Êsai 35:9 - Nau Brah Ndu Ngơi 2023

⁹ Ta trong nây mâu mra geh yau mŭr ôh, Mâu lĕ geh du mlâm mpa bri janh mra hăn ta nây; Bu mâu mra saơ khân păng ta nây ôh. Ƀiălah phung Brah Ndu tâm chuai jêh mra hăn ta trong nây.

Êsai 35:9 ပူးပေါင်းရင်းမြစ်များ

Nau Mprơ Ơm 107:2

Phung Brah Yêhôva tâm chuai jêh bơh ti phung rlăng Lah hom pônây;

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Êsai 1:27

Bu mra tâm chuai ƀon Siôn ma nau di, Jêh ri phung ƀon lan tâm ƀon toyh rmal nau tih mra dơi tâm chuai bơh nau sŏng srăng.

Êsai 30:21

Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

Êsai 43:19

Aơ, Gâp dăch ƀư du nau mhe! Aƀaơ aơ păng luh mpơl; ƀiălah khân păng mâu gĭt rbăng hĕ? Gâp mra ƀư du ntŭk trong tâm bri rdah, Jêh ri ƀư ăn lĕ n'hong dak krong hoch tâm ntŭk neh sơh.

Êsai 5:29

Nau ngrông khân păng tâm ban ma yau mŭr, Khân păng rđuh ngrông tâm ban ma kon yau mŭr; Khân păng mra ngrông jêh ri djôt leo mpa khân păng kăp, Mâu geh nơm dơi rklaih ôh.

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Êsai 65:25

So bri jêh ri kon biăp mra sa gơ̆ ndrel, Yau mŭr mra sa rhe nâm bu ndrôk, Bêh mra sa ndruyh neh. Mra mâu hôm geh nơm phă mâu lah ƀư rai Ta lĕ yôk kloh ueh Gâp.” Brah Yêhôva lah pônây.

Yêrêmi 30:10

Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Êsêkiêl 34:25

Rnôk nây, Gâp mra njêng du nau tâm rnglăp đăp mpăn đah phung biăp Gâp. Gâp mra mprơh lơi đơ mpô mpa bri janh tâm n'gor gay ăn phung ƀon lan Gâp dơi gŭ mpăn tâm bri rdah jêh ri gŭ bê̆ch tâm krŏng.

Êsêkiêl 34:27

Tơm si nklang bri mra geh play âk jêh ri neh mra chăt hon jêng ndơ. Khân păng mra gŭ mpăn tâm bri khân păng jêh ri khân păng mra gĭt Gâp jêng Brah Yêhôva tơlah Gâp hŏ nkê̆ch pă jêh lĕ mâng mbăk khân păng, jêh ri hŏ rklaih khân păng tă bơh ti phung nhŭp khân păng ƀư jêng dĭk.

Ndrom Samƀŭt bơh Ôsê 2:18

Tâm nar nây, Gâp mra ƀư nau tâm rnglăp ta nklang khân may Đah lĕ mpô mpa bri, sĭm klơ trôk, Đah lĕ mpa vơr ta neh. Gâp mra nkê̆ch pă lơi na, tak đao Jêh ri ƀư nau tâm lơh du luh bơh n'gor aơ, Gay khân may dơi gŭ mpăn.

Kan Lêvi 26:6

Gâp mra ăn nau đăp mpăn tâm n'gor jêh ri khân may mra bê̆ch, mâu geh nơm nkrit nhhu khân may ôh. Gâp mra mprơh lơi mpa bri janh luh bơh n'gor jêh ri đao gưm mâu mra hăn rgăn ôh tâm n'gor khân may.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,