Êsai 37:23 - Nau Brah Ndu Ngơi 2023

²³ Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 37:23 ပူးပေါင်းရင်းမြစ်များ

II Phung Hađăch 19:22

Ma mbu nơm may mưch rmot jêh ri ngơi djơh tât? Ma mbu nơm may nter Jêh ri n'gơr măt ma nau sưr tâm rdâng? Janh tâm rdâng đah Nơm Kloh Ueh phung Israel!

II Phung Hađăch 19:4

N'hêl nanê̆ Yêhôva Brah Ndu may hŏ tăng jêh lĕ rngôch nau Y-Rabshakeh ngơi jêh ri kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng, jêh ri Yêhôva Brah Ndu may mra rmal ma khân păng yor lĕ nau ngơi Păng hŏ tăng jêh. Yor ri, dăn ma may mbơh sơm hom ma phung hôm klen.’”

II Nau Rêh Jêng 32:17

Y-Sênakêrip nchih âk samƀŭt mưch ma Yêhôva Brah Ndu Israel jêh ri ngơi mhĭk đah Păng pô aơ: “Ăp brah tâm lĕ rngôch bri mâu hŏ dơi tâm rklaih ôh phung ƀon lan khân păng bơh ti gâp, tâm ban lĕ brah Y-Hêsêkia mâu dơi ôh tâm rklaih phung ƀon lan păng bơh ti gâp.”

Nau Mprơ Ơm 44:16

Yorlah bâr ƀư mhĭk, rak rtăp, Nơm rlăng jêh ri nơm plơng bôk.

Nau Mprơ Ơm 73:9

Bâr mbung ngơi kek tât ta klơ trôk Bi ma mpiăt phong bunuyh ta neh ntu.

Nau Mprơ Ơm 74:10

Ơ Brah Ndu! Ndah nâm jŏ nơm tâm rdâng mra bêk prêng ma May? Nơm rlăng mra suai ma amoh May mro lĕ?

Nau Mprơ Ơm 74:18

Ơ Brah Yêhôva, ăn kah gĭt ma nau nơm rlăng suai rak, Jêh ri du mpôl băl rluk ngơi mhĭk ma amoh May.

Nau Mprơ Ơm 74:23

Lơi chuêl ôh bâr nter lah phung rlăng đah May, Nau uh ah phung tâm rdâng đah May hao ƀaƀơ.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 5:2

Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Nau Ngluh Êjipt 9:17

Tơlah may hôm brơl nkrŭl, mâu ăn ôh phung ƀon lan Gâp hăn,

Nau Hôr 30:13

Geh phung bunuyh geh măt nau sưr, Jêh ri n'gô măt n'hao êng mâm ƀư!

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 10:17

Nau ang phung Israel mra jêng ŭnh, Nơm Kloh Ueh khân păng mra jêng du mpiăt ŭnh, Mra su ma ŭnh jêh ri su lơi rtau lok jêh ri pih pŭm Knŏng tâm du nar.

Êsai 10:20

Tâm nar nây, phung Israel hôm e jêh ri phung hôm gŭ rêh klen tâm ngih Yakôb mra mâu hôm rnơm ôh ma phung hŏ dong khân păng; ƀiălah khân păng mra rnơm ngăn ma Brah Yêhôva jêng Nơm Kloh Ueh Israel.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 17:7

Tâm nar nây, phung bunuyh mra mĭn ma Nơm Rhăk Njêng khân păng, jêh ri măt khân păng nge nger uănh ta Nơm Kloh Ueh Israel.

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 37:4

N'hêl nanê̆ Yêhôva Brah Ndu may hŏ tăng jêh nau Y-Rabshakeh ngơi, kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng; jêh ri Yêhôva Brah Ndu may mra rmal ma khân păng tĭng nâm nau Păng tăng jêh. Yor nây, ăn may mbơh sơm hom ma phung hôm klen ta aơ!’”

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 43:14

Brah Yêhôva, Nơm Tâm Chuai khân may, Nơm Kloh Ueh Israel lah pô aơ: “Yor khân may, Gâp hŏ njuăl bu hăn lơh Babilôn, Mprơh lĕ rngôch khân păng, jêng phung Kaldê, Tâm ban ma phung nchuăt du, Trŭnh tâm kumpăn khân păng jêng ntŭk khân păng hŏ tă troh nteh huy ngăn.

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 5:15

Lĕ ntil mpôl bunuyh kŭnh bôk da dê, lĕ rngôch bunuyh mâu hôm geh nau khlay; Măt phung sưr rlau bu n'glưh lơi.

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Yêrêmi 48:42

Bri Môap mra rai, mâu hôm jêng du mpôl bunuyh đŏng ôh, Yorlah păng hŏ n'hao êng nơm tâm rdâng đah Brah Yêhôva.”

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Êsêkiêl 28:9

Tanăp phung nkhĭt may, May dơi janh lah pô aơ lĕ “gâp jêng brah”? Dôl may gŭ tâm ti phung ƀư rmanh may Pôri may jêng bunuyh đŏng mâu di hĕ jêng brah.

Êsêkiêl 35:13

Phung khân may hŏ sŏk bâr mbung ngơi n'hao êng săk nơm jêh gay tâm rdâng đah Gâp jêh ri ngơi nau mhĭk ma Gâp. N'hêl nanê̆ Gâp, lĕ tăng jêh nau nây!’

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Daniel 8:11

Păng n'hao păng nơm jêng tâm ban ma Kôranh Chiă Uănh ma phung tahan, mƀăr lơi ndơ ƀư brah gŭch nhhơr ƀaƀơ bơh Păng jêh ri ƀư rai ntŭk kloh ueh Păng.

II Têsalônik 2:4

nâm bu ntĭt nơm tâm rdâng, n'hao êng păng nơm ta klơ ma lĕ rngôch nau bu rnha jêng brah mâu lah ma ndơ bu yơk mbah, kŏ tât păng gŭ tâm ngih Brah Ndu, kơp êng păng nơm jêng Brah Ndu.

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”

I Samuel 17:36

Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”