Êsai 39:8 - Nau Brah Ndu Ngơi 2023

⁸ Y-Hêsêkia plơ̆ lah ma Y-Êsai: “Nau Brah Yêhôva may mhe ngơi jêng ueh!” Yor păng mĭn êng: “Tâm nau rêh gâp mra geh nau đăp mpăn jêh ri nau rnơm.”

Êsai 39:8 ပူးပေါင်းရင်းမြစ်များ

II Samuel 15:26

Ƀiălah tơlah Păng lah: ‘Gâp mâu ŭch rŏng ôh may,’ pôri ăn Păng ƀư ma gâp tĭng nâm nau Păng mĭn ueh!”

II Nau Rêh Jêng 32:26

Ƀiălah, Y-Hêsêkia jêh ri phung ƀon lan gŭ ta Yêrusalem ntrŭnh săk ma nau dêh rhêt, mâu hôm sưr, pôri nau Brah Yêhôva ji nuih mâu tât ôh rô̆ Y-Hêsêkia.

II Nau Rêh Jêng 34:28

Aơ, Gâp mra ăn ma may rgum ndrel ma phung chô yau may, may mra khĭt tâm nau đăp mpăn jêh ri măt may mâu mra saơ ôh lĕ rngôch nau mhĭk Gâp mra ăn tât ma ntŭk aơ jêh ri ma phung gŭ tâm ntŭk aơ.’” Jêh ri khân păng plơ̆ mbơh tay lĕ nau ngơi ma hađăch.

Ndrom Samƀŭt bơh Yôp 1:21

jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Nau Mprơ Ơm 39:9

Gâp mlo mâu hă trôm mbung ôh, Yorlah May ƀư jêh nau nây.

Nau Nhĭm Vơl 3:22

Yor nuih n'hâm ueh Brah Yêhôva hên mâu geh nau rai yot ôh, Nau Păng yô̆ nđach mâu blau lôch ôh.

Nau Nhĭm Vơl 3:39

Mâm ƀư bunuyh dôl gŭ rêh ngơi ƀrôk Ma nau tâm rmal prăp ăn ma nau tih păng nơm?

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Sakari 8:16

Aơ jêng nau ăn khân may ƀư: Ăp nơm sŏk nau ngơi ngăn ma phung chiau meng păng; ta mpông ƀon khân may, phat dôih hom ăn nanê̆ ngăn, nau di jêh ri nau đăp mpăn;

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”

I Pêtrôs 5:6

Pôri, ntrŭnh hom păng nơm tâm dâng ti nau brah Brah Ndu, gay tât mông tâm di păng mra n'hao khân may klơ.

I Samuel 3:18

Pôri, Y-Samuel nkoch tay lĕ rngôch nau, mâu pôn mo du ntil nau ma păng ôh. Y-Êli lah: “Nây jêng Brah Yêhôva, ăn Păng ƀư nau nây tĭng nâm nau Păng mĭn ueh!”