Êsai 38:1 - Nau Brah Ndu Ngơi 2023

¹ Tâm lĕ nar nây, Y-Hêsêkia ji dăch khĭt. Nơm mbơh lor Y-Êsai, kon bu klâu Y-Amôt, hăn tâm mâp păng jêh ri lah: “Brah Yêhôva lah kơt aơ: ‘Dăp nkra hom kan tâm ngih may yorlah may mra khĭt, mâu hôm dơi rêh ôh.’ ”

Êsai 38:1 ပူးပေါင်းရင်းမြစ်များ

II Samuel 12:22

Hađăch plơ̆ lah: “Nôk kon se jê̆ hôm rêh, gâp ver ât sông sa jêh ri nhĭm yorlah gŭ mĭn pô aơ: ‘Klăp lah Brah Yêhôva mra yô̆ nđach gâp, jêh ri ăn ma păng hôm e rêh!’

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

II Nau Rêh Jêng 32:24

Tâm lĕ nar nây Y-Hêsêkia ji dăch khĭt. Păng mbơh sơm ma Brah Yêhôva, jêh ri Brah Yêhôva plơ̆ lah jêh ri ăn ma păng du nau tâm mbên.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 1:1

Tâm rnôk Y-Usia, Y-Jôtham, Y-Ahas jêh ri Y-Hêsêkia jêng phung hađăch Yuđa, Y-Êsai, kon bu klâu Y-Amôt, dơn nau tâm saơ ma bri dak Yuđa jêh ri ma ƀon Yêrusalem.

Êsai 37:2

Păng đă Y-Êliakim jêng kôranh mât uănh ngih hađăch, Y-Sêpna jêng kôranh nchih samƀŭt jêh ri phung kôranh ƀư brah ranh rlau lơn nsoh ao ƀau hăn mâp ma nơm mbơh lor Y-Êsai, kon bu klâu Y-Amôt.

Êsai 37:21

Y-Êsai, kon bu klâu Y-Amôt, njuăl bunuyh hăn tât ngơi ma hađăch Hêsêkia pô aơ: “Yêhôva Brah Ndu Israel lah: Yorlah may hŏ mbơh sơm jêh ma Gâp yor Y-Sênakêrip hađăch Asiri,

Yônais 3:10

Rnôk nây, Brah Ndu saơ nau khân păng ƀư jêh ri saơ khân păng hŏ chalơi jêh trong mhĭk khân păng pôri Păng tâm rgâl nau mĭn ma nau mhĭk tât ta klơ khân păng nâm bu hŏ lah, jêh ri Păng mâu ƀư nau nây ôh.

Yônais 3:4

Y-Yôna ntơm lăp tâm ƀon, du nar hăn trong jêh ri mbơh pô aơ: “Hôm puăn jât nar đŏng Ninive mra rlâm rai!”

Kôranh Oh Mon 9:37

Tâm lĕ nar nây, păng kuet jêh ri khĭt. Bu rao săk jăn păng, jêh ri ăn păng ta jrô klơ.