Êsai 37:29 - Nau Brah Ndu Ngơi 2023

²⁹ Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Êsai 37:29 ပူးပေါင်းရင်းမြစ်များ

Ndrom Samƀŭt bơh Yôp 41:2

Mbu nơm hŏ ăn ma Gâp gay Gâp mplơ̆ sĭt tay? Lĕ rngôch ndơ tâm dâng trôk jêng ndơ Gâp da dê.

Nau Mprơ Ơm 32:9

Lơi ta jêng nâm bu seh jêh ri seh bri jêng ndơ mâu geh nau gĭt rbăng Bu n'găm trôm mbung ma gang jêh ri ma rse ndrăn mhe, gay ma khân păng dơi iăt nau, Tơlah mâu, khân păng mâu mra hăn dăch may ôh.

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Mprơ Ơm 74:23

Lơi chuêl ôh bâr nter lah phung rlăng đah May, Nau uh ah phung tâm rdâng đah May hao ƀaƀơ.

Nau Mprơ Ơm 74:4

Phung rlăng May ngrông ta nklang ntŭk tâm rƀŭn; Khân păng ndâk n'hao bok kơ gay ƀư nau tâm mbên.

Nau Mprơ Ơm 83:2

Yorlah ri, phung rlăng May ƀư nau uh ah, Jêh ri phung tâm rmot đah May n'gơr bôk.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsai 36:10

Rlau lơn ma nĕ, mâu di hĕ tĭng nau Brah Yêhôva lah ma gâp hao lơh bri aơ gay ƀư rai lơi păng? Brah Yêhôva hŏ lah jêh ma gâp pô aơ: Hăn hao hom ma bri aơ jêh ri ƀư rai lơi păng!’ ”

Êsai 36:4

Rabshakeh lah ma khân păng: “Lah hom ma hađăch Hêsêkia pô aơ hađăch toyh jêng hađăch bri Asiri lah: ‘Nau may rnơm nsing ta mbah ntŭk?

Êsai 37:10

“Khân may mra ngơi ma Y-Hêsêkia, hađăch Yuđa, pô aơ: ‘Lơi ăn Brah Ndu, jêng Nơm may rnơm nsing, ndơm mƀruh may pô aơ Yêrusalem mâu mra tŭp tâm ti hađăch Asiri ôh.

Êsai 37:34

Păng mra plơ̆ sĭt ta trong păng văch tât, mâu dơi lăp tâm ƀon aơ ôh.’ Brah Yêhôva lah pônây.

Êsai 37:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng nơm.’ ”

Êsêkiêl 29:4

Gâp mra dơm lĕ nglĕ nklĕ ta bar kang may, Jêh ri ƀư ma ka tâm lĕ dak krong may mra krêp ta rsiap may. Gâp mra đŏt may luh du tă bơh lĕ dak krong may, Ndrel ma lĕ rngôch ka tâm lĕ dak krong Hŏ krêp jêh ta rsiap may đŏng.

Êsêkiêl 35:13

Phung khân may hŏ sŏk bâr mbung ngơi n'hao êng săk nơm jêh gay tâm rdâng đah Gâp jêh ri ngơi nau mhĭk ma Gâp. N'hêl nanê̆ Gâp, lĕ tăng jêh nau nây!’

Êsêkiêl 38:4

Gâp mra plăch may, dơm nglĕ nklĕ ta kang may jêh ri njŭn may hăn tâm lơh ndrel ma lĕ rngôch phung tahan may, seh nđâp ma phung tahan ncho seh, lĕ rngôch nsoh ao loih jêh ri rnglăp ƀư jêng du phung tahan âk ngăn. Lĕ rngôch khân păng cheng âk khêl toyh, khêl jê̆ jêh ri djôt đao da dê.

Amôt 4:2

Kôranh Brah Yêhôva hŏ dŏng nau kloh ueh Păng sơm ton pô aơ: “Mông nar mra tât ma khân may, Bu mra djôt nglĕ nklĕ nhŭp khân may, Dŏng nglĕ ndar gay nhŭp phung hôm gŭ rêh klen tâm phung khân may.

Mathay 27:24

Yor ri, nôk Pilat saơ păng nơm mâu dơi ƀư ôh, ƀiălah geh nau nteh uh ah lơ hâu lơn, pôri păng sŏk dak jêh ri rao ti tanăp phung ƀon lan, jêh nây lah: “Gâp mâu tih ôh đah mham bunuyh aơ; nây jêng nau khân may.”

Kôranh Oh Mon 22:22

Khân păng gŭ iăt nau Y-Pôl, ƀiălah tât ta nau nây, khân păng ntơm nter toyh: “Nkhĭt lơi bunuyh nây bơh neh ntu! Păng mâu khư gŭ rêh ôh.”

Kôranh Oh Mon 9:4

Păng cha lôt ta neh jêh ri tăng nau ngơi lah ma păng: “Hơi Y-Sôl, Y-Sôl, mâm ƀư may ƀư djơh ma Gâp?”