Êsai 38:5 - Nau Brah Ndu Ngơi 2023

⁵ “Plơ̆ tay hom lah ma Y-Hêsêkia, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ dak măt may. Aơ, Gâp mra ntop jât ma prăm năm ma may gŭ rêh.

Êsai 38:5 ပူးပေါင်းရင်းမြစ်များ

I Phung Hađăch 15:4

Ƀiălah yor Y-Đavit, Brah Yêhôva prăp ma păng du huê bunuyh thoi sưng hađăch ta Yêrusalem, njêng kon bu klâu păng chiă uănh thoi ntrok păng jêh ri ƀư ăn Yêrusalem hôm e mro.

I Phung Hađăch 8:25

Pôri aƀaơ, ơ Yêhôva jêng Brah Ndu phung Israel! Dăn djôt prăp hom nau Kôranh Brah hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, chuat hăn tanăp Gâp nâm bu may hŏ chuat hăn jêh, pôri tanăp Gâp, may mâu mra pưt ôh du huê bunuyh gŭ ta sưng hađăch phung Israel.’

II Phung Hađăch 18:13

Tâm năm jât ma puăn rnôk rô̆ hađăch Hêsêkia chiă uănh, geh Y-Sênakêrip, hađăch Asiri, hăn lơh jêh ri pit sŏk ma lĕ rngôch ƀon dŭt nâp ngăn tâm n'gor Yuđa.

II Phung Hađăch 18:2

Tơlah ntơm gŭ ta sưng hađăch, păng geh bar jât ma prăm năm, jêh ri chiă uănh bar jât ma sĭn năm tâm ƀon Yêrusalem. Amoh mê̆ păng jêng H'Abi, kon bu ur Y-Sakari.

II Phung Hađăch 19:20

Y-Êsai, kon bu klâu Y-Amôt, njuăl bunuyh hăn tât ngơi ma hađăch Hêsêkia pô aơ: “Yêhôva Brah Ndu Israel lah: Gâp tăng jêh nau may mbơh sơm yor nau Y-Sênakêrip, hađăch Asiri.

II Nau Rêh Jêng 34:3

Năm rơh pham rô̆ păng chiă uănh, dôl păng hôm mom, păng ntơm joi Brah Ndu Y-Đavit, che păng. Tâm năm rơh jât ma bar, păng ntơm ƀư kloh n'gor Yuđa jêh ri ƀon Yêrusalem, mƀăr lơi lĕ ntŭk prêh, rup brah Asêrim, rup brah trah jêh ri rup tŏ chiăr.

Ndrom Samƀŭt bơh Yôp 14:5

Mrô nar ma nau rêh bunuyh bơh Kôranh Brah lĕ nal jêh, Mrô khay năm knŏng tâm Păng yơh, Jêh ri ndah dŭt May tâm nal jêh, mâm dơi rlau.

Nau Mprơ Ơm 116:15

Nau khĭt phung kloh ueh Jêng khlay ngăn tanăp măt Brah Yêhôva.

Nau Mprơ Ơm 147:3

Păng ƀư bah phung geh nuih n'hâm nchah rai Jêh ri put n'grêp ntŭk sôt khân păng.

Nau Mprơ Ơm 39:12

Ơ Brah Yêhôva! iăt hom nau gâp mbơh sơm, Rkêng tôr iăt nau gâp kuăl; Lơi gŭ rklăk tanăp dak măt gâp Yorlah gâp jêng bu năch tâm ngih May, Phung bu năch hăn nsong ƀât lât nâm bu lĕ chô yau gâp.

Nau Mprơ Ơm 56:8

May kơp ăp nhuat gâp hăn nsong: Dăn May dơ dak măt gâp tâm kachok May. Dak măt gâp mâu dơi nchih tâm ndrom samƀŭt May hĕ?

Nau Mprơ Ơm 6:9

Brah Yêhôva hŏ tăng jêh nau gâp mbơh sơm, Păng dơn nau gâp kuăl mbơh sơm dŭt hâu ngăn.

Nơm Nti 3:3

Geh năng nkhĭt, geh năng ƀư bah; Geh năng rơih lơi, geh năng ndâk;

Êsai 37:21

Y-Êsai, kon bu klâu Y-Amôt, njuăl bunuyh hăn tât ngơi ma hađăch Hêsêkia pô aơ: “Yêhôva Brah Ndu Israel lah: Yorlah may hŏ mbơh sơm jêh ma Gâp yor Y-Sênakêrip hađăch Asiri,

Êsai 38:4

Nôk nây, geh nau Brah Yêhôva ngơi đah Y-Êsai:

Nau Nhĭm Vơl 3:56

May tăng jêh nau gâp, Lơi ta nsêt ôh trôm tôr bơh nau gâp nter dăn nau kơl.

Mathay 22:32

‘Gâp jêng Brah Ndu Y-Abraham, Brah Ndu Y-Isăk, Brah Ndu Y-Yakôp’? Păng mâu di jêng Brah Ndu bunuyh khĭt ôh, ƀiălah Brah Ndu bunuyh rêh.”

Luka 1:13

Ƀiălah tông mpăr đă ma păng: “Aơ, hơi Y-Sakari, lơi klach ôh! Yorlah Brah Ndu hŏ tăng jêh nau may mbơh sơm. H'Êlisabet, ur may, mra deh du huê kon bu klâu; may mra tâm amoh păng Y-Yôhan.

Kôranh Oh Mon 27:24

‘Hơi Y-Pôl lơi klach ôh! May mra hăn tât tanăp Sêsar; jêh ri aơ, Brah Ndu hŏ ăn ma may lĕ rngôch phung ncho kumpăn ndrel ma may.’

II Kôrintô 7:6

Ƀiălah Brah Ndu, Nơm bonh leng mbu nơm rdja nuih n'hâm, bonh leng jêh gâp yor nôk njuăl Y-Tit tât jêh;

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”