Êsai 36:2 - Nau Brah Ndu Ngơi 2023

² Hađăch bri Asiri njuăl Rabshakeh bơh Lakis tât ta Yêrusalem đah du phung tahan âk gay nkrit nhhu hađăch Hêsêkia. Rabshakeh gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

Êsai 36:2 ပူးပေါင်းရင်းမြစ်များ

I Phung Hađăch 20:2

Hađăch prơh phung mbơh hăn mâp đah hađăch Ahap phung Israel gŭ tâm ƀon, jêh ri lah pô aơ: “Y-Ben-Hadat lah kơt aơ:

II Phung Hađăch 18:11

Hađăch Asiri njŭn leo phung Israel ma n'gor bri Asiri, dơm khân păng tâm ƀon Hala, ta kơh dak krong Habôr, tâm n'gor Gôsan, jêh ri tâm lĕ ƀon n'gor Mêdơ.

Êsai 36:8

Pôri aƀaơ aơ, ƀư nau tâm nkol đah kôranh gâp jêng hađăch Asiri. Gâp mra ăn ma may bar rbăn mlâm seh, tơlah may joi tŏng rnoh phung tahan ncho seh gay ncho!

Êsai 7:3

Brah Yêhôva lah ma Y-Êsai: “May ndrel kon bu klâu may jêng Y-Sêar-Jasup hăn tâm mâp đah Y-Ahas ta dŭt n'ho rmlông dak bơh nglao klơ, ta trong toyh leo tât ta mir phung ƀư kloh bok.

Yêrêmi 34:7

tâm rnôk phung tahan hađăch Babilôn dôl hăn tâm lơh đah ƀon Yêrusalem jêh ri ma lĕ rngôch ƀon hôm e tâm n'gor Yuđa, nây jêng ƀon Lakis jêh ri Asêka; yorlah lĕ ƀon tâm n'gor Yuđa knŏng hôm klen bar rplay ƀon nâp aơ.

Mika 1:13

Hơi phung gŭ ta ƀon Lakis, Sŏk hom seh nchuăt gơnh kât ta ndeh! Tă bơh may yơh ntơm Ƀư ăn kon bu ur ƀon Siôn ƀư tih, Yorlah nau tih mhĭk ma phung Israel Hŏ saơ jêh tâm may.

Mika 1:9

Yorlah ntŭk têl rmanh păng mâu dơi bah ôh; Păng trêng tât n'gor Yuđa tâm ban lĕ, Tât ta mpông pêr mpôl băl gâp, Nây jêng tât ƀon Yêrusalem.