Êsai 37:24 - Nau Brah Ndu Ngơi 2023

²⁴ May prơh jêh phung oh mon may mưch rmot ma Kôranh Brah, May lah: “Ma ndeh seh gâp âk ir, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban. Gâp mra kăl lĕ tơm si sêdar prêh lơn, Jêh ri lĕ tơm si chiprơ dŭt ueh lơn. Gâp mra tât ta ntŭk ngai Tâm bri krŏng tơm si dŭt pŭm.

Êsai 37:24 ပူးပေါင်းရင်းမြစ်များ

Nau Mprơ Ơm 20:7

Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Nau Ngluh Êjipt 15:9

Phung rlăng lah: ‘Gâp hăn tĭng, gâp mra ban; Gâp mra tâm pă ndơ pit sŏk. Nau gâp kơnh mra dơi mpay. Gâp tŏk đao; ti gâp mra ƀư rai khân păng.’

Êsai 10:18

Bi ma nau ueh bri krŏng jêh ri mir tơm play hađăch nây, Păng mra ƀư rai lĕ rngôch, nđâp ma huêng jêh ri săk jăn, Tâm ban ma bunuyh mâu hôm geh suan hăn ndĭt ndĭu.

Êsai 10:33

Aơ, Kôranh Brah jêng Brah Yêhôva ma phung tahan, Mra dŏng nau dơi krit ngăn koh lơi n'gĭng tơm si; Đơ tơm si hưn mra kăl cha lôt, Đơ tơm si prêh toyh bu mra hŭch lơi.

Êsai 10:34

Păng mra kăl si pŭm toyh tâm krŏng ma sung, Jêh ri bri Liban mra cha lôt tanăp Nơm Geh Nau Brah.

Êsai 14:8

Kŏ tât tơm si chiprơ răm maak yor ma may, Tơm si sêdar ta klơ yôk Liban lah pô aơ: ‘Ntơm bơh may bê̆ch tŭp, Mâu geh du huê nơm văch tât kăl hên ôh!’

Êsai 29:17

Mâu di hĕ hôm ƀât lât đŏng Bri Liban mra rgâl jêng đang tơm si sa play, Jêh ri đang tơm si sa play mra dơi uănh tâm ban ma bri krŏng lĕ?

Êsai 36:9

Nđâp tơlah may rnơm nsing ma n'gor Êjipt gay geh ndeh seh jêh ri phung tahan ncho seh, mâm may dơi mprơh du huê kôranh tahan jê̆ lơn tâm phung oh mon kôranh gâp?

Êsai 37:4

N'hêl nanê̆ Yêhôva Brah Ndu may hŏ tăng jêh nau Y-Rabshakeh ngơi, kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng; jêh ri Yêhôva Brah Ndu may mra rmal ma khân păng tĭng nâm nau Păng tăng jêh. Yor nây, ăn may mbơh sơm hom ma phung hôm klen ta aơ!’”

Yêrêmi 22:6

Aơ jêng nau Brah Yêhôva lah ma ngih hađăch phung Yuđa: ‘Gâp uănh may jêng nâm bu Gilêat, Nâm bu n'gơn nâm Liban, Ƀiălah nanê̆ Gâp mra njêng may bri rdah, Lĕ ƀon mâu geh bunuyh gŭ ôh.

Yêrêmi 22:7

Gâp mra prăp rơm ndrăp phung ƀư rai geh ndơ tâm lơh Ŭch nkhĭt may; Khân păng mra kăl lĕ tơm si sêdar dŭt ueh uĭn may geh Jêh ri klŭp tâm ŭnh.’

Yêrêmi 46:8

Bri Êjipt hao lip nâm bu dak krong Nil, Nâm bu dak krong geh rbuh ktang. Păng lah: ‘Gâp mra hao, nkŭm lam neh ntu; Ƀư rai ƀon toyh jêh ri bunuyh gŭ tâm ƀon.’

Êsêkiêl 21:2

“Hơi kon bunuyh, rle hom muh măt may leo rđŭng pa dâng jêh ri nti nau tâm rdâng mpeh pa dâng. Mbơh lor hom nau tâm rdâng đah bri krŏng ntŭk n'gor bri lâng Nêgep.

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”