Êsai 35:7 - Nau Brah Ndu Ngơi 2023

⁷ Choih duh mra jêng dak nglao, Neh sơh mra plơ̆ jêng dak n'hor. Ntŭk so bri gŭ Mra rgâl jêng ndrêch gơ̆, tơm rpho jêh ri treng.

Êsai 35:7 ပူးပေါင်းရင်းမြစ်များ

Nau Mprơ Ơm 107:35

Păng tâm rgâl bri rdah jêng dak nglao, Neh sơh jêng tu dak.

Êsai 13:22

So bri mra groh huy tâm ngih ƀon nây, Jêh ri so bri kuăl tâm ngih hađăch ueh khlay. Mông Babilôn rlâm tŭp hŏ dăch tât jêh, Lĕ nar păng mâu mra hôm jong đŏng ôh.

Êsai 19:6

Dak n'hong jê̆ mra plơ̆ jêng ƀâu ôm, N'hor dak ta bri Êjipt mra sơh mbrơi jêh ri kro; Treng jêh ri rpho kro klêu da dê.

Êsai 29:17

Mâu di hĕ hôm ƀât lât đŏng Bri Liban mra rgâl jêng đang tơm si sa play, Jêh ri đang tơm si sa play mra dơi uănh tâm ban ma bri krŏng lĕ?

Êsai 30:25

Tâm nar geh nau tâm nkhĭt toyh, lĕ pôih rlâm rai jêh, ri mơ ta klơ lĕ rngôch yôk prêh jêh ri dor yôk mra geh lĕ dak n'hor hoch.

Êsai 34:13

Tơm lok mra hon tâm ngih hađăch khân păng, Pih pŭm jêh ri gơ̆ chăt hon tâm lĕ pôih khân păng. Păng mra jêng ntŭk prăp ma so bri, Jêh ri ntŭk gŭ sĭm ôtrus.

Êsai 41:18

Gâp mra ƀư ăn ma dak krong hoch tă bơh yôk hil, Jêh ri dak n'hor bruh hao ta nklang lĕ rlŭng. Gâp mra ăn bri rdah jêng dak nglao, Jêh ri neh sơh jêng lĕ tu dak.

Êsai 43:20

Lĕ rngôch mpa bri janh, so bri jêh ri sĭm ôtrus, Mra tâm rnê Gâp, Yorlah Gâp ăn lĕ n'hong dak hoch tâm bri rdah, Jêh ri ăn lĕ dak krong hoch tâm ntŭk neh sơh, Gay ăn ma phung ƀon lan Gâp săch jêh geh dak nhêt.

Êsai 48:21

Lah Păng njŭn khân păng găn bri rdah, khân păng mâu ji hir ôh; Yorlah Păng hŏ ăn dak hoch luh ma khân păng bơh lŭ toyh, Păng rlah lŭ toyh, jêh ri dak hoch luh du padih.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsêkiêl 47:8

Păng lah ma gâp: “N'hong dak aơ hoch tât mpeh luh nar jŭr ntŭk neh lâng jêh ri hoch rlet dak mƀŭt, jêh ri tơlah hŏ hoch jêh rlet ma dak mƀŭt pôri dak mƀŭt ri rgâl jêng rsang.

Mathay 21:43

Yor ri, Gâp lah ma khân may, ƀon bri hađăch Brah Ndu mra sŏk lơi tă bơh khân may jêh ri ăn ma ndŭl mpôl êng mra djôt kao play ma ƀon bri hađăch nây.

Luka 13:29

Jêh nây ntơm bơh mpeh luh nar, nhâp nar, pa dâng, pa lơ, bu mra tât gŭ râng nhêt sông sa tâm ƀon bri hađăch Brah Ndu.

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 7:38

Mbu nơm chroh ma Gâp, ri mơ lĕ n'hor dak krong nau rêh mra hoch ler tă bơh tâm nuih n'hâm păng, di nâm Nau Brah Ndu Ngơi hŏ lah.”

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Nau Tâm Mpơl 18:2

Tông mpăr nter huy: “Ƀon Babilôn dŭt toyh rlâm rai jêh, rlâm rai jêh! Păng plơ̆ jêng ntŭk phung brah mhĭk gŭ, Ntu rsuăn ma lĕ huêng djơh, Jêh ri ma lĕ rngôch ntil sĭm ƀơ̆ ƀơch bu tâm rmot.

Phung Kôranh Phat Dôih 6:38

Nau tât geh di nâm pônây. Ôi taơ, Y-Gidêôn dâk ơm, păt rsau biăp, pôri dak ngom hoch luh bơh rsau biăp bêng du ngan dak.