Êsai 36:17 - Nau Brah Ndu Ngơi 2023

¹⁷ kŏ tât gâp văch jêh ri njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh mhe, du bri geh piăng let jêh ri đang krăk ƀâu.

Êsai 36:17 ပူးပေါင်းရင်းမြစ်များ

II Phung Hađăch 18:32

kŏ tât tơlah gâp văch njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh, piăng let jêh ri đang krăk ƀâu, du n'gor geh dak ngi ôlive jêh ri dak sŭt. Pônây, khân may mra dơi gŭ rêh jêh ri mâu khĭt ôh. Pônây khân may lơi iăt ôh nau Y-Hêsêkia, yorlah păng ndơm mƀruh khân may nôk pô aơ Brah Yêhôva mra tâm rklaih he.

II Phung Hađăch 24:11

Nêbukatnetsar, hađăch Babilôn, tâm ban lĕ văch lơh tâm ƀon dôl phung tahan păng nchueng jŭm ƀon.

Ndrom Samƀŭt bơh Yôp 20:17

Păng mâu mra saơ lĕ n'hor dak krong, Mâu lah dak n'hor hoch luh dak sŭt jêh ri dak toh.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Hôr 12:10

Bunuyh sŏng srăng mât mray ăn nau rêh mpô mpa păng rŏng, Ƀiălah nuih n'hâm yô̆ bơh phung mhĭk jêng nau djơh janh.

Êsai 36:16

Lơi ta iăt Y-Hêsêkia ôh, yorlah hađăch Asiri lah pô aơ: Ƀư hom nau đăp mpăn đah gâp jêh ri ăn may văch ta gâp, pôri ăp nơm tâm khân may ăt mra dơi sa play krăk ƀâu, play rvi, jêh ri nhêt dak bơh nglao prăp păng nơm,

Êsai 36:18

Njrăng hom, klach lah Y-Hêsêkia ndơm khân may jêh ri lah: “Brah Yêhôva mra tâm rklaih he!” Pôri, geh lĕ du huê brah tâm lĕ bri dak mâp dơi tâm rklaih bri khân păng bơh ti hađăch Asiri mâm dơi lĕ?

Nau Vay Nkah Tay 11:12

jêng n'gor Yêhôva Brah Ndu khân may mât mray. Măt Yêhôva Brah Ndu khân may uănh treng ƀaƀơ n'gor nây bơh bôk năm tât lôch năm.