Êsai 34:6 - Nau Brah Ndu Ngơi 2023

⁶ Đao Brah Yêhôva krêp bêng ma mham, jêh ri ngi, Jêng mham kon biăp jêh ri be nkuăng, Ngi mlâm leh biăp nkuăng. Yorlah geh nau nhhơr mpa ƀư brah ma Brah Yêhôva ta ƀon Bôsra, Nau tâm nkhĭt toyh tâm bri Êđôm

Êsai 34:6 ပူးပေါင်းရင်းမြစ်များ

II Samuel 1:22

Na Y-Jônathan Mâu hôm plơ̆ sĭt jêh ri mâu hôm saơ krêp puăch mham bunuyh khĭt, Jêh ri ngi phung janh ktang; Đao Y-Sôl mâu đŏng plơ̆ sĭt dơm dam.

I Nau Rêh Jêng 1:44

Tơlah Y-Bêla khĭt, Y-Jôbap, kon bu klâu Y-Sêra, phung Bôsra, chiă uănh ntrok păng.

Nau Mprơ Ơm 137:7

Ơ Brah Yêhôva, ăn May kah gĭt ma lĕ nau phung kon sau bri Êđôm hŏ ƀư jêh; Tâm nar bu sŏk jêh ƀon Yêrusalem, Khân păng lah: “Ƀư rai hom! Ƀư rai hom! Ƀư lâng kŏ tât ta mbon păng!”

Êsai 29:2

Gâp mra nchueng jŭm Ariêl, Păng mra geh nau rngot klâng jêh ri lŭng nter, Ƀiălah păng ăt hôm jêng ƀon Ariêl ma Gâp.

Êsai 34:5

Yorlah đao Gâp gŭ tâm trôk hŏ nhêt mpay jêh; Aơ, păng mra jŭr ŭch phat dôih bri Êđôm, Ma phung ƀon lan Gâp hŏ jao ma nau rai lôch gay phat dôih.

Êsai 63:1

Nơm bơh ƀon Bôsra bri Êđôm văch, Nsoh bok ao chăng rhưch, ndơ nsoh chrêk rmah, Nhuat hăn rnam ma nau ktang dŭt toyh, Mbu moh Nơm aơ? “Gâp yơh, Nơm mbơh nau sŏng srăng, Nơm brah dơi tâm rklaih!”

Êsai 63:3

“Knŏng du huê Gâp jot ta ntŭk drŏng păt play krăk ƀâu, Mâu geh du huê tâm phung ƀon lan gŭ ndrel ma Gâp ôh. Gâp jot jêh khân păng tâm nôk Gâp ji nuih, Jot nchah jêh khân păng ma nau Gâp ji nuih; Mham khân păng tâm ban ma dak krăk ƀâu mprănh ta bok ao Gâp Lĕ rngôch kho ao Gâp krêp mham da dê.

Êsai 65:12

Gâp mra tâm nal khân may ma đao, Lĕ rngôch khân may mra chon mon dơn nau bu nkhĭt; Yorlah Gâp hŏ kuăl ƀiălah khân may mâu plơ̆ lah ôh, Gâp ngơi jêh ƀiălah khân may mâu iăt. Khân may ƀư jêh nau mhĭk tâm dâng măt Gâp, Jêh ri hŏ săch jêh nau mâu ƀư maak ma Gâp.”

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 25:34

Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Yêrêmi 46:10

Ma nar nây jêng nar Kôranh Brah, jêng Brah Yêhôva ma phung tahan, Jêng nar har plơng bôk, Gay har plơng ma phung rlăng đah Păng. Đao rvăn kŏ tât hơm, Nhêt mham hơm mpay. Yorlah Kôranh Brah, jêng Yêhôva ma phung tahan, Nâm bu ndơ ƀư brah nhhơr tâm bri mpeh pa lơ, ta kơh dak krong Ơphrat.

