Êsai 38:13 - Nau Brah Ndu Ngơi 2023

¹³ Gâp gŭ klăk klêm kŏ tât ôi, Ƀiălah Păng hŏ nkhêk lơi lĕ nting gâp tâm ban ma yau mŭr. Ơm ôi hôm tât măng roh, Kôranh Brah nglĕ dŭt nau rêh gâp!

Êsai 38:13 ပူးပေါင်းရင်းမြစ်များ

I Phung Hađăch 20:36

Păng lah tay: “Yorlah may mâu tông ôh bâr Brah Yêhôva, pôri tơlah may du tă bơh gâp, mra geh du mlâm yau mŭr kăp nkhĭt may.” Tơlah bunuyh băl nây mhe du tă bơh nơm mbơh lor, tâm mâp ro đah du mlâm yau mŭr kăp nkhĭt păng.

Ndrom Samƀŭt bơh Yôp 7:6

Ăp nar gâp gŭ rêh gơnh lôch prăl rlau lơn ma mpeh tanh, Jêh ri dăch dŭt tâm nau mâu kâp gân.

Nau Mprơ Ơm 32:4

Yorlah nar jêh ri măng ti May n'grŭn jâk ta klơ gâp; Nau ktang gâp roh huơi nâm bu bơh phang yan kăl vai. (Sêla)

Nau Mprơ Ơm 39:10

Dăn sŏk lơi bơh gâp nau May tâm rmal: Gâp lĕ huăr yor nau ji nuih ti May.

Nau Mprơ Ơm 50:22

Hơi phung chuêl Brah Ndu, sek uănh hom! Tơlah mâu, Gâp hêk hăch may jêh ri mâu geh nơm dơi rklaih.

Nau Mprơ Ơm 51:8

May mra ăn gâp tăng nau maak răm, hâk maak Gay lĕ nting nđăng May hŏ nkê̆ch jêh dơi geh nau hâk răm.

Nau Mprơ Ơm 7:2

Klach lah khân păng hêk gâp nâm bu yau mŭr hêk mpa sa, Jêh ri ƀư săk jăn gâp jêng gâl rngơl ƀiălah mâu geh ôh nơm dơi rklaih an.

Nau Mprơ Ơm 90:5

May ƀư ma khân păng rdu nâm bu n'hor dak lip; khân păng nâm bu du rngăl bê̆ch, Jêng nâm bu gơ̆ mhe hon ôi.

Nau Nhĭm Vơl 3:4

Păng hŏ ƀư ma jêh ntâu nglay puăch gâp rgay siăr, Nting nđăng gâp pă hăch;

Daniel 6:24

Tĭng nâm hađăch ntăm, jêh ri phung hŏ phong nchơt Y-Daniel ndrel ma ur kon khân păng bu djôt klŭp tâm ntu yau mŭr. Tơlah khân păng mâu hŏ tât tâm dâng ntu pôri yau mŭr hŏ nhŭp jêh ri hêk nkê̆ch lĕ nting khân păng.

Ndrom Samƀŭt bơh Ôsê 5:14

Yorlah gâp mra jêng nâm bu du mlâm yau mŭr ma Êphraim, Nâm bu du mlâm yau mŭr kon ma ngih Yuđa. Gâp nơm yơh mra sa hêk jêh nây hăn du; Gâp mra djôt leo, jêh ri mâu geh ôh nơm dơi sâm rklaih.