŭt? Mbah ntŭk Nơm dơm jêh Brah Huêng Ueh Păng Ta nklang khân păng?”

Yêrêmi 31:10

Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 31:8

Aơ, Gâp mra njŭn khân păng sĭt bơh bri mpeh pa lơ, Rgum tâm rƀŭn khân păng bơh nglĕ dŭt rplay neh. Ta nklang khân păng mra geh nơm chieh măt, nơm rvĕn, Phung bu ur ntreo jêh ri bu ur veng deh, Jêng du phung âk ngăn ngên mra sĭt ta aơ.

Êsêkiêl 34:15

Gâp nơm yơh mra chiăp biăp Gâp jêh ri ăn khân păng rlu kuen,’ Kôranh Brah Yêhôva lah pônây.

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Êsêkiêl 34:2

“Hơi kon bunuyh, mbơh lor hom nau tâm rdâng đah phung rmăk leo Israel; mbơh lor hom jêh ri lah ma phung rmăk leo nây pô aơ: ‘Kôranh Brah Yêhôva lah: Rêh ni ngăn ma phung rmăk leo Israel jêng bunuyh knŏng mĭn siăm êng khân may nơm! Mâu di hĕ phung rmăk leo mra siăm phung biăp lĕ?

Êsêkiêl 34:23

Gâp mra ndâk ta khân păng knŏng du huê rmăk biăp, păng mra mât rong phung nây, jêng Y-Đavit oh mon Gâp. Păng yơh mât rong khân păng, ƀư jêng du huê bunuyh chiăp khân păng.

Êsêkiêl 34:31

Khân may jêng biăp Gâp, jêng phung biăp tâm ndrêch gơ̆ Gâp; khân may jêng kon bunuyh jêh ri Gâp jêng Brah Ndu khân may’, Kôranh Brah Yêhôva lah pônây.”

Êsêkiêl 37:24

Oh mon Gâp jêng Y-Đavit mra ƀư hađăch ta klơ khân păng jêh ri lĕ rngôch mra geh knŏng du huê bunuyh chiăp dơm. Khân păng mra chuat tĭng nau vay ƀư bơh Gâp; khân păng mra djôt prăp nau vay dăp Gâp jêh ri tĭng ƀư.

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Mika 7:14

Sŏk hom mâng jra chiă uănh phung ƀon lan may Nây jêng phung biăp drăp ndơn may Păng gŭ êng tâm krŏng, Ta nklang Karmel; Ăn păng sa gơ̆ ta bri Basan jêh ri tâm bri Gilêat Nâm bu tâm rnôk saơm.

Sakari 11:7

Pôri, Gâp chiăp phung biăp dăch bu sreh nkhĭt, jêng phung biăp rêh ni ngăn. Gâp dŏng bar mlâm mâng jra: du mlâm mâng bu ntơ jêng Nau Yô̆, du mlâm mâng bu ntơ Nau Tâm Rnglăp gay ma chiăp phung biăp.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.

I Pêtrôs 5:4

Jêh ri tơlah Nơm Rmăk Biăp dŭt prêh ta klơ tâm mpơl, khân may mra dơn đon hađăch nau chrêk rmah mâu blau rai ôh.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”