Êsai 37:16 - Nau Brah Ndu Ngơi 2023

¹⁶ “Ơ Brah Yêhôva ma phung tahan, Brah Ndu Israel, jêng Nơm gŭ ta klơ phung chêrubim, knŏng êng du huê May yơh jêng Brah Ndu ma lĕ rngôch ƀon bri hađăch ta neh ntu; May yơh hŏ rhăk njêng jêh trôk jêh ri neh ntu.

Êsai 37:16 ပူးပေါင်းရင်းမြစ်များ

Nau Ntơm 1:1

Ntơm saơm, Brah Ndu rhăk njêng trôk jêh ri neh.

II Samuel 7:26

Dăn amoh May bu tâm rnê mro mrăng, jêh ri bu lah pô aơ: Brah Yêhôva ma phung tahan jêng Brah Ndu phung Israel. Ăn nau chiă uănh Y-Đavit, jêng oh mon May, dơi nâp ngăn ngên tanăp măt May!

I Phung Hađăch 18:32

Păng dŏng jât ma bar mlâm lŭ nây ndâk njêng du mlâm nơng ƀư brah tâm amoh Brah Yêhôva. Ta văr jŭm nơng ƀư brah, păng kuyh du n'hor huy dơi dơm jât mprăm lit găr ntil.

I Phung Hađăch 8:6

Phung kôranh ƀư brah tung Hip Nau Tâm Rnglăp Brah Yêhôva n'gân tâm ntŭk ta trôm dŭt ngih brah, jêng Ntŭk Dŭt Kloh Ueh, tâm dâng nting năr chêrubim.

II Phung Hađăch 5:15

Y-Naaman ndrel ma lĕ phung hăn tĭng păng plơ̆ tay tâm mâp đah bunuyh Brah Ndu. Păng tât dâk panăp Y-Êlisê jêh ri lah: “Aƀaơ aơ, gâp gĭt năl lam klơ neh ntu, mâu geh ôh brah êng rlau lơn Brah Ndu phung Israel. Pônây, dăn ma may sŏk dơn hom ndơ nhhơr aơ bơh oh mon may.”

Êsra 1:3

Tâm khân may, mbu moh jêng phung ƀon lan Păng — dăn Brah Ndu gŭ ndrel ma păng — hăn hao hom ma ƀon Yêrusalem tâm n'gor Yuđa gay ndâk tay đŏng ngih brah Brah Yêhôva, jêng Brah Ndu phung Israel, Păng hôm gŭ ta Yêrusalem.

Nau Mprơ Ơm 146:6

Păng jêng Nơm rhăk njêng trôk jêh ri neh ntu, Dak Mƀŭt jêh ri lĕ rngôch mpa tâm khân păng; Păng djôt prăp nau răp jăp n'ho ro.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Nau Mprơ Ơm 86:10

Yorlah May dŭt toyh, ƀư nau kan khlay, Knŏng êng May dơm jêng Brah Ndu.

Nau Mprơ Ơm 99:1

Brah Yêhôva chiă uănh! Lĕ mpôl băl bunuyh râm sâr hom; Păng gŭ klơ phung Chêrubim; neh ntu geh nau mpât n'gơ.

Nau Ngluh Êjipt 25:22

Gâp mra mâp may ta nây; ntơm bơh klơ ndrŭp nau yô̆, ta nklang bar chêrubim gŭ ta klơ Hip Nau Tâm Rnglăp, Gâp mra ntĭnh ma may dĭng lĕ nau ntăm ƀư ma phung ƀon lan Israel.”

Êsai 37:15

Y-Hêsêkia mbơh sơm ma Brah Yêhôva:

Êsai 37:20

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt knŏng êng May yơh jêng Brah Yêhôva!”

Êsai 40:22

Păng yơh jêng Nơm gŭ ta klơ đôr nkŭm rplay neh, Jêh ri phung gŭ tâm neh ntu jêng tâm ban ma krah ndrach. Păng jêng Nơm pơk lĕ ndâr trôk tâm ban ma du bok nching Jêh ri nthăng khân păng tâm ban ma ngih bok gay gŭ.

Êsai 40:28

May mâu gĭt hĕ? May mâu tăng hĕ? Brah Yêhôva jêng Brah Ndu gŭ n'ho ro, Nơm hŏ rhăk njêng jêh lĕ rngôch bri neh, Mâu hŏt rgănh ôh, mâu lĕ rdja; Bu mâu dơi sek uănh ôh lĕ nau Păng gĭt rbăng.

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 45:12

Gâp yơh hŏ njêng rplay neh, Jêh ri rhăk njêng jêh bunuyh ta klơ păng. Gâp nơm yơh ling jêh lĕ ndâr trôk, Jêh ri ntrŭnh nau ntăm ma lĕ rngôch phung mănh mbing.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Êsai 8:13

Ƀiălah ăn khân may klach yơk Brah Yêhôva ma phung tahan jêng kloh ueh. Păng nơm jêng Nơm khân may klach yơk jêh ri râm nsâr.

Yôhan 1:3

Lĕ rngôch ntil ndơ Păng rhăk njêng da dê, mâu geh ôh du ntil ndơ dơi rhăk njêng lah mâu tă bơh Păng.

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

Kôlôh 1:16

Yorlah tâm Păng lĕ rngôch ndơ klơ trôk, tâm neh ntu, ndơ saơ mâu lah ndơ mâu saơ dơi rhăk njêng da dê. Mâu lah sưng hađăch, mâu lah nau chiă uănh, mâu lah phung kôranh chiă uănh, mâu lah kôranh toyh, lĕ rngôch yor Păng njêng da dê jêh, jêh ri prăp ma Păng lĕ.

ហេឞ្រើ 4:16

Pôri, ăn he nâp nuih n'hâm hăn dăch ta sưng hađăch nau yô̆, gay ma dơi sŏk dơn nau yô̆ nđach jêh ri saơ nau yô̆ kơl he dôl he geh nau pưt.

I Samuel 4:4

Pôri, phung ƀon lan prơh bunuyh hăn tât ta Silô. Tă bơh nây, khân păng sŏk Hip Nau Tâm Rnglăp Brah Yêhôva ma phung tahan, jêng Nơm gŭ ta nklang phung Chêrubim. Bar hê kon bu klâu Y-Êli, jêng Y-Hôphni jêh ri Y-Phinêas, hăn tĭng Hip Nau Tâm Rnglăp Brah Ndu.