Êsai 37:20 - Nau Brah Ndu Ngơi 2023

²⁰ Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt knŏng êng May yơh jêng Brah Yêhôva!”

Êsai 37:20 ပူးပေါင်းရင်းမြစ်များ

I Phung Hađăch 8:43

pôri dăn Kôranh Brah ta klơ trôk, jêng ntŭk May gŭ, rkêng tôr iăt jêh ri ƀư ma khân păng lĕ nau khân păng mbơh sơm dăn ma May, gay ma lĕ rngôch phung ƀon lan ta neh ntu dơi gĭt năl amoh Kôranh Brah jêh ri klach yơk ma May nâm bu phung ƀon lan Israel May, jêh ri gay ma bu gĭt năl ngih brah aơ gâp ndâk jêh ma May bu ntơ tâm amoh May.

I Phung Hađăch 8:59

Ăn lĕ nau gâp hŏ vơl dăn jêh tra năp măt Brah Yêhôva mra gŭ êp Yêhôva Brah Ndu he nar jêh ri măng, gay Păng koh dŏng kơl oh mon Păng jêh ri phung ƀon lan Israel Păng, tĭng nâm nau tât ăp nar,

I Phung Hađăch 8:60

gay ăn lĕ rngôch ntil mpôl bunuyh ta klơ neh gĭt ma Brah Yêhôva jêng Brah Ndu, mâu hôm geh brah êng ôh.

Nau Mprơ Ơm 46:10

Gŭ rklăk hom jêh ri ăn gĭt pô aơ Gâp jêng Brah Ndu; Gâp mra geh nau yơk tâm lĕ bri dak, Gâp mra geh nau yơk mbah tâm neh ntu.

Nau Mprơ Ơm 59:13

Dăn May ji nuih jêh ri ƀư rai khân păng, Ƀư rai lĕ hom khân păng. Ăn ma khân păng gĭt Brah Ndu yơh chiă uănh tâm Yakôb, Tât ta nglĕ dŭt rplay neh. (Sêla)

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 37:16

“Ơ Brah Yêhôva ma phung tahan, Brah Ndu Israel, jêng Nơm gŭ ta klơ phung chêrubim, knŏng êng du huê May yơh jêng Brah Ndu ma lĕ rngôch ƀon bri hađăch ta neh ntu; May yơh hŏ rhăk njêng jêh trôk jêh ri neh ntu.

Êsai 42:8

Gâp jêng Brah Yêhôva, pônây yơh jêng amoh Gâp. Gâp mâu mra ăn ôh nau chrêk rmah Gâp ma nơm êng, Mâu lĕ ăn nau tâm mprơ rnê Gâp ma lĕ rup brah trah!

Êsai 45:5

Gâp jêng Brah Yêhôva, mâu geh Nơm êng ôh, Rlau ma Gâp, mâu hôm geh Brah Ndu êng ôh. Nđâp tơlah may mâu gĭt năl Gâp, Gâp mra rêt an rse bŭt may,

Êsêkiêl 36:23

Gâp mra ƀư ăn kloh amoh dŭt toyh Gâp, jêng amoh bu hŏ ƀư ƀơ̆ jêh ta nklang lĕ phung ƀon lan; n'hêl nanê̆, ta nklang lĕ phung ƀon lan, khân may ƀư ƀơ̆ amoh nây. Kôranh Brah Yêhôva lah: Tâm ban pônây, lĕ ntil mpôl bunuyh mra gĭt Gâp jêng Brah Yêhôva tơlah Gâp tâm mpơl tra năp măt khân păng nau kloh ueh tâm amoh Gâp rgăn ta khân may.

Êsêkiêl 39:21

“Gâp mra mpơl nau chrêk rmah Gâp tâm lĕ bri dak; lĕ rngôch ntil mpôl bunuyh mra saơ nau Gâp phat dôih jêh ri dơm ti Gâp ta klơ khân păng.

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.