Êsai 37:12 - Nau Brah Ndu Ngơi 2023

¹² Phung brah tâm lĕ bri dak jêng phung mbơ̆ chô gâp hŏ ƀư rai jêh, jêng phung brah n'gor Gôsan, Charan, Rêsep, jêh ri phung Êđen gŭ ta ƀon Têlasar, mâp dơi tâm rklaih khân păng lĕ?

Êsai 37:12 ပူးပေါင်းရင်းမြစ်များ

Nau Ntơm 11:31

Y-Têra leo Y-Abram, kon bu klâu păng, Y-Lot, kon bu klâu Y-Haran sau păng, jêh ri H'Sarai, ur Y-Abram, jêng ƀăn păng, du luh ndrel bơh Ur, tâm n'gor Kaldê, hăn tât Kanaan. Ƀiălah dôl tât ta Charan khân păng gŭ ta nây.

Nau Ntơm 11:32

Y-Têra dơi rêh bar rhiăng ma prăm năm, jêh nây khĭt ta Charan.

Nau Ntơm 12:14

Rnôk Y-Abram tât ta n'gor Êjipt, phung Êjipt saơ bu ur nây ueh ngăn.

Nau Ntơm 2:8

Jêh nây, Yêhôva Brah Ndu njêng du ntŭk n'gar trao Êđen, ta mpeh luh nar, jêh ri dơm bunuyh Păng hŏ njêng ta nây.

Nau Ntơm 28:10

Y-Yakôb du tă bơh Bêr-Sêba jêh ri hăn ta Charan.

Nau Ntơm 29:4

Y-Yakôb lup jô̆ khâl phung rmăk biăp: “Hơi phung nâu! Mbah tă khân may văch?” Khân păng ơh: “Hên văch tă bơh Charan.”

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 18:11

Hađăch Asiri njŭn leo phung Israel ma n'gor bri Asiri, dơm khân păng tâm ƀon Hala, ta kơh dak krong Habôr, tâm n'gor Gôsan, jêh ri tâm lĕ ƀon n'gor Mêdơ.

II Phung Hađăch 19:12

Lĕ rngôch phung brah tâm lĕ bri dak phung chô yau gâp hŏ ƀư rai jêh, jêng phung brah n'gor Gôsan, Charan, Rêsep, jêh ri phung Êđen gŭ ta ƀon Têlasar, mâp dơi tâm rklaih khân păng lĕ?

Êsai 36:18

Njrăng hom, klach lah Y-Hêsêkia ndơm khân may jêh ri lah: “Brah Yêhôva mra tâm rklaih he!” Pôri, geh lĕ du huê brah tâm lĕ bri dak mâp dơi tâm rklaih bri khân păng bơh ti hađăch Asiri mâm dơi lĕ?

Êsai 36:19

Ta ntŭk phung brah ƀon Hamat jêh ri ƀon Arpat? Ta ntŭk phung brah ƀon Sêpharvaim? Khân păng hŏ mâp tâm rklaih jêh lĕ n'gor Samari bơh ti gâp mâm dơi lĕ?

Êsai 36:20

Tâm lĕ brah bri aơ, geh brah moh hŏ rklaih n'gor khân păng tă bơh ti gâp lĕ? Pôri mâm Brah Yêhôva dơi rklaih Yêrusalem bơh ti gâp!’ ”

Êsai 37:13

Hađăch ƀon Hamat, hađăch ƀon Arpat, hađăch ƀon Sêpharvaim, hađăch ƀon Hêna, jêh ri hađăch ƀon Iva ta ntŭk?’”

Êsêkiêl 27:23

Charan, Kannê, jêh ri Êđen, ndrel phung bunuyh tăch drăp gŭ ta Sêba, Asur jêh ri Kilmat jêng phung tăch rgâl đah may da dê.

Êsêkiêl 28:13

May lĕ gŭ tâm n'gar Êđen, jêng n'gar Brah Ndu. May hŏ geh ăp ntil lŭ khlay, Jêng lŭ karnêlian, lŭ tôpas, lŭ diamôn, Lŭ krisôlit, lŭ êmêrôt, lŭ saphir, Lŭ beril, lŭ ĭr, lŭ chăng jêh ri mah đŏng. Nơm rhăk gâr jê̆ jêh ri dĭng n'hôm jêng ndơ may, Ntơm bơh nar may mhe ndâk njêng bu hŏ ndrăp ơm jêh.

Amôt 1:5

Gâp mra nkê̆ch lơi rnăng nđăng mpông ƀon Damas; Gâp mra ƀư rai phung ƀon lan gŭ tâm rlŭng Aven, Jêh ri nơm djôt mâng jra hađăch luh bơh Bet-Êđen; Bi ma phung ƀon lan Aram mra jêng bu nă ta n'gor bri Kir” Brah Yêhôva lah pônây.

Kôranh Oh Mon 7:2

Y-Êtiên plơ̆ lah: “Hơi phung oh nâu, phung mbơ̆, gŭ iăt hom gâp lah! Brah Ndu tâm nau chrêk rmah hŏ tâm mpơl jêh ma chô yau he jêng Y-Abraham, dôl păng gŭ tâm n'gor Mêsôpôtami, lor ma păng hăn gŭ ta ƀon Charan,