Êsai 34:3 - Nau Brah Ndu Ngơi 2023

³ Đơ bunuyh khân păng khĭt bu mra mƀăr padih, Săk jăn khĭt n'hôl ƀâu ôm; Mham khân păng hoch bêng klơ yôk.

Êsai 34:3 ပူးပေါင်းရင်းမြစ်များ

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 34:7

Ndrôk bri, kon ndrôk jêh ri ndrôk nkuăng Cha lôt ndrel ma khân păng da dê; Bri khân păng mra nhŭl yor mham, Neh muy khân păng krêp bêng ngi lay.

Êsai 66:24

Khân păng mra luh hăn jêh ri saơ săk jăn phung bunuyh tâm rdâng jêh đah Gâp; ndrŭng tâm săk khân păng mâu mra khĭt ôh, ŭnh sa khân păng mâu blau nhhât ôh, jêh ri khân păng mra jêng ndơ ƀơ̆ ƀơch ma lĕ rngôch bunuyh.”

Yêrêmi 22:19

Bu mra tâp păng nâm bu du mlâm seh bri, Bu uih jêh ri mƀăr lơi padih mpông ƀon Yêrusalem.

Yêrêmi 25:33

Tâm nar nây, săk phung khĭt Brah Yêhôva nkhĭt khĭt mra bêng lam măt neh. Mâu geh bunuyh nhĭm vơl mâu lah rgum gay tâp brôi, mâu lah rgum tay gay ma tâp brôi; khân păng jêng buh ta klơ măt neh!

Êsêkiêl 14:19

Mâu lah tơlah Gâp njuăl nau ji tưp tât tâm bri nây, tơlah Gâp nkhŭt nau ji nuih ƀư pling mham, nkhĭt lơi lĕ rngôch bunuyh jêh ri mpô mpa tâm bri bơh păng

Êsêkiêl 32:4

Gâp mra chalơi may ta klơ neh, Jêh ri klŭp may ta nklang mir hŏng. Gâp mra ƀư ăn lĕ rngôch phung sĭm klơ trôk jŭr drâm ta klơ may, Jêh ri phung mpô mpa lam bri sa puăch may kŏ tât mpay.

Êsêkiêl 35:6

Yor nau nây, Kôranh Brah Yêhôva lah: ‘N'hêl nanê̆ tĭng nâm Gâp gŭ rêh mro mrăng, Gâp mra jao may tâm mham, jêh ri mham mra tĭng may. Yorlah may mâu tâm rmot ôh nau ƀư pling mham, yor nây mham mra tĭng may!

Êsêkiêl 38:22

Gâp mra ƀư nau phat dôih tâm rdâng đah păng ma nau ji tưp jêh ri ma nau pling mham. Gâp mra nkhŭt dak mih toyh, glo dak pler, ŭnh jêh ri lŭ mô ŭnh nkhŭt ta klơ păng, ta klơ phung tahan âk păng jêh ri phung ƀon lan hăn ndrel păng.

Êsêkiêl 39:11

Tâm nar nây, Gâp mra ăn Y-Gôk du ntŭk ƀư môch tâp ta Israel tâm rlŭng ma phung bu năch hăn nsong mpeh pa luh nar dak mƀŭt. Môch tâp nây mra king lơi trong phung bu năch hăn nsong. Yorlah ta ntŭk nây bu mra tâp Y-Gôk jêh ri lĕ rngôch phung âk ndrel păng. Bu mra ntơ ntŭk nây rlŭng Hamôn Gôk.

Êsêkiêl 39:4

May mra cha lôt khĭt ta klơ lĕ yôk Israel; may jêh ri lĕ rngôch tahan may, lĕ rngôch phung ƀon lan hăn tĭng may tâm ban lĕ. Gâp mra jao may ma ăp phung sĭm jêh ri ma mpô mpa bri ƀư ndơ sa.

Yôel 2:20

Gâp mra ăn phung rlăng mpeh pa lơ du ngai ma khân may, Mprơh khân păng tâm ntŭk neh kro nđang jêh ri bri rdah: Mprơh du phung tahan panăp khân păng tâm dak mƀŭt luh nar, Phung tahan pakơi khân păng tâm dak mƀŭt nhâp nar. N'hôl khân păng ƀâu ngăn, N'hôl khân păng luh ƀâu chrĭ.” Yorlah n'hêl nanê̆ Kôranh Brah hŏ ƀư lĕ nau kan toyh.

Amôt 4:10

“Gâp njêng nau ji tưp tât ma khân may nâm bu tâm n'gor bri Êjipt. Gâp nkhĭt jêh phung bu klâu ndăm khân may ma đao Jêh ri seh khân may lĕ Gâp nhŭp jêh. Gâp hŏ ƀư nau ƀâu ôm tă bơh ntŭk khân may njơh, n'hôl tât ma trôm muh khân may. Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah pônây.

Nahum 3:3

Phung ncho seh rduh ran panăp, Yat đao rmah ƀlĭp, tak rjăng lơp ƀlip. Âk râk bunuyh cha lôt khĭt, Bun mpưm mbŭch săk nuyh khĭt, Săk nuyh khĭt mâu dơi kơp ôh! Bu chêh prah ta klơ săk nuyh khĭt.

Nau Tâm Mpơl 14:20

Bu jot plên khân păng tâm thŭng mpet nây padih ƀon, jêh nây geh mham tă bơh thŭng mpet hoch luh; hao tât ta mbung seh, jêh ri lêng tât geh pe rhiăng kilômet.