Êsai 35:8 - Nau Brah Ndu Ngơi 2023

⁸ Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 35:8 ပူးပေါင်းရင်းမြစ်များ

Nau Mprơ Ơm 118:20

Aơ jêng mpông pêr Brah Yêhôva; Phung sŏng srăng mra lăp ta nây.

Nau Mprơ Ơm 119:130

Nau rblang bơh Nau Ngơi May djôt leo nau ang, Păng ăn nau gĭt rbăng ma phung tông bâr.

Nau Mprơ Ơm 19:7

Nau vay Brah Yêhôva jêng nŭm rĭng, Ntop nau rêh tâm huêng Nau ntĭnh bơh Brah Yêhôva jêng nanê̆, Ƀư ma phung rluk mâl jêng blau mĭn.

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Hôr 16:17

Trong bunuyh sŏng der ngai nau mhĭk; Mbu nơm mât trong păng jêng mât huêng păng nơm.

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Nau Hôr 8:20

Gâp chuat tĭng tâm trong nau sŏng srăng, Gŭ tâm trong di,

Nau Hôr 9:4

“Mbu nơm rluk mâl, lăp hom ta aơ!” Bi ma phung mâu geh nau gĭt vât, nau blau mĭn lah:

Êsai 11:16

Pôri mra geh du trong toyh prăp ma phung ƀon lan Păng hôm e klen, Jêng phung hôm klen bơh bri Asiri; Tâm ban hŏ mâp geh jêh du trong toyh prăp ma phung Israel Tâm nar khân păng luh bơh bri Êjipt.

Êsai 19:23

Tâm nar nây, mra geh du trong toyh bơh bri Êjipt tât ta bri Asiri; phung Asiri mra hăn ta bri Êjipt, jêh ri phung Êjipt hăn ta bri Asiri. Phung Êjipt ndrel phung Asiri mra hăn yơk mbah Brah Yêhôva.

Êsai 30:21

Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Êsai 33:8

Trong toyh jêng rngot njăp, Bu mâu hôm hăn ta trong ôh; Bu hŏ ƀư rai nau tâm rnglăp, Mưch rmot ma phung mbơh, Mâu chrê ma bunuyh ôh.

Êsai 4:3

Phung hôm e klen gŭ tâm ƀon Siôn, phung hôm e klen gŭ tâm ƀon Yêrusalem mra dơi rnha jêng phung kloh ueh. Ăp nơm bu nchih prăp jêh tâm ndrom samƀŭt ma phung rêh tâm ƀon Yêrusalem.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 43:19

Aơ, Gâp dăch ƀư du nau mhe! Aƀaơ aơ păng luh mpơl; ƀiălah khân păng mâu gĭt rbăng hĕ? Gâp mra ƀư du ntŭk trong tâm bri rdah, Jêh ri ƀư ăn lĕ n'hong dak krong hoch tâm ntŭk neh sơh.

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Êsai 57:14

Geh nau ngơi; “Nkra hom trong, nkra hom trong! Rli ăn lâng hom trong! Mƀăr lơi hom lŭ ƀư chêh bơh trong phung ƀon lan Gâp!”

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Yêrêmi 31:21

“Ndâk hom n'gâng, Ndâk hom ndơ ntĭm trong; Sek uănh nanê̆ trong toyh, Trong may hŏ hăn rgăn jêh. Ơ bu ur druh Israel, plơ̆ sĭt hom, Plơ̆ sĭt hom ma ƀon may!

Êsêkiêl 43:12

Aơ yơh jêng nau vay ma ngih brah. Lĕ rngôch n'gor văr jŭm, ta klơ n'gơn yôk jêng ntŭk kloh ueh ngăn. Di yơh, nây jêng nau vay ma ngih brah.

Êsêkiêl 44:9

Kôranh Brah Yêhôva lah: ‘Mâu geh du huê bu năch mâu koh ntâu tâm nuih n'hâm jêh ri tâm săk jăn dơi lăp ntŭk kloh ueh Gâp. Rlau ma nĕ du huê phung bu năch gŭ ta nklang phung ƀon lan Israel ăt mâu dơi lăp ôh ta nây.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Kan Lêvi 26:6

Gâp mra ăn nau đăp mpăn tâm n'gor jêh ri khân may mra bê̆ch, mâu geh nơm nkrit nhhu khân may ôh. Gâp mra mprơh lơi mpa bri janh luh bơh n'gor jêh ri đao gưm mâu mra hăn rgăn ôh tâm n'gor khân may.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

I Têsalônik 4:7

Yorlah Brah Ndu mâu kuăl ôh he ma nau ƀơ̆ ƀơch, ƀiălah ma nau kloh ueh.

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

I Pêtrôs 1:16

yorlah geh nau nchih jêh: “Ăn khân may jêng kloh ueh, yorlah Gâp jêng kloh ueh.”

II Pêtrôs 3:13

Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.