Êsai 37:19 - Nau Brah Ndu Ngơi 2023

¹⁹ mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Êsai 37:19 ပူးပေါင်းရင်းမြစ်များ

II Samuel 5:21

Phung tahan Philistin chalơi lĕ rup brah khân păng ta nây, Y-Đavit jêh ri phung tĭng ndô̆ păng sŏk djôt leo ndơ nây.

Nau Ngluh Êjipt 32:20

Y-Môis sŏk rup ndrôk kon khân păng hŏ tŏ jêh ri su tâm ŭnh, păng ƀư hăch jêng rnih jêh nây nkhŭt rnih nây tâm n'hor dak jêh ri ăn phung ƀon lan Israel nhêt.

Êsai 10:7

Ƀiălah Asiri mâu gĭt vât pônây ôh, Nuih n'hâm păng mâu mĭn kơt nây; Păng ŭch ƀư rai Jêh ri ngluh lơi dŭt âk bri dak.

Êsai 17:8

Khân păng mâu mra mĭn ôh ma lĕ nơng ƀư brah jêng kan ti khân păng nơm ƀư, jêh ri khân păng mâu hôm uănh ma lĕ ndơ nglau ti khân păng njêng jêh, gĭt lah rup brah Asêrim mâu lah nơng ƀư brah nhhơr ndơ ƀâu kah.

Êsai 2:8

Bri dak khân păng bêng ma rup brah; Khân păng yơk mbah ma ndơ yor ti khân păng nơm ƀư, Jêng ndơ nglau ti khân păng nơm njêng.

Êsai 26:14

Khân păng khĭt jêh, mâu hôm mra rêh ôh; Lĕ phan bunuyh khĭt mâu hôm plơ̆ dâk ôh, Yorlah May tâm rmal jêh ri ƀư rai jêh khân păng, Jut lơi lĕ rngôch nau kah gĭt ndray ma khân păng.

Êsai 41:24

Aơ, khân may jêng dơm dam, Nau kan khân may ƀư jêh ăt jêng mâu khlay ôh; Nơm săch khân may dŭt ƀơ̆ ƀơch ngăn!

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Êsai 41:7

Nơm trah meh n'hao nuih nơm chiăr prăk, Nơm tôp n'hao nuih nơm chiăr; Khân păng lah ma mâng han pô aơ: “Păng jêng ueh jêh!” Jêh nây sŏk kđĭn pâng gay rup mâu n'goh n'gơ.

Êsai 44:17

Gâl si hôm e, bu ƀư du mlâm brah, nâm bu ntĭt du rup trah ma păng nơm, jêh nây chon mon tanăp măt păng gay yơk mbah jêh ri kuăl mbơh sơm ma păng pô aơ: “Tâm rklaih hom gâp, yorlah may jêng brah gâp!”

Yêrêmi 1:16

Gâp mra phat dôih tâm rmal khân păng đah ăp ntil nau mhĭk ma yor khân păng hŏ ƀư nôk chalơi Gâp, nhhơr ndơ ƀâu kah ăn ma phung brah êng, jêh ri chon mon mbah lĕ ndô ndơ tă bơh ti khân păng ƀư.

Yêrêmi 10:11

Lah hom ma khân păng pô aơ phung brah aơ mâu njêng ôh trôk jêh ri neh ntu. Khân păng mra ƀư rai tă bơh măt neh jêh ri bơh trôk.

Yêrêmi 16:20

Dơi lĕ kon bunuyh njêng êng phung brah ma păng nơm? Ƀiălah phung brah nây mâu di jêng brah ôh!”

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Daniel 11:8

Păng mra njŭn sĭt ta n'gor Êjipt ma lĕ brah khân păng, tă bơh lĕ rup trah jêh ri nđâp ma lĕ ndơ dŏng ƀư ma mah ƀư ma prăk. Păng rlu nau tâm lơh, tâm bar pe năm păng mâu tâm lơh ôh đah hađăch mpeh pa lơ.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Ndrom Samƀŭt bơh Ôsê 8:6

Yorlah ndrôk kon nây bơh Israel ƀư, Du huê bunuyh blau hŏ njêng păng; Păng mâu di Brah Ndu ôh. Ndrôk kon n'gor Samari Bu mra nchah hăch rhên.

Galati 4:8

Kăl e, ê hŏ gĭt năl Brah Ndu, khân may jêng dĭk ma lĕ brah mâu di jêng brah.