Êsai 36:18 - Nau Brah Ndu Ngơi 2023

¹⁸ Njrăng hom, klach lah Y-Hêsêkia ndơm khân may jêh ri lah: “Brah Yêhôva mra tâm rklaih he!” Pôri, geh lĕ du huê brah tâm lĕ bri dak mâp dơi tâm rklaih bri khân păng bơh ti hađăch Asiri mâm dơi lĕ?

Êsai 36:18 ပူးပေါင်းရင်းမြစ်များ

Nau Mprơ Ơm 12:4

Ma phung lah pô aơ: “He mra dơi yor ma mpiăt he nơm; Bâr mbung he jêng ndơ he; mbu nơm jêng kôranh he?”

Êsai 10:11

Mâu di hĕ Gâp mra ƀư ma ƀon Yêrusalem jêh ri ma rup brah păng Tâm ban ma gâp hŏ ƀư jêh ma ƀon Samari jêh ri ma rup brah păng?”

Êsai 10:7

Ƀiălah Asiri mâu gĭt vât pônây ôh, Nuih n'hâm păng mâu mĭn kơt nây; Păng ŭch ƀư rai Jêh ri ngluh lơi dŭt âk bri dak.

Êsai 36:10

Rlau lơn ma nĕ, mâu di hĕ tĭng nau Brah Yêhôva lah ma gâp hao lơh bri aơ gay ƀư rai lơi păng? Brah Yêhôva hŏ lah jêh ma gâp pô aơ: Hăn hao hom ma bri aơ jêh ri ƀư rai lơi păng!’ ”

Êsai 36:15

Lơi ăn ôh hađăch Hêsêkia ndơm khân may rnơm nsing ma Brah Yêhôva dôl lah: “Brah Yêhôva mra tâm rklaih he n'hêl nanê̆ ndrel ma ƀon aơ, jêh ri bu mâu mra jao ƀon aơ tâm ti hađăch bri Asiri ôh!”

Êsai 36:17

kŏ tât gâp văch jêh ri njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh mhe, du bri geh piăng let jêh ri đang krăk ƀâu.

Êsai 36:7

Klăp lah may lah ma gâp pô aơ: “Hên rnơm nsing ma Yêhôva Brah Ndu hên.” Ƀiălah mâu di hĕ păng yơh jêng Nơm Y-Hêsêkia hŏ sŏk mƀăr lơi jêh ta lĕ ntŭk prêh jêh ri nơng ƀư brah ma Păng, dôl lah ma phung Yuđa jêh ri ma ƀon Yêrusalem pô aơ: “Khân may yơk mbah hom tanăp nơng ƀư brah aơ,” mâu di?

Êsai 37:10

“Khân may mra ngơi ma Y-Hêsêkia, hađăch Yuđa, pô aơ: ‘Lơi ăn Brah Ndu, jêng Nơm may rnơm nsing, ndơm mƀruh may pô aơ Yêrusalem mâu mra tŭp tâm ti hađăch Asiri ôh.

Êsai 37:11

Aơ, gĭt lah may hŏ tăng jêh moh nau phung hađăch Asiri ƀư jêh ma lĕ rngôch bri dak, bu ƀư rai jêh lĕ khân păng. Bi may, may mra dơi klaih lĕ?

Êsai 37:4

N'hêl nanê̆ Yêhôva Brah Ndu may hŏ tăng jêh nau Y-Rabshakeh ngơi, kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng; jêh ri Yêhôva Brah Ndu may mra rmal ma khân păng tĭng nâm nau Păng tăng jêh. Yor nây, ăn may mbơh sơm hom ma phung hôm klen ta aơ!’”

Êsêkiêl 31:5

Yor ri, tơm si sêdar nây Prêh lơn ma lĕ rngôch tơm si tâm mir, N'gĭng n'ha pŭm ngăn, N'gĭng păng vơr jong ngăn Yor geh âk dak.

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”