Yêrêmi 49:13

Brah Yêhôva lah: “Gâp hŏ ton lah ma Gâp nơm ƀon Bôsra mra jêng ndơ ƀơ̆ ƀơch, ndơ bu ntêh rmot, ntŭk rngot njăp, jêh ri ntŭk bu rak rtăp. Jêh ri lĕ rngôch ƀon toyh păng mra jêng rngot njăp n'ho ro.”

Yêrêmi 49:7

Brah Yêhôva ma phung tahan lah ma Êđôm kơt aơ: “Ah tâm ƀon Têman mâu hôm geh hĕ nau blau mĭn. Phung blau kơl nkah mâu hôm geh nau gĭt rbăng hĕ? Nau gĭt mĭn khân păng hŏ roh jêh mâu?

Yêrêmi 50:27

Nkhĭt hom lĕ rngôch ndrôk nkuăng păng, Djôt leo ma ntŭk bu nkhĭt ƀư puăch. Rêh ni ngăn ma khân păng, yorlah nar ma khân păng hŏ tât jêh, Jêng rnôk bu tâm rmal ma khân păng!

Yêrêmi 51:40

“Gâp mra njŭn khân păng tât ma ntŭk bu sreh nkhĭt, Nâm bu kon biăp, biăp nkuăng jêh ri be nkuăng.

Êsêkiêl 21:10

Jêh ri lĕ bunuyh mra gĭt Gâp, Brah Yêhôva, hŏ tŏk jêh đao bơh ma ndrop pôri mâu mra plơ̆ ntrŭp tâm ndrop đŏng ôh!’

Êsêkiêl 35:15

Yorlah may hâk răm jêh dôl drăp ndơn ngih Israel lĕ jêng rngol, yor nây Gâp ăt ƀư ma may tâm ban pônây lĕ. Hơi yôk Sêir, may ndrel ma lĕ bri Êđôm, ma nau nây lĕ rngôch n'gor mra jêng rngol, jêh ri khân păng mra gĭt Gâp jêng Brah Yêhôva.”

Êsêkiêl 35:8

Gâp mra ƀư ăn lĕ yôk păng bêng ma bunuyh bu nkhĭt; đơ phung bu nkhĭt ma đao mra chôt khĭt ta klơ yôk may, tâm lĕ rlŭng jêh ri lĕ rngôch n'hor dak may.

Amôt 1:11

Brah Yêhôva lah: “Yor nau tih mhĭk Êđôm ntop hôm ntop nau tih mhĭk Yor ri Gâp mâu rhuăt tay nau tâm rmal ma păng, Yorlah păng dŏng đao mprơh tĭng ntâp oh nâu khân păng nơm Mâu geh nau tâm yô̆; Păng djôt nau ji nuih n'ho ro, Jêh ri mât nau ji nuih tât n'ho ro.

Sôphôni 1:7

Gŭ klăk klêm hom tanăp Kôranh Brah Yêhôva! Yorlah nar Brah Yêhôva hŏ dăch tât jêh; Brah Yêhôva hŏ ndrăp nkra jêh du mlâm mpa ƀư brah, Prăp êng ma phung bu năch Păng lĕ jă jêh.

Nau Vay Nkah Tay 32:14

Sa dak toh ndrôk kŏt, dak toh ndrêh bơh biăp, Ndrel ma ngi biăp kon jêh ri biăp nkuăng Bơh phung ndrôk jêh ri be bơh n'gor Basan, Ndrel ma ba ƀlê ueh lơn. Khân may mra nhêt ndrănh krăk ƀâu mâu geh rlŭk chăng tâm ban ma mham.

Nau Vay Nkah Tay 32:41

Lah Gâp tôl theng măt đao ăn dŭt chrêk, Jêh ri ti djôt nau phat dôih Gâp mra plơng har ma phung rdâng đah Gâp, Mplơ̆ tay ma phung tâm rmot ma Gâp.