Êsai 36:16 - Nau Brah Ndu Ngơi 2023

¹⁶ Lơi ta iăt Y-Hêsêkia ôh, yorlah hađăch Asiri lah pô aơ: Ƀư hom nau đăp mpăn đah gâp jêh ri ăn may văch ta gâp, pôri ăp nơm tâm khân may ăt mra dơi sa play krăk ƀâu, play rvi, jêh ri nhêt dak bơh nglao prăp păng nơm,

Êsai 36:16 ပူးပေါင်းရင်းမြစ်များ

Nau Ntơm 32:20

jêh ri lah: ‘Ri, oh mon may Y-Yakôb, hăn pakơi hên.’” Yorlah Y-Yakôb mĭn êng: “Gâp njuăl lĕ ndơ ăn nây hăn lor ma gâp gay ƀư ma Y-Êsau bah ji nuih, jêh nây dĭng mâp muh măt; klăp lah păng mra vơt dơn gâp ueh.”

Nau Ntơm 33:11

Gâp dăn ma may sŏk hom ndơ gâp ăn ma may, yorlah Brah Ndu hŏ yô̆ nđach gâp, jêh ri ăn ma gâp geh rĭng ăp ndơ jêh.” Păng nchâp ngăn jêh ri Y-Êsau sŏk dơn.

II Samuel 8:6

Jêh ma nây, Y-Đavit njêng pôih ta ƀon Damas n'gor Aram; phung Aram pah kan jêh ri chê̆ pi ma Y-Đavit. Ta ntŭk Y-Đavit hăn tât, pôri Brah Yêhôva ăn păng dơi.

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

I Phung Hađăch 4:25

Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

II Phung Hađăch 18:31

Lơi ta iăt Y-Hêsêkia, yorlah hađăch Asiri lah pô aơ: Ƀư hom nau đăp mpăn đah gâp jêh ri luh ran lăp ma gâp; pôri ăp nơm tâm khân may mra dơi sa kao play tâm đang krăk ƀâu, n'gar rvi păng nơm, jêh ri nhêt dak tă bơh ndrâm ntu păng nơm,

II Phung Hađăch 5:15

Y-Naaman ndrel ma lĕ phung hăn tĭng păng plơ̆ tay tâm mâp đah bunuyh Brah Ndu. Păng tât dâk panăp Y-Êlisê jêh ri lah: “Aƀaơ aơ, gâp gĭt năl lam klơ neh ntu, mâu geh ôh brah êng rlau lơn Brah Ndu phung Israel. Pônây, dăn ma may sŏk dơn hom ndơ nhhơr aơ bơh oh mon may.”

Nau Hôr 27:18

Mbu nơm mât mray tơm rvi mra sa play păng, Jêh ri mbu nơm pah kan ma kôranh păng mra geh nau yơk.

Nau Hôr 5:15

Nhêt hom dak bơh ntu may dơ prăp, Jêh ri dak hoch bơh ndrâm ntu may.

Êsai 36:17

kŏ tât gâp văch jêh ri njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh mhe, du bri geh piăng let jêh ri đang krăk ƀâu.

Mika 4:4

Ăp nơm mra gŭ tâm dâng tơm krăk ƀâu khân păng Jêh ri tâm dâng tơm rvi khân păng nơm; Mâu geh ôh nơm ƀư ăn ma khân păng klach Yorlah trôm mbung Brah Yêhôva ma phung tahan hŏ lah jêh.

Sakari 3:10

Brah Yêhôva ma phung tahan lah: “Tâm nar nây, ăp nơm tâm khân may mra jă bunuyh chiau meng păng gŭ tâm dâng tơm krăk ƀâu jêh ri tơm rvi.”

II Kôrintô 9:5

Yor ri, gâp mĭn mra nsŭk nsôr ƀaƀă bunuyh hăn tât ntŭk khân may lor jêh ri ndrăp nkra jêh kô̆ riu prăk khân may ton jêh, gay nau riu prăk aơ geh nau rơm ndrăp tâm ban du ndơ nđơr ăn êng, mâu di tă bơh nau nchâp.

I Samuel 11:3

Phung kôranh bu ranh Jabes lah ma păng: “Dăn ăn ma hên gŭ kâp pơh nar gay ma hên dơi prơh hăn phung mbơh tât lam n'gor Israel. Tơlah mâu geh bunuyh rklaih hên ôh, hên mra yơr ti đah may.”

I Samuel 25:27

Jêh ri aơ jêng ndơ nhhơr oh mon bu ur kôranh djôt leo ma kôranh gâp gay pă ăn ma phung tĭng ndô̆ kôranh gâp.