Êsai 38:3 - Nau Brah Ndu Ngơi 2023

³ “Ơ Brah Yêhôva, dăn kah gĭt hom pô aơ gâp hôm chuat hăn răp jăp tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Êsai 38:3 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 6:9

Aơ jêng noi deh Y-Nôê. Tâm nôk rô̆ păng, Y-Nôê jêng du huê bunuyh sŏng srăng jêh ri mâu geh nau nduyh; păng hăn ndrel ma Brah Ndu.

I Phung Hađăch 15:14

Ƀiălah păng mâu ƀư rai ôh ntŭk prêh klơ. Nđâp lah pônây, nuih n'hâm Y-Asa jêng răp jăp ma Brah Yêhôva tâm du bông nau rêh păng.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

II Phung Hađăch 18:3

Păng ƀư nau di tanăp măt Brah Yêhôva tâm ban Y-Đavit, chô yau păng, ƀư jêh.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

I Nau Rêh Jêng 29:19

Dăn ma Kôranh Brah ăn ma Y-Salômôn, kon gâp, du nuih n'hâm mâu geh bu dơi nduyh djôt prăp lĕ nau vay ntăm, lĕ nau ntĭnh, jêh ri lĕ nau vay dăp bơh May, tâm ban ƀư lĕ kan gay ndâk ngih brah, gâp hŏ rơm nŭm jêh.”

I Nau Rêh Jêng 29:9

Phung ƀon lan hâk răm ngăn yorlah nau phung nây ăn jêh ma nuih n'hâm lŏng jêh ri lĕ nuih n'hâm nhhơr ma Brah Yêhôva. Hađăch Đavit răm maak tâm ban đŏng.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

II Nau Rêh Jêng 25:2

Păng ƀư nau di tanăp măt Brah Yêhôva, ƀiălah nuih n'hâm mâu dơi jêng kloh rsang ngăn ôh.

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Nêhêmi 1:4

Nôk gâp tăng lĕ nau nây, gâp gŭ nhĭm nhhiăng, rngot rvê jŏ nar; gâp ât sông sa jêh ri mbơh sơm ma Brah Ndu klơ lĕ ndâr trôk dŭt prêh pô aơ:

Nêhêmi 13:14

“Hơi Brah Ndu gâp! Yor ma nau aơ, kah gĭt an ma gâp jêh ri lơi ta jut lĕ kan ueh gâp hŏ ƀư jêh ma ngih Brah Ndu, jêh ri ma nau pah kan Păng.”

Nêhêmi 13:22

Gâp ntĭnh ma phung Lêvi ăn khân păng ƀư kloh lơi khân păng nơm jêh ri hăn văch gak njrăng mpông pêr, gay prăp ma nar saƀat jêng nar kloh ueh. “Hơi Brah Ndu gâp! Dăn kah gĭt hom ma nau nây jêh ri dăn yô̆ nđach gâp tĭng nâm nau ueh toyh bơh May.”

Nêhêmi 13:31

Gâp đă đŏng phung ƀon lan nhhơr long tĭng tâm nal, tâm ban đŏng nhhơr lĕ play bôk yan bơh neh. “Hơi Brah Ndu gâp, dăn kah gĭt hom ma gâp jêh ri yô̆ an ma gâp!”

Nêhêmi 5:19

“Hơi Brah Ndu gâp! Dăn ma Kôranh Brah kah gĭt lĕ rngôch nau gâp hŏ ƀư jêh ma phung ƀon lan aơ jêh ri yô̆ an ma gâp.”

Nau Mprơ Ơm 101:2

Gâp mra gŭ rêh ma nau blau mĭn tĭng trong nŭm rĭng; Ndah jŏ May mra văch ma gâp? Gâp mra sŏk nuih n'hâm nanê̆ Gay ma gŭ tâm ngih gâp.

Nau Mprơ Ơm 102:9

Yor nau May nuih jêh ri ji nuih, Gâp sa ŭnh buh tâm ban ma sa ƀănh,

Nau Mprơ Ơm 119:80

Ăn nuih n'hâm gâp ƀư rĭng tâm lĕ nau vay May dăp; Gay ma gâp mâu bêk ôh.

Nau Mprơ Ơm 16:8

Gâp ăn Brah Yêhôva dâk tanăp gâp; Gâp mâu mra mpât n'gơ ôh yorlah păng gŭ mpeh pa ma gâp.

Nau Mprơ Ơm 26:3

Yor nau ueh Kôranh Brah gŭ tanăp măt gâp, Jêh ri gâp hăn tâm trong nau ngăn May.

Nau Mprơ Ơm 32:2

Ueh maak ngăn ma bunuyh Brah Yêhôva mâu kơp ôh djơh mhĭk Jêh ri tâm nuih n'hâm mâu geh nau ndơm ôh!

Nau Mprơ Ơm 6:6

Gâp lĕ huăr yor lŭng nter, Ăp măng tâm sưng bê̆ch gâp mbĕ ma dak măt, Sưng gâp bê̆ch mbĕ dak măt nhĭm.

Nau Mprơ Ơm 6:8

Hơi lĕ rngôch phung ƀư mhĭk, khân may du ngai hom đah gâp, Yorlah Brah Yêhôva hŏ tăng jêh nau gâp nhĭm.

Êsai 38:2

Y-Hêsêkia rle măt păng mpeh ta mpir jêh ri mbơh sơm ma Brah Yêhôva:

Êsai 38:4

Nôk nây, geh nau Brah Yêhôva ngơi đah Y-Êsai:

Ndrom Samƀŭt bơh Ôsê 12:4

Tâm trôm ndŭl me Yakôb hŏ kuăn jêh ndơl jâng nâu păng, Nôk văch ma toyh păng tâm rdâng đah Brah Ndu.

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

Nau Vay Nkah Tay 6:18

Ăn khân may ƀư nau sŏng jêh ri nau ueh tanăp măt Brah Yêhôva, gay dơi geh nau ƀŭn lap jêh ri gay dơi lăp sŏk dơn n'gor ueh jêng drăp ndơn bơh Brah Yêhôva hŏ sơm ton ma phung chô yau khân may.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.