Êsai 35:6 - Nau Brah Ndu Ngơi 2023

⁶ Aƀaơ, nơm rvĕn mra pâl rlưn tâm ban ma jun, Mpiăt bunuyh mlo mra mprơ ma nau maak. Yorlah geh lĕ n'hor dak mra bruh tâm bri rdah, Jêh ri lĕ dak n'hor hoch tâm ndrêch rdah.

Êsai 35:6 ပူးပေါင်းရင်းမြစ်များ

Nêhêmi 9:15

Tă bơh klơ trôk Kôranh Brah ăn jêh piăng let nôk khân păng ji ngot, Ƀư ăn lŭ rdŭl dak nôk khân păng ji hir, Ntăm khân păng lăp sŏk bri Kôranh Brah hŏ ton ăn jêh ma khân păng.

Nau Mprơ Ơm 107:35

Păng tâm rgâl bri rdah jêng dak nglao, Neh sơh jêng tu dak.

Nau Mprơ Ơm 46:4

Geh du n'hor dak krong, dak păng ƀư maak ma ƀon Brah Ndu, Jêng ntŭk kloh ueh, ntŭk gŭ Nơm Dŭt Prêh.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Ngluh Êjipt 17:6

Aơ, Gâp mra gŭ tanăp may, ta klơ lŭ tâm yôk Hôrep ri. Ăn may dong lŭ jêh ri dak mra hoch luh bơh lŭ nây, gay ma ăn phung ƀon lan nhêt.” Y-Môis ƀư kơt nây tanăp măt phung bu ranh Israel.

Êsai 30:25

Tâm nar geh nau tâm nkhĭt toyh, lĕ pôih rlâm rai jêh, ri mơ ta klơ lĕ rngôch yôk prêh jêh ri dor yôk mra geh lĕ dak n'hor hoch.

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 32:4

Nuih n'hâm phung ndĭl ndal mra geh nau blau mĭn gay gĭt rbăng; Mpiăt phung rlem mra ngơi ngăch jêh ri rah vah.

Êsai 33:23

Lĕ rse may bu hŏ ƀư rdja jêh, Mâu dơi kât nâp n'gâng bok ta klơ kumpăn ôh, Jêh ri mâu lĕ dơi ling bok. Nôk nây, bu mra tâm pă âk ndơ sŏk pit, Nđâp phung rvĕn ăt geh đŏng bu pă.

Êsai 35:1

Bri rdah jêh ri neh sơh mra maak; Ndrêch rdah mra răm maak jêh ri luh kao tâm ban ma kao rôs.

Êsai 42:11

Ăn bri rdah jêh ri lĕ ƀon toyh tâm păng nter troh hom; Lĕ rngôch ƀon phung Kêdar gŭ rêh đŏng kơt nây; Phung ta Sêla mprơ hom ma nau răm, Nter troh hom bơh lĕ n'gơn yôk.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 48:21

Lah Păng njŭn khân păng găn bri rdah, khân păng mâu ji hir ôh; Yorlah Păng hŏ ăn dak hoch luh ma khân păng bơh lŭ toyh, Păng rlah lŭ toyh, jêh ri dak hoch luh du padih.

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Yôel 3:18

Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.

Sakari 14:8

Ta nar nây, dak rêh mra hoch tă bơh Yêrusalem, n'gul hoch leo mpeh dak mƀŭt luh nar, jêh ri n'gul hoch mpeh dak mƀŭt nhâp nar, hoch ndăng tâm yan ta vai jêh ri yan puh.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Nau Kơp Bunuyh 20:11

Ti Y-Môis djôt mâng yơr jêh ri dong ta lŭ toyh bar tơ̆. Dak luh rdŭl âk râk; phung tâm rƀŭn jêh ri mpô mpa rong khân păng nhêt đŏng.

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 12:22

Nôk nây, bu njŭn leo ma Brah Yêsu du huê bunuyh brah mhĭk lơh, chieh măt jêh ri mlo; Păng ƀư bah khân păng jêh ri ƀư ăn ma bunuyh nây ngơi jêh ri dơi saơ ang.

Mathay 21:14

Phung bunuyh chieh măt jêh ri rvĕn văch ta Păng tâm ngih brah, Păng ƀư bah da dê.

Luka 1:64

Ƀât lât, păng hă mbung, mpiăt mpât mbrơi, jêh ri păng ngơi tâm rnê ma Brah Ndu.

Luka 11:14

Brah Yêsu mprơh du huê brah mhĭk mlo; tơlah brah mhĭk du luh jêh, bunuyh mlo blau ngơi ro. Phung ƀon lan gŭ hih rhâl da dê.

Kôranh Oh Mon 3:2

Geh du huê bunuyh rvĕn ntơm bơh luh bơh ndŭl mê̆, ăp nar bu djôt leo păng ăn gŭ ta mpông ngih brah, kuăl jêng Mpông Ueh, gay dăn prăk phung bunuyh lăp tâm ngih brah.

Kôranh Oh Mon 8:7

yorlah geh âk brah ƀơ̆ ƀơch nter ktang ngăn du luh bơh âk bunuyh geh brah mhĭk lơh; âk bunuyh ji jâng ti jêh ri bunuyh rvĕn bah da dê.

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.