Êsai 36:6 - Nau Brah Ndu Ngơi 2023

⁶ Aơ, may rnơm nsing ma n'gor Êjipt, jêng mâng ma tơm rpho lĕ deh jêh, ma mbu nơm rnơm nsing ma păng, păng mra ntâp bluh lăp tâm ti nơm nây. Pharaôn, hađăch Êjipt, ƀư jêng tâm ban pônây đah lĕ rngôch phung rnơm nsing ma păng.

Êsai 36:6 ပူးပေါင်းရင်းမြစ်များ

II Phung Hađăch 17:4

Ƀiălah hađăch Asiri saơ Y-Hôsêa nchră nau tâm rdâng; yorlah păng hŏ prơh phung mbơh hăn tât ma Y-Sô, hađăch Êjipt, jêh ri mâu chê̆ pi ôh ma hađăch Asiri tâm ăp năm nâm bu saơm; yor nây hađăch Asiri nhŭp Y-Hôsêa nkông jêh ri krŭng păng tâm ndrung bu nă.

II Phung Hađăch 18:21

Aơ, may rnơm nsing ma n'gor Êjipt hĕ? Ƀiălah Êjipt knŏng tâm ban du mâng ma tơm rpho lĕ deh jêh; tơlah mbu nơm rnơm nsing ma păng, păng mra ntâp bluh lăp tâm ti. Tơlah mbu nơm rnơm nsing ma Pharaôn, hađăch Êjipt, tâm ban pônây.’

Nau Mprơ Ơm 146:3

Lơi rnơm nsing ma phung kon hađăch ôh, Mâu lĕ rnơm nsing ma kon bunuyh jêng ntŭk mâu geh nau tâm rklaih.

Nau Hôr 25:19

Rnơm nsing ma nơm ƀlăch ƀlêr tâm nar uh ah Nâm bu sêk pă, nâm bu jâng glet.

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 31:3

Phung Êjipt knŏng jêng bunuyh dơm, mâu di jêng Brah Ndu ôh; Seh ndơ tâm lơh khân păng knŏng jêng nglay săk, mâu di jêng huêng brah ôh. Tơlah Brah Yêhôva yơr ti Păng, Nơm kơl mra ndĭt ndĭu, nơm geh nau kơl mra prah jŭr, Lĕ rngôch khân păng mra rai yot ndrel n'grŭp.

Êsêkiêl 17:17

Pharaôn mâu mra djôt du phung tahan ktang jêh ri du phung tahan âk kơl tâm lơh tơlah bu njêng pôih ƀư mpêr nchueng jŭm ƀon gay nkhĭt âk bunuyh.

Êsêkiêl 29:16

Bri dak nây mâu hôm ƀư jêng ntŭk rnơm ăn ma ngih Israel đŏng ôh, ƀiălah Israel mra kah gĭt tay nau tih khân păng dôl khân păng plơ̆ dăn kơl ma bri dak nây. Nôk nây khân păng mra gĭt Gâp jêng Kôranh Brah Yêhôva.’”