Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Êsai 38:17 - Nau Brah Ndu Ngơi 2023

17 Aơ, nau rngot gâp Plăch jêng nau đăp mpăn! Kôranh Brah hŏ rŏng ma huêng gâp, Djôt ngai bơh ntu kuyh ƀư rai, Yorlah Kôranh Brah klŭp jêh lĕ rngôch nau tih gâp Luh pakơi May.

အခန်းကိုကြည့်ပါ။ ကော်ပီ




Êsai 38:17
20 ပူးပေါင်းရင်းမြစ်များ  

Nôk nây, gâp lah êng: ‘Gâp mra khĭt tâm rsuăn, Nar khay gâp mra âk nâm bu choih;


Yô̆ nđach ma bunuyh nây jêh ri vơh vơl: ‘Dăn mât mơh păng lơi ăn tŭp tâm ntu jru; Gâp hŏ joi jêh rnoh tâm chuai;


Nau sưr rlau phung mhĭk hăn tĭng bunuyh o ach; Ăn khân păng tŭp tâm nau khân păng ŭch mĭn nchră hŏ ƀư jêh.


Ndah nâm ngai mpeh luh nar đah mpeh nhâp nar, Pôri đŏng Păng sŏk nkhah lơi nau tih he ngai đah he dŭm âk.


Păng yơh yô̆ an lĕ nau tih may, Ƀư bah lĕ nau ji kuet may,


Tâm chuai nau rêh may bơh ntŭk rai yot, Sŏk nau ueh jêh ri yô̆ nđach ƀư đon hađăch gay ndô ma may.


Ơ Brah Yêhôva, May hŏ djôt leo jêh huêng gâp tă bơh ƀon phung khĭt. Jêh ri mât mơh nau rêh gâp gay gâp mâu jŭr tâm môch.


Păng djôt gâp hao bơh ntu ƀư rai. Bơh nung bŏk rhuh. Păng dơm jâng gâp ta klơ lŭ toyh Jêh ri ƀư ăn nhuat gâp jêng nâp.


Ơ Brah Ndu, phung ji hir mham jêh ri mƀruh ndơm Mâu mra dơi gŭ rêh n'gul mrô nar hŏ nal jêh ma păng, Kôranh Brah mra nklơ̆ khân păng Jŭr tâm ntu roh rai; Ƀiălah gâp ăt hôm rnơm nsing ma Păng.


May yô̆ an jêh phung djơh mhĭk ma phung ƀon lan May Jêh ri nkŭm lĕ rngôch nau tih khân păng. (Sêla)


Yorlah nuih n'hâm ueh May toyh ngăn ma gâp; May tâm rklaih jêh huêng gâp bơh brŏng jru ƀon phung khĭt.


Moh gâp dơi lah? Yorlah May hŏ ngơi jêh đah gâp May nơm yơh ƀư jêng nau aơ. Du bông nau rêh, gâp mra chuat tâm nau dêh rhêt Yor nau rngot bêng tâm huêng gâp.


Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.


Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”


Dak văch nkŭm jŭm gâp kŏ tât huêng gâp; Brŏng jru gŭ jŭm gâp puăn mpeh; Mbrĭng dak lĕ put bôk gâp.


Gâp hŏ jŭr jêh tât lĕ mbon jâng yôk; Neh hŏ sŏk rnăng păng rdâl ta klơ gâp n'ho ro. Ơ Yêhôva Brah Ndu gâp, May hŏ djôt jêh nau rêh gâp tă bơh trôm Jru!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