Êsai 37:38 - Nau Brah Ndu Ngơi 2023

³⁸ Du nar, nôk hađăch Sênakêrip dôl chon mon mbah brah păng nơm tâm ngih brah Nirok, phung kon bu klâu hađăch jêng Y-Adramêlek jêh ri Y-Sarêser sŏk đao nkhĭt hađăch, jêh nây hăn du rlet n'gor Ararat. Kon hađăch jêng Y-Êsarhadôn chiă uănh thoi ntrok păng.

Êsai 37:38 ပူးပေါင်းရင်းမြစ်များ

Nau Ntơm 8:4

Tâm nar jât mpơh, khay pơh, kumpăn nsrŭng ta yôk Ararat.

II Nau Rêh Jêng 32:14

Tâm lĕ rngôch brah tâm phung ndŭl mpôl nây, phung chô yau gâp hŏ ƀư rai lĕ jêh, geh đŏng brah dơi rklaih phung ƀon lan khân păng bơh ti gâp? Lah ndrĭ brah khân may klăp lah dơi rklaih khân may bơh ti gâp bơh?

II Nau Rêh Jêng 32:19

Khân păng lah Brah Ndu ƀon Yêrusalem nâm bu brah phung ƀon lan ta neh ntu, jêng kan ma ti bunuyh ƀư.

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Êsra 4:2

khân păng hăn tât ma Y-Sôrôƀaƀel jêh ri ăp kôranh ƀon lah: “Hên ŭch rdâk ndrel ma khân may, yorlah hên joi Brah Ndu tâm ban khân may lĕ, jêh ri hên hŏ ƀư brah ma Păng ntơm bơh rnôk Y-Êsarhadôn, hađăch Asiri, jêng nơm hŏ njŭn hên văch ta aơ.”

Êsai 14:12

Hơi mănh mbing ôi, kon bu klâu ƀhit rvi ang, Mâm ƀư may tŭp jêh tă bơh trôk! Hơi nơm ƀư rai lĕ bri dak, Mâm ƀư bu n'glưh lơi may ta neh!

Êsai 14:9

Ƀon phung khĭt jru âk râk ƀư mpât đŏng yorlah may Gay chuă vơt may tât. Păng hŏ rlay phung phan bunuyh khĭt yor may, Jêng lĕ rngôch phung kôranh chiă uănh ta klơ neh ntu; Păng hŏ ƀư lĕ rngôch hađăch lĕ bri dak Dâk bơh sưng hađăch khân păng.

Êsai 36:15

Lơi ăn ôh hađăch Hêsêkia ndơm khân may rnơm nsing ma Brah Yêhôva dôl lah: “Brah Yêhôva mra tâm rklaih he n'hêl nanê̆ ndrel ma ƀon aơ, jêh ri bu mâu mra jao ƀon aơ tâm ti hađăch bri Asiri ôh!”

Êsai 36:18

Njrăng hom, klach lah Y-Hêsêkia ndơm khân may jêh ri lah: “Brah Yêhôva mra tâm rklaih he!” Pôri, geh lĕ du huê brah tâm lĕ bri dak mâp dơi tâm rklaih bri khân păng bơh ti hađăch Asiri mâm dơi lĕ?

Êsai 37:10

“Khân may mra ngơi ma Y-Hêsêkia, hađăch Yuđa, pô aơ: ‘Lơi ăn Brah Ndu, jêng Nơm may rnơm nsing, ndơm mƀruh may pô aơ Yêrusalem mâu mra tŭp tâm ti hađăch Asiri ôh.

Êsai 37:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng nơm.’ ”

Yêrêmi 51:27

“N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!