Êsai 35:4 - Nau Brah Ndu Ngơi 2023

⁴ Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 35:4 ပူးပေါင်းရင်းမြစ်များ

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

Nau Mprơ Ơm 116:11

Tâm nau uh ah, gâp lah pô aơ: “Lĕ rngôch bunuyh jêng mƀruh da dê.”

Nau Mprơ Ơm 145:19

Păng ƀư mpay ma phung klach yơk Păng, Tăng đŏng nau khân păng kuăl dăn jêh ri rklaih an khân păng.

Nau Mprơ Ơm 50:3

Brah Ndu he văch tât jêh ri mâu gŭ rklăk ôh. Tanăp Păng jêng ŭnh hit, Văr jŭm Păng jêng geh phŭt sial chuănh hâu ngăn.

Nau Mprơ Ơm 94:1

Ơ Brah Yêhôva jêng Brah Ndu, ma nau plơng bôk jêng ndơ May, Ơ Brah Ndu, nau plơng bôk jêng ndơ May, dăn sol ang nau chrêk rmah May.

Êsai 1:24

Yor nây, Kôranh Brah jêng Brah Yêhôva ma phung tahan, Nơm Nau Brah Israel lah: “Ơ! Nuih n'hâm Gâp mra maak rmal ma phung tâm rdâng đah Gâp, Jêh ri plơng bôk phung rlăng đah Gâp.

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 28:16

Yor nây, Kôranh Brah jêng Brah Yêhôva lah pô aơ: “Aơ, Gâp dơm ta Siôn du mlâm lŭ, Jêng lŭ rlong uănh, lŭ njônh ngih, lŭ khlay, Ƀư mbon nâp ktang Gay ma mbu nơm chroh mâu mra rŭng răng ôh.

Êsai 31:5

Tâm ban ma sĭm mpăr klơ trôk tâm ban lĕ Brah Yêhôva ma phung tahan mra n'gang ƀon Yêrusalem nâm bu pônây lĕ; Păng mra n'gang jêh ri tâm rklaih, Păng mra hăn rgăn jêh ri rklaih păng.”

Êsai 32:4

Nuih n'hâm phung ndĭl ndal mra geh nau blau mĭn gay gĭt rbăng; Mpiăt phung rlem mra ngơi ngăch jêh ri rah vah.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 34:8

Yorlah Brah Yêhôva prăp jêh nar ma nau plơng bôk, Geh năm mplơ̆ sĭt nau nkhôm yor ma Siôn.

Êsai 37:20

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt knŏng êng May yơh jêng Brah Yêhôva!”

Êsai 37:6

Y-Êsai lah ma khân păng: “Khân may plơ̆ sĭt mbơh hom ma kôranh khân may pô aơ Brah Yêhôva lah kơt aơ: ‘Lơi klach ôh yor nau ngơi khân may hŏ tăng jêh, jêng lĕ nau phung oh mon hađăch bri Asiri ngơi djơh tât Gâp.

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Êsai 44:2

Brah Yêhôva jêng Nơm njêng jêh may, Hŏ mon jêh may tâm ndŭl me, jêh ri mra kơl may; Păng lah: Ơ phung Yakôb, oh mon Gâp, Jêh ri Yêsurun, nơm Gâp săch jêh, lơi klach ôh!

Êsai 47:3

Nau rhôk may mra mpơl, Bu mra saơ nau may bêk. Gâp mra har plơng bôk, Gâp mâu mra ăn klen du huê ôh.

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 49:4

Bi gâp, gâp lah: “Gâp hŏ pah kan jêh dơm dam, Gâp hŏ dŏng nau n'hâm suan ma nau dơm dam jêh ri mâu dơi jêng ôh.” Ƀiălah Brah Yêhôva mra phat dôih sŏng ma gâp, Kôranh Bah mra ăn nau nkhôm ma gâp.

Êsai 59:18

Păng mra mplơ̆ ma ăp nơm tĭng nâm kan păng ƀư: Nau ji nuih ma phung rdâng đah Păng, jêh ri nau plơng ma phung rlăng đah Păng; Păng mra mplơ̆ sĭt ma lĕ gôl dak mƀŭt.

Êsai 61:2

Gay mbơh năm Brah Yêhôva yô̆, Jêh ri nar Brah Ndu he plơng bôk, Gay ma bonh leng lĕ rngôch phung rngot klâng;

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Êsai 7:4

Ăn may lah ma Y-Ahas pô aơ: ‘Njrăng hom jêh ri gŭ rklăk, lơi klach ôh, lơi ăn may rdja nuih n'hâm ôh yor bar mlâm yôk ngâl knŏng hôm luh nhhŭk, nây jêng nau Y-Rêsin ji nuih, hađăch Aram, jêh ri kon bu klâu Y-Rêmalia.

Daniel 10:18

Rnôk nây, nơm geh săk jăn tâm ban bu klâu pah ta gâp jêh ri ntop nau ktang ăn ma gâp.

Daniel 10:19

Păng lah ma gâp: “Ơ nơm bu rŏng ngăn, lơi klach ôh. Gŭ đăp mpăn hom jêh ri nâp nuih n'hâm! Nâp hom nuih n'hâm!” Tơlah păng dôl ngơi ma gâp, geh ntop n'hâm suan gâp jêh ri lah: “Ơ kôranh, ăn may ngơi hom, yorlah may jêng n'hâm suan ma gâp.”

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Habakuk 2:3

Yorlah nau tâm saơ hôm e kâp rnôk tât geh nau tâm di; Păng văch gơnh hăn tât ntŭk nglĕ dŭt, mâu mƀruh ôh. Tơlah păng băt tât, ăn gŭ kâp ƀât; N'hêl nanê̆ păng mra tât, mâu mbrĕ mbrơi ôh.

Ndrom Samƀŭt bơh Agê 2:4

Pôri aƀaơ, Brah Yêhôva lah: ‘Hơi Y-Sôrôƀaƀel, janh nănh hom! Bi ma may, Y-Yôsuê kôranh ƀư brah toyh lơn, kon bu klâu Y-Jêhôsadak, janh nănh hom tâm ban lĕ! Hơi lĕ rngôch phung ƀon lan gŭ tâm n'gor, nănh hom!’ Brah Yêhôva lah đŏng: ‘Pah kan hom, yorlah Gâp gŭ ndrel ma khân may,’ Brah Yêhôva ma phung tahan lah pônây.

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Luka 21:28

Tơlah nau nây ntơm tât geh, dâk sŏng hom, n'gơr hom, yorlah nau tâm rklaih khân may dôl văch dăch.”

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

I Têsalônik 5:14

Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

II Timôthê 2:1

Pôri hơi kon, rnơm hom nau yô̆ tâm Brah Yêsu Krist gay ma ƀư ktang ma may nơm.

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’

Nau Tâm Mpơl 22:20

Nơm mbơh nkoch ma nau aơ lah: “Di ngăn, Gâp văch gơnh.” Amen. Ơ Kôranh Brah jêng Brah Yêsu, dăn văch hom!

I Samuel 23:17

Y-Jônathan lah: “Lơi klach ôh, yorlah ti mbơ̆ gâp jêng Y-Sôl mâu mra pah ma may ôh. May mra jêng hađăch phung Israel, bi gâp mra jêng kôranh chiă uănh ma may. Y-Sôl, mbơ̆ gâp, gĭt đŏng rah vah kơt nĕ.”