Êsai 36:7 - Nau Brah Ndu Ngơi 2023

⁷ Klăp lah may lah ma gâp pô aơ: “Hên rnơm nsing ma Yêhôva Brah Ndu hên.” Ƀiălah mâu di hĕ păng yơh jêng Nơm Y-Hêsêkia hŏ sŏk mƀăr lơi jêh ta lĕ ntŭk prêh jêh ri nơng ƀư brah ma Păng, dôl lah ma phung Yuđa jêh ri ma ƀon Yêrusalem pô aơ: “Khân may yơk mbah hom tanăp nơng ƀư brah aơ,” mâu di?

Êsai 36:7 ပူးပေါင်းရင်းမြစ်များ

II Phung Hađăch 18:22

Klăp lah khân may mra lah ma gâp pô aơ: ‘Hên rnơm nsing ma Yêhôva Brah Ndu hên. Mâu hĕ di Y-Hêsêkia nơm ƀư rai jêh lĕ ntŭk prêh jêh ri nơng ƀư brah klơ ta nây, jêh nây ntăm ma phung Yuđa jêh ri ma ƀon Yêrusalem yơk mbah panăp nơng ƀư brah ta Yêrusalem hĕ?’

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 30:14

Khân păng ntơm phă lĕ nơng bu ndâk ma brah êng tâm ƀon Yêrusalem jêh ri lĕ rngôch nơng ƀư brah su ndơ ƀâu kah jêh ri klŭp mƀăr ndơ nây tâm rlŭng Kidrôn.

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

II Nau Rêh Jêng 32:12

Mâu hĕ di Y-Hêsêkia aơ yơh lĕ sŏk mƀăr lơi jêh ta lĕ ntŭk prêh jêh ri nơng ƀư brah ma Păng jêh nây ntĭnh phung ƀon lan Yuđa jêh ri Yêrusalem pô aơ: ‘Khân may knŏng yơk mbah panăp du mlâm nơng jêh ri knŏng su ndơ ƀâu kah ta klơ nơng nây dơm ƀơh’?

Nau Mprơ Ơm 42:5

Ơ huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê ma Păng đŏng, Yorlah mâp măt Păng gâp dơi geh nau tâm rklaih.

Êsai 36:8

Pôri aƀaơ aơ, ƀư nau tâm nkol đah kôranh gâp jêng hađăch Asiri. Gâp mra ăn ma may bar rbăn mlâm seh, tơlah may joi tŏng rnoh phung tahan ncho seh gay ncho!

I Kôrintô 2:15

Ƀiălah, bunuyh geh Brah Huêng Ueh, sek uănh lĕ ntil ndơ, ƀiălah bunuyh nây mâu geh nơm sek uănh ôh.