Êsai 36:22 - Nau Brah Ndu Ngơi 2023

²² Y-Êliakim, kon bu klâu Y-Hilkia, kôranh mât uănh ngih hađăch, ndrel ma Y-Sêpna jêng kôranh nchih samƀŭt, jêh ri Y-Jôa jêng kôranh kâp nchih nau tât, kon bu klâu Y-Asap, nkhêk bok ao khân păng, plơ̆ sĭt tâm mâp đah hađăch Hêsêkia jêh ri nkoch tay ma păng lĕ nau Y-Rabshakeh ngơi.

Êsai 36:22 ပူးပေါင်းရင်းမြစ်များ

II Phung Hađăch 18:18

Khân păng dăn tâm mâp ma hađăch. Ƀiălah kôranh mât uănh ngih hađăch jêng Y-Êliakim, kon Y-Hilkia, kôranh nchih samƀŭt Y-Sêpna, jêh ri nơm kâp nchih nau tât jêng Y-Jôa, kon Y-Asap, luh ran vơt ma khân păng.

II Phung Hađăch 5:7

Tơlah jêh hađăch Israel răk samƀŭt nây lôch jêh, păng nkhêk ro bok ao păng jêh ri lah: “Păng prơh nơm văch ma gâp gay gâp ƀư bah ji phŭng. Gâp mâu di jêng Brah Ndu lĕ, dĭng dơi nkhĭt jêh ri ăn dâk rêh? Ăn khân may gĭt jêh ri saơ pô aơ păng joi nau gay ƀư jêr đah gâp.”

Êsra 9:3

Tơlah tăng nau nây jêh, gâp nkhêk lơi ao tâm dâng gâp, ao jong gâp, tôch têp, rôk sŏk ta klơ bôk jêh ri gâp gŭ rngot.

Êsai 22:15

Kôranh Brah jêng Brah Yêhôva ma phung tahan lah ma gâp: “Hăn lah hom ma nơm mât uănh, Y-Sêpna jêng nơm mât uănh ngih hađăch, pô aơ:

Êsai 22:20

Tâm nar nây, Gâp mra kuăl oh mon Gâp jêng Y-Êliakim, kon bu klâu Y-Hilkia.

Êsai 29:2

Gâp mra nchueng jŭm Ariêl, Păng mra geh nau rngot klâng jêh ri lŭng nter, Ƀiălah păng ăt hôm jêng ƀon Ariêl ma Gâp.

Êsai 33:7

Aơ, phung tahan janh ktang khân păng lŭng nter nhĭm padih trong, Phung mbơh ma nau đăp mpăn nhĭm rngot ngăn.

Êsai 36:11

Y-Êliakim ndrel ma Y-Sêpna jêh ri Y-Jôa lah ma Y-Rabshakeh: “Dăn lah đah phung oh mon may tâm nau ngơi Aram, yorlah hên gĭt rbăng nau nây. Dăn lơi ngơi ôh ma hên nau ngơi phung Yuđa klach lah phung ƀon lan gŭ ta klơ mpêr ƀon dơi tăng.”

Êsai 36:3

Nôk nây Y-Êliakim, kon Y-Hilkia, kôranh mât uănh ngih hađăch, hăn tâm mâp đah Rabshakeh, ndrel ma Y-Sêpna, kôranh nchih samƀŭt jêh ri Y-Jôa, nơm kâp nchih nau tât, jêng kon Y-Asap.

Yêrêmi 36:24

Hađăch nđâp ma phung tĭng ndô̆ păng hŏ tăng lĕ rngôch jêh nau nây, ƀiălah mâu du huê klach ôh mâu lah nkhêk bok ao khân păng nơm.

Mathay 26:65

Nôk nây, kôranh ƀư brah toyh lơn nkhêk ao păng nơm jêh ri lah: “Păng ngơi sưr rlau jêh. Mâm ƀư he ŭch ma nơm mbơh đŏng? Khân may mhe tăng jêh nau păng ngơi sưr rlau nây. Mâm khân may mĭn?”