Êsai 34:8 - Nau Brah Ndu Ngơi 2023

⁸ Yorlah Brah Yêhôva prăp jêh nar ma nau plơng bôk, Geh năm mplơ̆ sĭt nau nkhôm yor ma Siôn.

Êsai 34:8 ပူးပေါင်းရင်းမြစ်များ

Nau Mprơ Ơm 94:1

Ơ Brah Yêhôva jêng Brah Ndu, ma nau plơng bôk jêng ndơ May, Ơ Brah Ndu, nau plơng bôk jêng ndơ May, dăn sol ang nau chrêk rmah May.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 13:9

Aơ, nar Brah Yêhôva tât jêh, Jêng nar dŭt mhĭk, ma nau ji nuih jêh ri ji nuih hâu ngăn, Gay ăn bri neh jêng rngot njăp, Jêh ri ƀư rai phung tih bơh nây.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 47:3

Nau rhôk may mra mpơl, Bu mra saơ nau may bêk. Gâp mra har plơng bôk, Gâp mâu mra ăn klen du huê ôh.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 61:2

Gay mbơh năm Brah Yêhôva yô̆, Jêh ri nar Brah Ndu he plơng bôk, Gay ma bonh leng lĕ rngôch phung rngot klâng;

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Yêrêmi 46:10

Ma nar nây jêng nar Kôranh Brah, jêng Brah Yêhôva ma phung tahan, Jêng nar har plơng bôk, Gay har plơng ma phung rlăng đah Păng. Đao rvăn kŏ tât hơm, Nhêt mham hơm mpay. Yorlah Kôranh Brah, jêng Yêhôva ma phung tahan, Nâm bu ndơ ƀư brah nhhơr tâm bri mpeh pa lơ, ta kơh dak krong Ơphrat.

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Yôel 3:4

Hơi ƀon Tyre jêh ri Sidôn ndrel ma lĕ rngôch nkual neh Philistin, moh khân may jêng ma Gâp? Di lĕ khân may ŭch plơng bôk ma Gâp? Tơlah kơt nây Gâp mra ăn nau khân may ƀư nkhŭt tay ta klơ bôk khân may nơm gơnh ro jêh ri ƀât lât.

Mika 6:1

Abaơ aơ, iăt hom nau Brah Yêhôva lah; Dâk hom may, tâm rlăch đah phung yôk Jêh ri ƀư ăn phung gôl yôk iăt bâr may!

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”

Nau Tâm Mpơl 14:11

Nhhŭk ŭnh bơh nau nđêh nji khân păng thŭl hao n'ho ro. Phung bunuyh yơk mbah ma mpô mpa dŭt janh ndrel ma rup păng, jêh ri mbu nơm sŏk dơn nau mbên amoh păng, pôri măng nâm nar mâu mâp rlu ôh.”

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”