Êsai 37:33 - Nau Brah Ndu Ngơi 2023

³³ Yor nây, Brah Yêhôva lah ma hađăch Asiri kơt aơ: ‘Păng mâu mra lăp ƀon aơ ôh, mâu mra pănh tong hăr ta nây, mâu đŏng sŏk khêl mâu lah bât pôih gay rduh lơh ƀon.

Êsai 37:33 ပူးပေါင်းရင်းမြစ်များ

Êsai 17:12

Ơ, phung ndŭl mpôl bunuyh âk râk ƀư nteh drơu drơu! Khân păng ngrông tâm ban ma nteh rbuh dak mƀŭt! Nteh drơu drơu tâm phung ndŭl mpôl bunuyh Ngrông tâm ban ma nteh âk dak leng hoch!

Êsai 17:14

Ta kêng măng, aơ, geh nau klach krit, Êlor ma tât ƀring ang ôi, mâu hôm saơ khân păng ôh. Nĕ jêng ndơ phung sŏk ntŭng, Jêng mrô nal prăp ma phung ntŭng ndơ he.

Êsai 33:20

Uănh hom ta Siôn jêng ƀon he kah gĭt prăp lĕ nau rƀŭn toyh! Măt may mra saơ Yêrusalem, Jêng ntŭk gŭ đăp mpăn, jêng ngih bok bu mâu trơn ta ntŭk êng ôh, Lĕ mâng pêr ngih bok bu mâu hôm tŏk ôh, Lĕ rse brăt mâu dơi tăch ôh.

Yêrêmi 32:24

Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Yêrêmi 6:6

Yorlah Brah Yêhôva ma phung tahan lah: “Kăl hom tơm si Jêh ri bât pôih nchueng jŭm Yêrusalem! Aơ jêng ƀon bu mra tâm rmal; Yorlah ta nklang păng bêng âk nau bu tŭn jot.

Êsêkiêl 21:22

Tâm ban lĕ Gâp tap bar đah ti ƀư bah nau Gâp ji nuih. Gâp nơm yơh, Brah Yêhôva, lah pônây.”

Nau Vay Nkah Tay 20:20

Khân may dơi kăl lơi lĕ tơm si khân may gĭt mâu di jêng tơm si bu sa play. Khân may dơi kăl jêh ri dŏng păng gay ndâk jan pêr ntŭk tâm lơh gay hăn lơh ƀon tâm lơh đah khân may, kŏ tât ƀon nây rai.”