Êsai 37:7 - Nau Brah Ndu Ngơi 2023

⁷ Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng nơm.’ ”

Êsai 37:7 ပူးပေါင်းရင်းမြစ်များ

II Phung Hađăch 7:6

Yorlah Kôranh Brah hŏ ƀư ăn ma phung tahan Aram tăng nteh ndeh seh, nteh seh jêh ri nteh du phung tahan toyh ngăn, pôri khân păng lah ndrăng khân păng pô aơ: “Aơ, hađăch Israel hŏ manh phung hađăch Hitit jêh ri Êjipt gay văch lơh he.”

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Ndrom Samƀŭt bơh Yôp 15:21

Tăng nau klach krit nter nteh mro kêng tôr; Dôl ueh mpăn phung ntŭng văch tât.

Ndrom Samƀŭt bơh Yôp 4:9

Yor n'hâm nsôr bơh Brah Ndu, khân păng geh nau khĭt roh; Yor nau Păng ji nuih, khân păng geh nau rai lôch.

Nau Mprơ Ơm 58:9

Tâm ban bu su lok tâm ŭnh năk kơt nây lĕ Jêh ri Păng mra ăn sial phŭt khôm lơi khân păng, nđâp lah khân păng hôm ndrêh mâu lah lĕ ŭnh sa.

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Êsai 37:9

Aƀaơ, hađăch Asiri tăng nau bu mbơh ma Y-Tirhaka, hađăch Kus, pô aơ: “Hađăch nĕ leo phung tahan văch ŭch tâm lơh đah hađăch.” Tăng nau nây, hađăch Asiri prơh đŏng phung mbơh hăn tâm mâp ma Y-Hêsêkia, jêh ri ntĭnh pô aơ: